ايفان بقلق: وديم مالك...
وديم وهي بتغمض عيونها: ايفان امسكني!
ووقعت بين يدينو!!
ايفان: وديم وديم جيبوا مويه...وديم...
كلهم قاموا جروا عليها
غيث اتلفت بخلعه وجرااا عليهم...
غيث: مالا مالا وديم بسم الله ...اقلعوا الشال دا منها....
جوري:😭وديم مالك...
رشوها بالمويه وشمموها ريحه وصحت
غيث: وديم مالك....
قامت على حيلها
ايفان: ارقدي ماشه وين انتي
وديم: انا كويسه يااخ بس تعبانه شويه..
ايفان: شويه قلتي لي🙂💔
وديم: ايفان...
كلهم: حمدلله على سلامتك ي ديمو
وديم: الله يسلمكم..💙
جوري: بدوووون ااي اعذار يلا العشااا..
وديم: جوري والله م عايزه م عندي نفس
غيث كان بتفرج ساي بس فجاه بكل هدوؤ قال ليها: انسه وديم انا هنا المتحمل مسؤليتكم كلكم...وانتي بالذات
لارا: هههه
غيث حمر ليها...كمل كلامو
غيث: فتقومي تاكلي من سكات...
عايزه تتكلم هشام قاطعها: وديم بجد انتي حصل ليكي كدا لانك تعبتي ومن امباارح م اكلتي شي والليله كمان غير القهوه مع التعب وعلى معده فاضيه...فشنو قومي اكلي ي كلنا م حناكل مش كدا...
يزن: لالا انا غايتو حاكل حتى لو م اكلت
ايفان: وانا كمان🌚
وديم: شفتوا المعفنين خلاص اوك حاكل...
ايفان: بركاتك يشيخ هشاام في الاقناع
هشام: يااخ انا زول مزز وكيوت محد برفض لي طلب...
وديم: حردت الاكل😂
ايفان: يااادي الضحكه البتخلي الشمس تشرق يااه
مؤيد: ايفان والغزل↗️
غيث:يلا العشا عشان اعتقد برد وانتوا واقفين...
كلهم اتجهوا وقعدوا ياكلووو وايفان الفوتوغرافي شغال يصور من كل الجهات..ويصور وديم ويقول ليها: العيانه الجات راجعه من المقابر..
وديم: ايفان انا م قادره اكل زح كاميرتك من وشي...
ايفان: هو انتي لاقيه🐸
خلصوا اكل وكلهم اتجهوا عغرفهم....
ايفان ومؤيد ويزن قعد يتكلموا
