هادئي

٥

وفعلا مشت كتبت استقالتها وختتها على مكتبووو وطلعت مشت البيت...

لما وصلت البيت كانت الصدمه...

امها ادتها كبابي المويه والعصير وقالت ليها امشي وديها....

ولمن دخلت لقت غييث همام النوور بشحموو ولحمووو قاعد مع ابوهاا وبضحك كمان....

وديم وقفت تستوعب الحاصل ابوها اتلفت عليها وقال ليها مالك واقفه جيبي الضيافه لمطر..💙

غيث بكل هدوء: وديم...يدك كيف سالت الموظفين قالوا مشيتي المستشفى...

عبدالداايم: لى ي وديم ي بتي م انتبهتي لنفسك....وبعدين ضاربه يدك وتاني تكشحي عليها القهوه ارحمي نفسك ي بت...

قعد جمب ابوها قصاد غيث وقالت لابوها...

وديم: بابااا حبيبي انا بخير...

عبدالدايم: كيف بخير وانتي بتاذي فروحك كل راس دقيقه.....

جوالوو اتصل قاام على حيلو يتكلم.. 

غيث كان مدنقر في بعاين للكبايه ووديم يتعاين ليه مباشرة....

اول م رفع راسو وقال وديم....عايز يتكلم ابوها جا داخل واستاذن من غيث انو لازم يطلع لانو عندو ظرف...

عبدالدايم: البيت بيتك يولدي.. 

غيث: تسلم ي عم اتفضل انت م تتاخر...

وطلع بقا قاعد وهو البعاين ليها مباشرة وهي مشتته نظرها...

غيث بعد فتره من الصمت وبهدووء: وديم!

وديم في حاحه شدتها انها ترفع راسها وتقول نعم!!

غيث: يدك بقت كيف....

وديم واتزكرت يدها وعيونها بقوا يلمعوو ...وقالت ليه بصيغة معاتبه: حمدلله م اتكسرت....

غيث: وديم انا...انا..انا..

وديم: انت حتى الاعتزار عندك صعب...عموما م محتاج ي استاذ غيث وانا اوريدي نسيت الموضوع... ووقفت...

غيث وقف ومشا عليها انتي ممكن تسكتي تسمعيني....

غيث اخد نفس: انا اسف....م كنت قاصد الوي ليكي يدك... كنت غضبان وانتي مستفذه جداا....بس صدقيني م كنت قاصد ءاذيكي....

وديم: وعملتها.....

غيث: وقلت ليكي اسف...

وديم: مقبول...شكرا م كان لازم تعذب نفسك....

غيث: لا م للازم فعلا "وااجب" 

رفعت راسها عاينت ليه وقالت ليه...استقالتي على مكتبك.....

مشا عليها خطوه زياده وقال ليها بهدوووء سااحر: اعتبريها مرفوضه...وبعد يومين اللي حيكون يوم الاحد حتباشري شغلك من جديد تحت اشرافي انااا...

عاين ليها جوا عيونها...وابتسم ابتسامه هاديه...

غيث: انسه وديم بكرا الساعه8 ص القاكي فمكتبي فهمتي....!!

وديم: بسسس انا...

قاطعها بانو ختا اصبعو عشفايفها...: حتجي...نزل اصبعو بسرعه وشتت نظروو وقال: احم...انا اسف مره تانيه...عن اذنك...

طلع سلم على امها بسرعه وركب عربيتو واخد نفس واتحرك اما وديم وقفت مسافه وهي بتحاول تستوعب...

وديم: انفصاام🤦🏻‍♀...

مشت اول م دخلت غرفتها لقت بوكس راقد عالسرير استغربت منو ومشت بسرعه فتحتووو....

لقتو عباره عن.....

#نهاية الحلقه الخامسه💙

اتمنى لكم قراءه ممتعه♥️