مصائب وجرائم أفادتنا

الحلقه 10

#الكاتبة_ژوژو_الطشهه

#دائرة_النصيب

#الحلقة_10

#لااااايك_قبل_ماتقري💙🌸.

#وتعليق_بعد_ما_تكملي❤️.

الساعه 1:30/ في الليل دقت نسرين ع جهاد لأنه قاللها تجيه الوقت هدا يبيها في موضوع
وخشت
لقت جهاد قاعد ع الكرسي يالا السرير وواضح إنه كان يرجا فيها
نسرين: اهلين
جهاد:اهلين تفضلي☺️
جت نسرين وقعدت
جهاد:بنخش في الموضوع طول
نسرين :موضوع شنو؟
جهاد:أنا نبي نحكيلك قصة حياتي كلها
نسرين:وليش تحكيها ليا يعني أنا ما طلبتش منك تحكيلي
جهاد:لما نكمل القصه ح تعرفي ليش حكيت
نسرين:تمام تفضل
بدا جهاد يحكيلها في قصة حياته كلها وطبعا أنتن عارفتنها كلها من البدايه للنهايه حكيتلكن عليها وهك المهم جهاد كان يحكي ونسرين تسمع فيه وفاتحه عيونها بي صدمة
جهاد كمل وشافلها:وهدي قصة حياتي من أول بداية لي اخر النهايه وما كدبت عليكي ف ولا حرف وحكيتلك كل شي عني🔥
نسرين بي صدمه دمعتها نزلت:ي ي يعني أنا توا قاعده مع مجرم؟😢
جهاد اضايق:أنا حكيتلك وأنه في اسباب جبرني
نسرين بي عصبيه:مافيش شي جبرك انت قلت حالتكم الماديه ممتازة يعني كنت تصرف ع اختك وعليم وكبرت شركة باتك بس بعدين عبو راسك عويل مش تمام كيف انت ما عندكش ايمان ما عندكش شخصيه ماعندكش قرارات لعند وحدين يعبولك راسك كيف هكي وشغلك الحقير يعني اتاجر بالبشر وقتل واجرام يعني انت من أكبر العصابات المخربين
جهاد يشوف في نظرة نسرين لاه وكان يتمنا يموت ولا يشوفها نظرتها كانت واعره عليه تشوفله بي استحقار وهكي
جهاد عيونه تعبوا دموع:يا نسرين أنا تعبان جسديا قبل معنويا نحس في حياتي مالهاش أي معنى وربي لو صفاء ما كانتش معايا كنت متت من القهر من زمان هيا الي مصبرتني ع الحياه حاسس بي فراغ كبييييييييير تحسابيني فرحان بي الي أنا فيه أنا ندمان بكل وخاطري نتغير بس ما عرفتش كيف نتغير مافيش حد خلاني نغير فكرتي أنا وربي شاهد عليا خاطري نتغير ومش حابب الشغل كله
نسرين شافتله وحساته صادق :باهي أنا نساعدك 🥺
جهاد شافلها بي فرحه:جد؟
نسرين :جد
جهاد مسك يدها:شكرا بي جد بس أنا مزال ما كملت الموضوع الي بنقوله لك
نسرين سحبت يدها منه وشافتله:كمل
جهاد:نسرين تتزوجيني؟🔥
نسرين شافتله بي صدمه:كييييف🙄🙄🙄
جهاد: تتزوجيني عادي؟
نسرين بي جواب واضح:لاااء🙂
جهاد اضايق:تمام بس أنا نبي نطلب منك طلب لو تقدري تساعديني فيه
نسرين:الي هوا
جهاد:زواج شهر ع ورق أنا وانتي عشان في حاجات واجد بنديرهن ولازم نكون متزوج وصدقيني ه المره كل الحاجات الي بنديرهن كويسات وممكن نكفر بيهن ذنوبي 💔
نسرين بي صدمه:كيف شهر وع ورق ما فهمتش وشن الحاجات
جهاد:ع ورق يعني لي مدة شهر بعدها نطلقك لأنه انتي ما تبيش الزواج مني هدي أول حاجه وثاني حاجه الحاجات لو وافقتي عليهن ح تعرفيهن بس نتمنا توافقي لأنه وربي أنا مرتاحلك واجد وحكيتلك كل الي في خاطري وانتي فكري وردي عليا بس صدقيني لو وافقتي انت ح تكوني خدمتي واحد يتيم وطلعتيه من العذاب♥️
نسرين قعدت ترن في وذنها اخر كلمه"ح تكوني خدمتي واحد يتيم وطلعتيه من العذاب ح  تكوني خدمتي واحد يتيم وطلعتيه من العذاب💔💔💔)
نسرين تنهدت وناضت: تمام ح نفكر ونرد عليك
جهاد:ياريت بكرا تردي عليا
نسرين:تمام
طلعت نسرين وسكرت الباب وعدت دارها تمددت ع السرير ومصدومه ما لحقتش تنصدم بي قصة جهاد تجيها قصة زواج الي عرضه عليها قعدت طول الليل واعيه وتفكر كان واجعها جهاد ومش عارفه ليش🔥🔥🔥....
----------
(من قلبي مش مسامحه أي وحده تقرا وما تتفاعلش تعبت بجد نكتب ونتعب وانتي تقري وتعدي واجد رآه 💔 مش مطلوب منك إلا لايك وتعليق نسبة مشاهدة الحلقه واجد والتفاعل مش سمح فلذلك لما تكمل الروايه ح نصفي كويس وح نخلي المتفاعلات بس لانه روايتي الجديده نبي فيها المتفاعلات بس فلذلك من حلقة اليوم تفاعلي والبنات المتفاعلات معايا نحبهن عرررررررم وعارفتهن كويس ♥️🥺)
------------
(هدا الواتباد متاعي zozo_17_2004)