مصائب وجرائم أفادتنا

الحلقه 2

#للكاتبه_ژوزژ_الطشهه✍🔥

#مصائب_وجرائم_أفادتنا
#الحلقه_2

#لايكككككككك🔗

(في الحلقه 1 حكيت نبذه بسيطه ع حياة كل شخص في حلقة اليوم نبي نبدوا بي هدوء عشان تفهمن حياة كل شخصيه بعدها نبدا في الأحداث بي هدوء)

………
عند سراج ماسك عصاه متاع شجره ويكسر فيها بالشوي وسارح جاه صاحبه عامر وقعد يالاه
عامر:كنك من امس مش ع بعضك وتسرح وتفكر واجد
سراج تنهد:مش عارف حاسس روحي ح نظلم بنت عمي
عامر بي استغراب:ليش شن فيه
سراج:أنت مش صاحبي اليوم ولا أمس نحنا صحبه 8 سنين وأنت عارف إنه أنا جو الجواز والحب هذا كله مش في أبوابه وآخر همي الشي هذا وبنت عمي ما وافقتش عليها إلا بعد إلحاح من أمي وماحبيتش نعاندها في الأخير زيها زي أي أم تبي تفرح بي عويلها المهم حاسس روحي ظالم بنت الناس تصدق لو نقولك مش طايقها هك ما نفهمش فيه جو التيلفونات والحب ونحس فيه كلام فاضي وانت عارف البنت أهم حاجه عندهن الاهتمام😂
ضحك سراج بي هزوه وقال:تصدق لو نقولك من لما خطبنا أنا كلمتها مره وحده بس هيا الي ديما ترن ما عمري رنيت عليها إلا مره بس؟
عامر بصدمه:تي لاا يرا كنك شن ذنبها البنت ليش توافق من البدايه حرام عليك أنت حاول تغير الفكره هذي حاول تحبها حاول تهتم بيها ومافيش إنسان ما عنده قلب ومافيش إنسان ما يحب صدقني ماتعشمهاش فيك وفي النهايه هذي بنت عمك راه
سراج:عارف الكلام هذا كويس وفاهمه تصدق حتا بعد ترن مره مره نوزعها مره نقوللها قدامي شباب مره نقوللها نعسان مره نقوللها عندنا مداهمه بس عارف ازح مستغرب من حاجه ما تملش مش مضايقة مني نحس فيها عادي عاجبها الجو مع إني مهمل معاها بكل بس امورها تمام ومش مدوره
عامر:صابره عليك مسكينه
سراج:يلا فوت ما أدققش خليها ع ربك شن صار في العمليه اليوم
عامر:أمور تمام ع الساعه 12 الليل ح نطلعوا كلنا بس يستر الله ه المره دايرين إحتياطاتهم وجايبين أسلحه واجد وعندهم دعم واجد
سراج تنهد:الي ربي كاتبله عمر ح يعيش صبي معايا نشوفوا الشباب
ناضول هما الأثنين وعدوا يشوفوا الشباب ويوتوا لي مهمة اليوم....

(عامر صديق سراج من أيام زمان وزي خوه ديما مع بعضهم وحتا العسكريه خشوها مع بعضهم💜)
_______________
عند الأسد قاعد في المصنع متاعه ويشوف في الحسابات والجو هذا دق الباب
الأسد:خش
خش عليه منصور ولد عمه
الأسد:وين وين ماعش أدور وأكيد جاي مصلحه
منصور بضحكه:عيب يا راجل بس لنقنا مصلحه
الأسد بي إبتسامه ورفعة حاجب:خش في الموضوع ورايا شغل
منصور:كيف ما تعرف الأسبوع الجاي فرح وفاء وتزن تبي الفرح يكون في قاعة ال# وهذي القاعه ديما زحمه اليوم كلمت نحجز قالولي فيه عرسان ح يتجوزوا فيها
الأسد:والمطلوب مني يعني نكلم مسؤولها وينكسل العرسان ويخليها لي وفاء؟😕
منصور بضحكه:بالضبط
الأسد:فوتها القاعه هذي تي ازح عليك إنانيه صح نقدر نكلمه بس مش هكي حرام فيه عرسان حاجزين توا نكلم رشدي يحزلها في قاعه ال # انضني القاعه هذي مافيش أحسن منها؟
منصور:تي منور بكل تمام ما نعطلكش
الأسد:مربوحه
طلع منصور
الأسد ضحك بي هزوه:كلها ع المصلحهه تجري😒
قعد يكمل في شغلهه