"သား ငါ့သား သတိရလာပြီ
ကိုကြီး မေတို့သားသတိရလာပြီတော့ !!"ငိုသံရောထွေးနေသော သူ့အမေအသံက နားစည်တွေထဲဝင်ရောက်လာကာ မရေရာမှုကိုခံစားရစေ၍..
သူက သေသွားပြီမဟုတ်ဘူးလား? အခုရောက်နေတာ သေခြင်းနဲ့ရှင်ခြင်းကြားခံနယ်လား?
သူ့ရဲ့ဝိညာဥ်ကလွင့်မြောနေတာလား?"သားငယ်...သားငယ်လေး"
ခေါ်သံကြောင့် သူ နောက်တစ်ကြိမ် အားယူ၍မျက်လုံးကိုဖွင့်ကြည့်လိုက်မိသည်။
အလင်းရောင်နဲ့ညှိယူလိုက်ပြီးနောက် ပထမဆုံးမြင်ရတာက သူ့ကိုအုပ်မိုး၍ကြည့်နေသော သူ့အမေ...
မေ လို့ခေါ်လိုက်ချင်ပေမယ့် ခြောက်ကပ်နေသောလည်ချောင်းကြောင့် ပါးစပ်ဟနိုင်ရုံသာ...
" သား ရေဆာလို့လား နေဦး မေရေတိုက်မယ် ဒေါ်သွယ်ရေ ရေခွက်နဲ့ဇွန်းလေးယူပေးပါဦး"
ရေအချို့ ပါးစပ်ထဲဝင်သွားသည့်နောက်တွင်မူ လွှမ်းဝဿာန် ခံစားရအဆင်ပြေသွား၏။
ထိုင်လိုက်ချင်ပေမယ့် နှာခေါင်းတွင်တပ်ထားသော အောက်စီဂျင်ပိုက်ရယ် လက်တွင်အပ်စိုက်ထားသောပိုက်ရယ်က သူ့ကိုထိုင်ခွင့်မပေးချေ။သူ့ရဲ့အားနည်းနေမှူအပါအဝင်ပေါ့။
တကယ်တော့ သူအတွေးထဲကမထွက်နိုင်သေး။
ဝိညာဥ်လွင့်မြောကာ အတိတ်ကဖြစ်ရပ်များကို အောက်မေ့ခြင်းလား?
သို့တည်းမဟုတ် ......"ကျွန်..တော်..ဘယ်ရောက်..အ..နေ တာ လဲ"
"သားငယ်~~"
ဒေါ်မေနှင်းကထပ်ပြီးငိုပြန်တော့ မျက်ရည်သုတ်ပေးချင်သည့်အလား လက်ကိုအားယူမြှောက်လိုက်တော့ သူ့အမေက သူ့လက်ကိုဆွဲယူကာ လက်ဖဝါးအားမျက်နှာသို့ကပ်ထားလေသည်။
"သား ကားအက်ဆီးဒန့်ဖြစ်လို့ ဆေးရုံမှာလေ သားရယ်"
ဆေးရုံ?
သူကအခုအုတ်ဂူထဲမှာရှိနေရမှာမဟုတ်ဘူးလား?
ဒါပေမယ့်.... သူ့ဘဝမှာဆေးရုံတက်ရတဲ့အခိုက်အတန့်တော့ရှိခဲ့ဖူးသည်။
ထိုအရာက နွယ်တည်တံ့နှင့်ကမ္ဘာလွှမ်းကို ကော်ဖီဆိုင်အတွင်း၌ နမ်းနေသည်ကိုတွေ့လိုက်မိပြီးနောက် သူ့စိတ်တို့ကအစိုးမရစွာကားကိုအရှိန်တင်မောင်းနှင်ခဲ့ရာမှ အက်ဆီးဒင့်ဖြစ်ကာ ဆေးရုံရောက်ခဲ့ခြင်း။
သို့သော် ထိုအချိန်ကယာဥ်ကြောရှင်းနေရာ ထိခိုက်မှုနည်းတာကြောင့်ဆေးရုံကိုတစ်လမျှသာတက်လိုက်ရသည်။
![](https://img.wattpad.com/cover/273208423-288-k425853.jpg)
YOU ARE READING
Transmigrated Into Fragile,Cottony Body အလှလေးကိုယ်ထဲသို့ကူးပြောင်းခြင်း
Fantasy❌Not Translation!❌ တည်တံ့သော်တစ်ယောက် ဘယ်တုန်းကမှ မတော်တဆဖြစ်ပြီးသေရမယ်လို့မတွေးမိခဲ့ဖူးဘူး အစစအရာရာသတိထားနေထိုင်တတ်တဲ့သူ ယုတ်စွအဆုံး အိမ်ထဲကနေ ခြံရှေ့တံခါးအထိ ခြေဘယ်နှလှမ်းရှ်ိလဲဆိုတာတွက်ချက်တဲ့သူလိုလူအတွက်ပေါ့! သေတာတောင် မုန့်နင်ပြီးသေရတယ်လို့! ...