Unicode
အဖော်လုပ်ပေးရမလား?
ဘာတဲ့ အားနေတယ်?
ဘောကိုသွားအားနေလိုက်!
တည်တံ့ မျက်လုံးလေးကလယ်ကလယ်နှင့် အပြစ်ကင်းတဲ့ကြောင်ပေါက်လေးတစ်ကောင်လို ပြုမူလိုက်သည်။
"ဒါပေမယ့် ကျွန်တော်ကကြာမှာ အကို့ကိုအနှောင့်အယှက်ပေးသလိုဖြစ်နေပါဦးမယ်"
ဒါက ညင်သာယဥ်ကျေးတဲ့နှင်ခြင်းတစ်မျိုးပဲ
ဒါကို ကမ္ဘာလွှမ်းလိုလူကြီးလူကောင်းကသိသည်။
ဒါပေမယ့် ဘယ်လိုလုပ်မလဲ..
ကမ္ဘာ မသိချင်ယောင်ဆောင်ဖို့ဆုံးဖြတ်လိုက်ပြီလေ။
ကောင်လေးရဲ့ ထိတ်လန့်အံ့သြသွားသလိုမျက်ဝန်းတွေက အပြင်ဘက်အနားရစ်လေးတွေဝိုင်းစက်သွားပေမယ့် သေချာကြည့်လျှင်ရေပြင်အလားတည်ငြိမ်နေတာကိုတွေ့ရပေလိမ့်မည်။
မည်သည့်စကားမှပြန်မဆိုသေးဘဲ တည်တံ့သော်ရဲ့မျက်ဝန်းညိုညိုတွေထဲစိုက်ကြည့်လိုက်သည်။
တစ်စက္ကန့် နှစ်စက္ကန့်....
ကားတံခါးကိုပိတ်လိုက်ကာ အထက်တန်းကျလှသည့်ခြေတံရှည်တွေက သူ့အနားတိုးကပ်လာသည်အထိ တည်တံ့ကျောက်ရုပ်ဖြစ်နေတုန်း..
အခုက ဒီလူဘာလုပ်..?!
"လာလေ အထဲဝင်စို့
ကိုယ်လည်း ဒီလိုဆိုင်မထိုင်ဖူးဘူး
အတွေ့အကြုံရတာပေါ့"
အရှေ့ကနေ ဘောင်းဘီအိတ်ကပ်ထဲလက်တစ်ဖက်ထည့်ကာ တစ်ဖက်ကကားသော့ကိုကိုင်ပြီး မော်ဒယ်လ်အလားဆိုင်ထဲဝင်သွားသည့်ကမ္ဘာလွှမ်းကြောင့် စိတ်အလိုမကျစွာနှုတ်ခမ်းမဲ့လိုက်သည်။
သည်လူ့အတွက်ကြောင့်နှင့် စိတ်အခြေအနေလေးမပျက်စီးချင်တာကြောင့် ဆိုင်ထဲဝင်လိုက်တော့၏။
သူ ခေါက်ဆွဲဘူးတွေထားတဲ့စင်ဘက်ကိုသွားလိုက်သည်။
အနောက်ကနေ တိတ်တဆိတ်လိုက်နေတဲ့လူကိုလျစ်လျှူရှုပြီးတော့ပေါ့။
အရင်ဘဝကသူအရမ်းကြိုက်တဲ့ ချိစ်ခေါက်ဆွဲဘူးရယ် ပေါင်မုန့်တစ်ချပ်ရယ် ချောကလက်ဖျော်ရည်ဘူးရယ်ကိုယူပြီး ကောင်တာသို့ငွေရှင်းရန်သွားဖို့အပြင် ရုတ်တရက် ကမ္ဘာလွှမ်းကိုသတိရသွားသည်။
"အကိုရော ဘာစားဦးမလဲ?"
မေးသာမေးရတာ ကမ္ဘာလွှမ်းလိုကြီးမြတ်တဲ့သခင်ကြီးက ဒီလိုသာမန်လူတန်းစား စားတဲ့အရာတွေစားပါ့မလား
လောကွတ်ပြူငှာမှုအပြီး မျက်နှာအနည်းငယ်နီချင်သွားသည်။
သို့သော် ထူးဆန်းစွာဘဲ ထိုလူကကော်ဖီတစ်ဘူးကိုယူလိုက်၏။
ကြီးမြတ်တဲ့သခင်ကြီးက အပေါစားရယ်ဒီမိတ်ကော်ဖီကိုသောက်မယ်?!
VOUS LISEZ
Transmigrated Into Fragile,Cottony Body အလှလေးကိုယ်ထဲသို့ကူးပြောင်းခြင်း
Fantasy❌Not Translation!❌ တည်တံ့သော်တစ်ယောက် ဘယ်တုန်းကမှ မတော်တဆဖြစ်ပြီးသေရမယ်လို့မတွေးမိခဲ့ဖူးဘူး အစစအရာရာသတိထားနေထိုင်တတ်တဲ့သူ ယုတ်စွအဆုံး အိမ်ထဲကနေ ခြံရှေ့တံခါးအထိ ခြေဘယ်နှလှမ်းရှ်ိလဲဆိုတာတွက်ချက်တဲ့သူလိုလူအတွက်ပေါ့! သေတာတောင် မုန့်နင်ပြီးသေရတယ်လို့! ...
