حواديت مالك البسمه 🤎🫀

١

مفيش اصعب من ان الست تحس انها ضعيفه ومكسورة من اكتر حد وثقت فيه وراهنت الدنيا عليه هو أول واحد يكسرها

بسمة بزعيق: كفايه بقا كفايه
احمد: انت بتعلي صوتك عليا شكلك عايزة تتربي من اول جديد
بسمة: انتي شايفني خدامه عندك وعند مامتك إن كنت بنزل وبنضف عندها دا عشان بعتبرها زي مامتي وبحترمها لكن كدا كتير كل دا عشان قولت تعبانه اي انتوا مش بني ادمين
احمد: امي تنزلي تنضفي عندها غصب عنك ورجلك فوق رقبتك  والبيت لو رجعت لقيت فيه حاجه يومك هيبقي اسود انتي سامعه ولا لا
بسمة: لا مش سامعه واقولك بيتك وبيت امك روح دور علي خدامه تانيه تنضفهولكوا
احمد: لو مشيتي من هنا مش هتعتبي البيت دا تاني انتي سامعه ولا لا

* سيبتة ومشيت مش عارفه للمره الكام  .... مكنتش عارفه افكر مكنتش أتخيل أن حب عمري اللي راهنت عليه هو اللي عمل كل دا هو اللي يكسرني بالطريقه دي مفيش اصعب من انك تتكسر من اكتر حد كنت بتحس معاه بالأمان أو يمكن كنت بوهم نفسي بكدا روحت عند خالتو بعد وفاة بابا وماما مبقاش ليا غيرها

وفاء : ايوا ايوا ي اللي بتخبط ثواني......بسمة؟!؟!!!
*اترميت في حضنها وعيطت علي أمل اني أخرج علي الوجع اللي جوايا
وفاء: مالك ي قلب خالتك بتعيطي كدا ليه تعالي ي حبيبتي ادخلي تعالي
بسمة بتعب: انا عايزه اتطلق ي خالتو بالله عليكي
وفاء: ليه يبنتي اي اللي حصل دا انتوا كنتوا روحكوا في بعض
*حكتلها كل حاجه مقدرش اوصف كميه الراحه اللي حسيت بيها أما اتكلمت أنا كنت محتاجه اتكلم محتاجه ارتاح من العبء دا مبقتش قادرة اشيله لوحدي

وفاء بحزن: كل دا ي حبيبتي شيلاه لوحدك قطعك مننا وخلاكي متجيش عندنا منه لله متقلقيش ي قلب خالتك والله لاطلقك منه خشي ريحي شويه عقبال ما عمك يرجع من شغله ونحكيله كل حاجه

"دخلت خدت دش دافئ حسيت بأن المايه نازله علي قلبي مش علي جسمي نازله علي قلبي بتاخد  السواد اللي زرعه جوايا كل الحمل اللي شيلته لوحدي خلصت وروحت نمت اول مره أنام وانا مرتاحه .... مرتاحه من التفكير ماخدتش ثواني ولقتني في عالم تاني بعيد عالمنا

صفاء: بسماااااااة؟!!!!!!!
بسمة: سلامآ قولٱ من رب الرحيم اي دا في حد يصحي حد كدا ي حلوفه انتي
صفاء حضنتها جامد: وحشتيني ي ارنوبه
بسمة حضنتها: وانتي كمان
*صفاء بنت خالتي احنا في نفس السن عشان كدا دماغنا واحده بقالي كتير من ساعة ما اتجوزت مشوفتهمش جم عندي مره واحده في سبوعي ساعتها احمد عملهم بطريقه مش كويسه ومن بعدها ما شوفتهمش تاني قطعني من كل اهلي وصحابي

وفاء: نمتي كويس ي حبيبتي ؟!
بسمة: هو أنا هعرف انام طول ما بنتك دي موجوده ي خالتو
صفاء: والله ولا تقدرو تعيشوا منغيري
بسمة:ي شيخه اتنيلي
وفاء ضحكت علي منظرهم: انتوا مش هتكبروا ابدٱ يلا تعالو حضروا معايا السفره ابوكي علي وصول
*روحنا حضرنا السفرة جوز خالتي زي ابويا بيعاملني زي صفاء بالظبط هو كمان مكنش راضي علي جوازتي من احمد بس زي ما بيقولوا ساعة القدر يعمي البصر وانا كان لازم اخد الدرس دا كويس....  نص ساعة ولقينا الباب بيتفتح
صفاء: بابا حبيبي شوف مين عندنا
عبده بفرحه: ازيك ي بسمة  ليكي واحشه ي بنتي والله
*خدني في حضانة قد اي كنت محتاج حضنه حسيت اني بحضن ابويا
بسمة: والله ي عمي وانتوا كمان وحشتوني خلاص اللي كان السبب في بعدي هخلص منه وقريب
*بصلي باستفهام مش فاهم بص لخالتوا
وفاء: تعالوا نأكل الاول وبعدين هتفهمك كل حاجه 
*قاعدنا سوا علي السفرة قاعدنا نأكل واتكلمنا في مواضيع عشوائيه زي كليه صفاء ومشروع عمي وغيره وغيره طول الوقت حاسه بدفى اتحرمت منه بقالي فتره كبيرة مفيش احلي من انك تبقي وسط اهلك وسط ناس بتحبك من قلبهم خلصنا اكل وغسلنا المواعين والمفترض اني هطلع افهم عمي كل حاجه اخدت الشاي وطلعت
عبده: سلم ايدك  ي بنتي وحشنا الشاي بتاعك
بسمة ابتسمت: حبيبي ي عمي صحه وعافيه علي قلبك
عبده: حكيلي ي حبيبتي انا سامعك
*بصيت لخالتو اللي كانت قاعده جنبه وهزت رأسها بمعني قولي متخافيش
بسمةاتنهدت: انا عايزه أطلق من احمد ي عمي أنا مبقتش طايقه افضل علي زمته اكتر من كدا أنا عايزه اخلص منه
عبده: عمل اي ي بنتي راسيني طيب وانا كدا كدا معاكي
بسمة اتنهدت بحزن: هقولك ي عمي
*غمضت عيني وحكتله حكتله كل حاجه كل لحظه حسيت بيها كل مره اتكسر بخاطري قدام أهله كل مره سكت وانا عارفه ان اللي بعمله غلط كل مره سيبت البيت ورجعت تاني علي أمل أنه هيتغير حكيت وأنا حاسه اني بخلص منه بطلعه من قلبي مع كل دمعة نزلت مني مع كل كلمه طلعت مني انا بكرهه
وفاء: ياريتك سمعتي كلامنا ي بنتي و متجوزتيش البقف دا
*حطيت وشي في الأرض ومقدرتش ارد  هي عندها حق  يمكن لو كنت سمعت كلامهم مكنش كل دا حصل
عبده: مش وقته الكلام دا ي وفاء اللي حصل حصل وانتهي أنا هخلي الحيوان دا يطلقك ورجله فوق رقبته
بسمة: بس أنا عارفه احمد ي عمي مش هيطلق بالسهولة دي
عبده: يبقي ساعتها مش هينفع معاه غير مالك هو هيعرف يتصرف معاه ويخلي يطلق بالذوق
بسمة: لا لا بلاش مالك يتدخل في الموضوع دا ي عمي عشان خاطري
وفاء: مالك ابن خالتك ي بنتي ولازم يعرف هو هيقدر يساعدك بسمة اتنهدت بقله حيله: اللي تشوفي ي خالتو عن اذنكم  أنا هقوم انام تصبحوا علي خير
وفاء وعبده : وانتي من اهل الخير ي حبيبتي