في عشق الخيال

البارت السادس والعشرون

نظر لها بجمود ثم تركها وخرج من الجامعة بأكملها

في مكان آخر

دلف علي الي منزلة بهدوء وصار سريعًا لغرفته كاد يغلق الباب لكن قاطعة دخول جوري العنيف

جوري بسخط: يامرحب بالبيه اللي بايت برا البيت وميعرفش ان اخته اتخطبت وكتب كتابها الخميس الجاي دي اخرتها يا علي تسيبني في اهم مر...

غلق علي فمها بقوة ليتخلص من ثرثرتها التي لن تتوقف

علي : حد يشد الفيشة، استهدي بالله كدا

جوري بحزن:مكنش العشم يا علي

علي بغموض: فى حاجات مهمة شغلاني الفترة دي وكان لازم اعملها
ثم اكمل بحنية :بس ده ميمنعش اني اول ما شوفت رسالتك سألت على سليم كويس رغم اني عارف بمشاعرك له من بدري وجيت على طول، كبرتي وبقيتي جاموسة قد الدنيا هتتجوز ونخلص منها

ضربتة جوري بشدة على كتفة :بقى انا جاموسة طب خش اتخمد بقى، وعلى فكره قراية فاتحة نغم انهاردة

ثم خرجت وهي تضحك عليهم بشدة

ثم على في اثرها بجمود: انا اعمل اي حاجة قصاد اني احافظ على الضحكة في البيت دة

في الشركة (مكتب سليم)

كان مازن يصرخ على سليم و يزن وهم يضحكون بشدة

مازن بحسرة:ايوا ياخويا منك له اضحك اضحك ما انا اللي بقيت واقع من القوفه

سليم بخبث:الله ما دة مكنش كلامك من فترة يا زوما مش فضلت تقول السنجله چنتلة اي اللي جرا

مازن بهيام:معرفش لقيت نفسي بطب للمصارعة عطيات وهي بتضرب الواد في الشارع، مش من نوع البنات الملزقة او الكيوت بذيادة، دي بميت راجل

كان يزن يمثل موسيقى تصويرية خلفة بيديه

سليم بملل : يا أخي تراني مره تأثرت لحظة ابكي، انت عاوز ايه دلوقتي مجمعنا وعمال تصيح ليه حد قالك ان دي عشة ديوك مش مكتب

مازن :عاوز اقابل عطيات معدتش هتيجي الشركة منا لازم اخطبها يعني لازم اخطبها انا قتيل المصارعة دي

يزن بإستغراب : ايوا يعني نروح احنا نجبهالك هنا مثلا، استنى بليل ممكن تشوفها في قراية الفاتحة دي لو عدت على خير ببوزك ده

مازن :لا افرض مجتش انتم حد فيكم يكلم خطيبتو ويشوفلي مليكة راحة في حتة انهارده ولا لا

سليم : لا ده لسة انت اتجننت عاوزهم يسربولك اخبار صاحبتهم هتحطنا في موقف وحش

مازن بتحايل:حاولوا بس ولا انتم عشان ارتبطوا هترموني انا وعشرتي والعيش والملح عشان الهوانم

يزن :بطل زن كلم جوري يا سليم انتم قريتوا فاتحة خلاص انا لسه ونغم مجنونة من أقل كلمة ممكن تفشكل الموضوع