ف جعل كل فرد من يمنه ناس تسكن المقابر ناس بغداد ناس بالانبار
🌸 🌸 🌸 الى ان اجه هل يوم الي جان اتعس يوم بحياتنه انكلبت عائلتنه رأساً ع عقب ، معرف هل لعنة علينه ام عين صابتنه ام قضاء وقدر. . . .
صباح ٢٠٠٦/٦/٢٠ جنت كاعده بحظن امي كالعاده تمشطلي حتى اروح للمدرسه هنا بل غلط دست ع رجلها عاطت من وجع رجليها كالتلي يمه دوسيهن الي لان بعد ماكو يمج اني ،يمكن حست راح تموت كملتني وخلصت وبدلنه ودا تروح للمحكمة ف نزلتني كبال باب المدرسه بس هنا اني مجنت اريد اروح للمدرسه ردت اروح وياها منعتني هووواي المهم دخلت للمدرسه وهم راحوا ابويه وامي للمحكمة ف كملت شغلها من المحكمة (محكمة بغداد جديده)
♥️♥️♥️
وبدت اطلاقات النار عليها و ع الجنين الي بطنها حسب ما سمعت كانت حامل و ع اختي و ع ابويه وسبب اطلاقات النار كان من مجهولين امي حمت ابويه وهو بداخل السياره يمشي والطلق وراهم حمته حظنته وهو اصوب فقط بكتفه هي ٤٤ رصاصه ضلت تحتضر وتوصي خالاتي بينه الى ان توفت هي واختي وابويه ماتت كدامه حب حياته ماتت شريكة حياته ،ف جنت كاعده بصفي اجتي بنت خالي اخذتني من المدرسه للبيت محد جان يكلي امج مستشهدة وجان الجو ممطر وصار االليل جو ممطر عاصف فاتحين اللالة واجانه الخبر امج استشهدت اني مجنت اعرف شنو ميته اشوف الناس تعيط والبيت اضلم ويخوف الناس تبجي واني معرف شبيه لا ابجي ولا اصيح بس واكفه كدام صورة امي وافتر بل بيت والعالم شلون بدت تاخذ غراض بيتنه صار الصبح دخلوني ع والدتي من غسلوها واني بعمر٦ سنوات ودفنوها هم كذلك كدام عيني رجعنه من النجف اني واخويه ابويه مجنت اعرف عنه اي شي وكفت السياره كالوا فاطمه بوسي اخوج محمد بعد مشوفيه اني هنا ابجي
♥️♥️♥️
ما اريد اعوفه اخويه انطوا لابويه واني اخذوني ك رهينه لان اتهموا ابويه ب قتل امي كون هو سني وهي شيعيه واخذها عن حب جانوا خوالي يكرهونه لدرجه تهموا بقتل والدتي هنا اني ضليت وحدي بوسط ناس ما اعرفهم بقيت ٤ ايام يم بيت خالي ف فجاه ابويه دك الباب راد يودعني ويتوسل بيهم بلكت ينطوني اله بس ماكو نتيجه كعدني بحظنه وهو متوجع من كتفه الي مصوب بيه هذا كان اخر يوم طلع وكان بجيبه الف دينار نطانياه وباسني وضل يبجي ف بعد ١٠ ايام ودوني لبيت خالتي رحمة عدها بنيه بكدي اسمها هيفاء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
♥️♥️♥️
♥️♥️♥️
فخبرت اهلها إني التقي بخالتي وكعدوني عن المدرسه وبدأت اجواء العيد حالي حال اي طفل اريد ثياب عيد هنا رفضوا يشترولي كتلهم من فلوس ماما جان ردهم احنه اولى ب فلوس امج لان هي اختي بقيت ع هذا الوضع ٣ شهور نادرا ما يجيبون الحلويات الي اريدها واذا يجيبوها لازم اكعد اكلها بغرفه فوك ضلمه حتى محد يكول الهم ليش جيبون الها انتهت مرحله ٣ شهور وطلبت من خالي بصعوبه ان ياخذني منهم هنا صارت كعده عشائر بين زوج خالتي وخالي ف زوج خالتي طلب من خالي ١٠ ملايين كاله البنتاية اكلت وشربت بيتي ف اطر خالي ينطي حتى يسحبني منهم جان هدفهم من خطفوني من خالتي نور كله ع الماده حتى يثبتون للشيوخ وللناس هي جانت يمنه اكثر من شهور تاكل وتشرب اطيب الاكل وهذا طبعا جان العكس وقبل ان يسلمني ل خالي كنت صايمه ف فتحت باب الثلاجه افطر ع مي بارد عاط عليه وضربني رجل خالتي وحرمني من الفطور وتحملت الى ان التقي بخالي بقيت عند بيت خالي وكلش جنت حابه الوضع الى ان خالي دخل سجن ف هنا اطرت زوجه خالي تخليني عند خالتي الثالثه زهرة هنا بقيت فترة عدهم وهم عانيت من عنف من قبل ولدها اذا ما انظف حذائهم ظرب ب الحزام وتحرش منهم الى ان ابوهم ضل يدور ع عمامي طلب منهم ياخذوني اخذوني يمهم ك خطار .....
يتبع في البارت الثاني
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
————————————————-🌸🍃اذا اعجبتكم القصه لا تنسون بالتصويت
