သို့....မာလီပါး [Complete]

PART - 3 (U/Z)

"ဟုတ်ကဲ့"

အင်တာဗျူးရာတွင်လည်း ထိုအမျိုးသမီးကသာ လိုအပ်သည်များကို မေးမြန်းသွားလေသည်။ဘေးမှလူကြီးနှစ်ယောက်ကတော့ သူမတို့ပြောနေကြသည့်စကားများအားနားထောင်နေရုံသက်သက်။သိပ်မကြာလိုက်။နာရီဝက်လောက်နှင့် ပြီးသွားလေသည်။

အင်တာဗျူးပြီးသွားချိန်မှာတော့ ပထမက တိတ်ဆိတ်နေခဲ့သည့် လူကြီးနှစ်ယောက်ထဲမှ တရုတ်မျက်နှာပေါက်နှင့်ခပ်ဝဝလူကြီးသည်သည် Mrs.Lu အား တစ်ချက်စောင်းငဲ့ကြည့်လိုက်လေ၏။

ထိုအကြည့်ကြောင့် Mrs Luလည်း မသိမသာပြုံးလိုက်ကာ သူမရှေ့ရှိနံပါတ်(၂၅)အားလိုအပ်သည်များမှာကြား‌တော့၏။

"အမတို့ဘက်က သတ်မှတ်ချက်တွေကတော့ ညီမလေးတို့လည်းသိပြီးလောက်ပါပြီ။ဒီအခန်းထဲမဝင်လာခင်လည်း လာခေါ်တဲ့အကိုကတစ်ခေါက်ဖတ်ပြတယ်မလား"

"ဟုတ်ကဲ့"

"chinese နဲ့ english က အဓိကဆိုတော့ ညီမလေးအပါအဝင်လာလျှောက်တဲ့လူတွေက ကလည်း ပြောတတ်ကြတယ်။"

"ဟုတ်ကဲ့"

"အဲ့တော့ အမတို့ဆီကခေါ်ယူမယ့် ဝန်ထမ်းအသစ်(၂၀)ထဲမှာညီမလေးပါ ပါစေနော်။
Good luckပါ။သွားလို့ရပါပြီ"

"ဟုတ်ကဲ့"

ထွက်သွားသည့်မိန်းကလေးအား ကျန်ခဲ့သည့်လူများက အသေအချာလိုက်ကြည့်နေကြ၏။
စကားတစ်ခွန်းမှမပြောဆိုကြသော်လည်း
ထိုသူတို့၏ အကြည့်များသည်ကား...

******

တစ်ဖက်တွင်တော့

(ဤနေရာတွင်ပြောသောစကားသည် တရုတ်စကားများဖြစ်ပါသည်။)

"ကဲ ချကြငါ့လူတို့ ဒီညအေးဆေးမှပြန်ကြမယ်။အသစ်လေးတွေရောက်မှာဆိုတော့ သူတို့နဲ့အချိန်ကုန်ဆုံးရအုံးမှာလေ ဟားးဟားး"

"ဟာာ ပိုင်လှချည်လား ကိုယ့်လူရဲ့။မင်းသတင်းက တိကျလှချည်လား"

ကုန်သည်များ၊ပွဲစားများ၊ကျောက်သမားများ
တို့၏ ပျော်မွေ့ရာဖြစ်သော ကာစီနိုသည်ဆူညံပွက်လောရိုက်လျက်ရှိသည်။
ထိုကဲ့သို့ လောင်းကစား၊အရက်သေစာ၊အပျော်အပါး၊ဆေး အစုံအလင်ရှိလှသော
ကာစီနိုကား ထိုသူများအတွက်တော့ လောကနိဗ္ဗာန်ဘုံပင်.....