(Uni)
"အားကျဲ ဝက်အူချောင်း5ချောင်း။
ရှာကောပါကော များများလေးသုတ်ပေးပါဗျို့""ရမယ်ဟေ့"
ရောင်းသူဝယ်သူအသံတူလှသော
ရှမ်းဆိုင်တစ်ဆိုင်၌ စားသုံးသူများကပြည့်နှက်နေကာ အစားအသောက်များကလည်း
အငွေ့တထောင်းထောင်းနှင့် စားချင်စဖွယ်ဖြစ်နေပြီး မြိန်ရေယှက်ရေရှိလှသည်။ဆိုင်အဝင်ဝ၌လည်း ရနိုင်သည့်အစားအစာများကိုတရုတ်စာ၊မြန်မာစာ၊ရှမ်းစာ
စသည့် ဘာသာစကားသုံးမျိုးဖြင့်ရေးထားကာ ရနိုင်သည့်အမယ်များကလည်း စုံလှ၏။သို့သော် အဓိက ရနိုင်သည့်အစားအစာကတော့ ရှမ်းအစားအစာပင်။
ဆိုင်ရှင်မှာလည်း စကားသံချိုချိုနှင့်စကားဝဲပြီး အင်မတန် သဘောကောင်းသည့် ရှမ်းမဖြစ်သည်။"နောက်ထပ် ဘာယူအုံးမလဲ ကလေး"
ရှေ့သို့ရောက်လာသည့် ဝက်အူချောင်းကင်နှင့်အတူ အမေးရှိလာသည်ကြောင့်
သူထပ်မှာမည့် အစားအစာများကို
ပြောလိုက်သည်။"ရေစိမ်တစ်ပွဲ၊ကြက်ခြေထောက်နဲ့ ဝက်ခေါက်ချဉ်ပါထည့်ပေးပါ"
"အေးအေ ခဏလေးပဲစောင့်နော်"
နွေးထွေးသည့်အပြုံးများပြုံးပြကာ ခဏလေးပြောပြီး စားပွဲများသွားပြင်နေသည့်
အဒေါ်နန်းခမ်းကြောင့် ခေါင်းပြန်ငုံ့ကာ စားပွဲပေါ်၌ရှိနေသည့် ဝက်အူချောင်းများကို အရင်စားနှင့်၏။ဝက်အူချောင်းကို မီးရဲရဲလေးနှင့် နီရဲသည်အထိကင်ပြီး ရှာကောပါကော၊အမွှေးအဆီများသုတ်ထားသည်မို့ အနံ့မှာ မွှေးနေကာ
စားချင်စဖွယ်အတိ။ဤကဲ့သို့ဝက်အူချောင်းကား တစ်ယွမ်သာပေးရသည်မို့ စားပျော်ဖွယ်ရှိလှ၏။
ဒီဈေးနှင့်ဒီအရသာ ရနိုင်သည့်ဆိုင်ကလည်း အဒ်ေနန်းခမ်းဆိုင်သာရှိသည်။
နိုင်းကတော့ ဝက်အူချောင်းအပြင် ရေစိမ်ကိုပါကြိုက်သည်မို့ လာစားသည့်အခါတိုင်း ရေစိမ်အမြဲစားလေ့ရှိသည်။ဝက်အူချောင်းစား၍ပင် မကုန်သေး။
စားစရာများရောက်လာလေသည်။
ŞİMDİ OKUDUĞUN
သို့....မာလီပါး [Complete]
Kurgu Olmayanတိုက်ပွဲအကြောင်းအရာများ၊မြို့နှင့်ပတ်သက်သည့်အကြောင်းအရာများကလွဲလျှင် ဇာတ်ကောင်နှစ်ယောက်နှင့် သူတို့၏ဘဝအကြောင်းများ၊ နေရာဒေသတစ်ချို့တစ်လေသည် ကျွန်တော်၏အတွေး ဖြင့် ပုံဖော်ရေးသားမှုသာဖြစ်ပါသည်။ ထို့ကြောင့် သို့...မာလီပါး သည် ဖြစ်ရပ်မှန် ၄၀% ၊ ကျွန်တေ...