الروايه طبعا اتعملت مسلسل (Anne with an E) مسلسل كندي ودا اللي اتشهر اكتر بس قبله كان في افلام ومسلسلات من جنسيات مختلفه لنفس القصه، المسلسل بكل المقاييس اكثر متعه من الروايه ويختصر الوصف الدقيق واللي بلغويات صعبه وصعب تتخيل منها المشهد في مشاهد من ثواني فبيبقي محفوظ في مخيلتك المشاهد والأماكن من المسلسل أكنك كنت جزء منه وبترتبط بشخصيات المسلسل اكنهم من أسرتك كدا وبتحس بغصه عند نهايه المسلسل، وساعتها بتضطر تلجأ للرواية عشان تكمل الباقي اللي متعملش جزء رابع ف المسلسل ): فنصيحتي تشوف المسلسل وبعدين تقرا الروايه، مش هتحس بملل لا لأن المسلسل ضايف ومنقص حاجات عن الروايه بالاضافه لان المسلسل كله ع بعضه ميجيش ٢٩٠ صفحه من الروايه اللي هي تمن كتب يعني توتال ٢٠٩٠ صفحه يعني! المسلسل جميل جدا وفيه مبادئ جميله زي مكافحة التنمر والسعي وراء حقوق الأقليات وحقوق المرأه ف المجتمع، والعيب الأقوي بالنسبالي واللي مخلاش المسلسل برفكت إنه من نتفلكس فلازم تسيب بصمتها وتحشر ما هو دون الفطره والدين والطبيعه وتحاول تقنعنا أنه طبيعي وحريه شخصيه لازم نقبل بيها وهنا بتتميز الروايه اللي طبعا مش بتروج لافكار نتفليكس، الروايه بتحكي قصه أسره مكونه من أخ وأخته كبار ف السن ماريلا وماثيو الاتنين غير متزوجين بيقرروا يتبنوا طفل عشان يساعدهم في أمور الحقل وبالغلط بيتبنوا طفله، وبتمر الأحداث بقي لحد ميتعلقوا بيها جدا وميبقوش متخيلين أبدا انها تبعد عنهم، وازاي هي بتتأقلم مع كل اللي هتمر بيه ف (green gables) باعتبارها مختلفه عن سكانها أفكاراً وتربيةً وطبيعة كونها ثرثارة وواسعة الخيال، واللي كان ليه نصيب الأسد من تنمرهم هو شكلها وكونها يتيمة، وبتمسك الروايه آن من لما قابلت ماثيو وماريلا وهي عندها ١٣ سنه وبتوريهالنا وهي بتكبر وبتشتغل وبتحب(ودا كان واخد جزء كبير من اول الروايه تقريبا وهما بيهيئوا لحبها دا) و...
قراءة طيبه💞
