မိုင်- ဟာ ဒီညမိုးမျက်နှာကိုမတွေ့ရဘူးလေကွာ ပေးတော့နမ်းပါအုံးလား
မိုး- ပေးနမ်းပြီးပြီလေ တော်တော့ပေါ့
မိုင်- ပါးပဲနမ်းရသေးတာကို
မိုး- ခေါင်းမာမနေနဲ့တော့ အမြန်သွား
သွားချင်တော့လည်း သူပဲ။ သွားဖို့ကိုအာပေါက်အောင်လဲပြောရသေး။ ဆယ်ခွန်းလောက်ချော့ပြောလိုက်တော့မှ လက်ကိုမလွှတ်ပေးချင်လွှတ်ပေးချင်နဲ့ လွှတ်ပေးပြီးထွက်သွားတယ်။ မိုင်ထွက်သွားတော့ ရေချိုးဖို့ပြင်နေတဲ့အတွေးကိုအကောင်အထည်ဖော်လိုက်တယ်။ ရေချိုးပြီးသွားတော့ အောက်ထပ်ဆင်းလာလိုက်တော့ မီးဖိုချောင်ထဲမှာ မလတ်နဲ့မကြီးက ဟင်းချက်ဖို့ပြင်ဆင်နေကြတယ်နဲ့တူပါရဲ့။
မိုး- မလတ်တို့ဟင်းချက်ဖို့လုပ်နေကြတာလား
မလတ်- အယ် ညီမလေး ဟုတ်တယ် ဘာလို့ဆင်းလာတာလဲ ဒီနေ့တော့မလတ်တို့ပဲချက်လိုက်ပါ့မယ် ဟိုနေ့ကမှနေမကောင်းဖြစ်ထားတာကို
မိုး- မဟုတ်တာ ညီမကောင်းနေပါပြီ ကူပေးမယ်လေ
မကြီး- အေးဆေးနေပါ မိုးရယ် တော်ကြာအငယ်မပြန်လာရင် သူ့ဟာလေးကိုခိုင်းတယ်ဆိုပြီးပြောနေပါအုံးမယ်
မိုး- ဟာ မကြီးကလဲ နောက်နေပြန်ပါပြီ
"ဘာတွေဖြစ်နေကြတာလဲ"
နောက်ကျောကထွက်လာတဲ့အသံခပ်မာမာကြောင့် ကျွန်မတို့အကုန်လုံးတိတ်ဆိတ်သွားမိတယ်။
မလတ်- ဟို ဘာမှမဖြစ်ပါဘူး အမေ ညီမလေးမိုးက သမီးတို့ဟင်းချက်တာကိုဝိုင်းကူပေးမယ်ဆိုလို့ အဲ့ဒါ...
"ဝိုင်းကူပေးရုံနဲ့ လုံလောက်မယ်ထင်နေတာလား"
မိုး- ရှင်?
"ဒီနေ့ မနက်စာ ညစာ မင်းပဲချက်လိုက်"
မကြီး- အမေရယ် အဲ့လို.....
"ညည်းတို့ ဒီနေ့ဆိုင်သွားထိုင်ကြ"
မလတ်- ရှင်? အမေကမသွားဘူးလား
"မသွားတော့ဘူး ဒီနေ့အိမ်မှာပဲနေပြီးနားမလို့ ညည်းတို့ပဲသွားလိုက်ကြတော့"
YOU ARE READING
ဤမျှသာ
Romance~~အချစ်ဆိုတဲ့အရာဟာ မိန်းကလေးနှစ်ယောက်ကြားမှာလဲဖြစ်ပေါ်တတ်တာပါပဲ~~ "အရင်ကမသိခဲ့ဘူး နင့်အတွက်နဲ့အဲ့လောက်စွန့်စားရဲမှန်း" (မိုးမြတ်သခင်) "ဆိုးသွမ်းတဲ့ငါက ယဉ်ကျေးလာတယ်ဆိုရင် အဲ့ဒါမင်းကြောင့်ပဲဖြစ်လိမ့်မယ်" ...
[Part 38]
Start from the beginning
