ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)

YOU ARE READING

Romance

Title - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...

#danmei #ex-boyfri #jumaogege

120

Start from the beginning

by Kiyoiko__

လီတာ့သည် ထိုစကားကို ကြားသောအခါ သင်္ကာမကင်းနှင့် လီအော့ကို တစ်ချက်ကြည့်လိုက်ပြီး

"ကိုယ့်ရဲ့ ဦးတည်ချက်ကိုလည်း အာရုံစိုက်ပါဦး။ လီအော့၊ မင်းလုံးဝ ကားကျော်တက်သွားလို့ မရဘူးနော်"

လီအော့သည် ချောင်းတစ်ချက် ဟန့်လိုက်ပြီး လေသံတိုးတိုးနှင့် ငြင်းခုံသည်။

"ယောက်ျားတစ်ယောက်က တခြားယောက်ျားတစ်ယောက်ကို ရိုသေလေးစားတဲ့ သဘောပါ။ စိတ်ချစမ်းပါ၊ ကျွန်တော်က ကောက်ကြောင်းကြီးတာကိုပဲ သဘောကျတာ"

ရန်ကျားလိသည် သိုသိုသိပ်သိပ် ရေရွတ်နေသော လီအော့ကို ကြည့်ရင်း ရယ်လိုက်သည်။

ရန်ကျားလိထံ၌ ရှောက်ယယ်တစ်ယောက် ကျောက်ရှန့်ဟိုင် နံဘေးတွင် လီအော့ရှိနေသည်ကို မြင်သောအခါ မျက်နှာထက်တွင် မည်သို့သော ဖော်ပြမှုတို့ ရှိနေလိမ့်မလဲဟူသည့် အပေါ်တွင်သာ အနည်းငယ်သော မျှော်လင့်ချက်တို့ရှိသည်။

ထိုနေ့နံနက် ပရိုဂရမ် အသံသွင်းခြင်း၏ အကြိုလေ့ကျင့်မှုအပြီးတွင် ရန်ကျားလိ၊ လီတာ့နှင့် လီအော့တို့သည် စတူဒီယိုမှ ထွက်လာခဲ့သည်။

စတူဒီယိုခန်း၏ အပြင်သို့ ရောက်သောအခါ သတင်းထောက် မီဒီယာသမားများက လမ်းကို ပိတ်ထားကြပြန်သည်။

ရန်ကျားလိသည် ယနေ့အထိ မီဒီယာသမားများထံမှ အဝိုင်းခံခဲ့ရသော ပုံရိပ်ကို စိတ်ထဲ စွဲကျန်နေသေးသည်။ ထို့ကြောင့် စကားအများကြီး မဆိုချင်၍ လက်ဖြင့် မျက်နှာကို တစ်ဝက်အုပ်ပြီး ခြေလှမ်းများကို အရှိန်တင်ကာ ထွက်သွားရန်ပြင်သည်။

ခြေလှမ်းများ ခပ်သုတ်သုတ် ဖြစ်နေသည့်ကြားမှ ခေါင်းမော့ကြည့်လိုက်သောအခါ မမျှော်လင့်ဘဲ ရှေ့တစ်ခေါက်က ထိုထူးဆန်းသည့် အမျိုးသားကို တွေ့လိုက်ရပြန်သည်။

ထိုအမျိုးသားသည် ရှေ့တစ်ခေါက်ကအတိုင်း လူအုပ်ကြားထဲ ရောယှက်နေပြီး တစ်စုံတစ်ခုအား ခိုးကြောင်ခိုးဝှက်နှင့် စစ်ဆေး စောင့်ကြည့်နေသလိုပင်။ သူသည် အရင်အတိုင်း အနက်ရောင် ချွေးထိန်းအင်္ကျီကို ဝတ်ထားဆဲဖြစ်ပြီး မျက်နှာအစိတ်အပိုင်း ထက်ဝက်ကျော်အား မက်စ်နှင့် နေကာမျက်မှန်အောက် ဖုံးကွယ်ထား၍ အသွင်အပြင် အစစ်အမှန်ကို မမြင်ရနိုင်ပေ။