မိုင်- မိုး ကိုယ်ဆန်ပြုတ်ပြုတ်လာတယ် သိပ်တော့မကောင်းလောက်ပေမယ့် သည်းခံစားလိုက်နော် ဒီနေ့မနက်စာက ထမင်းကြော်မို့ရင်ပြည့်မှာစိုးလို့မကျွေးတာ
မိုး- ဘာလို့အပင်ပန်းခံနေတာလဲ ခေါက်ဆွဲလေးပဲပြုတ်လိုက်ရင်ရရဲ့သားနဲ့
မိုင်- ခေါက်ဆွဲပြုတ်ကျ ရင်ပြည့်နေမှာစိုးလို့လေ အချစ်ရယ် ဆန်ပြုတ်စားမှ အားရှိမှာပေါ့
ကျွန်မဘာမှပြောမနေဘဲ ဆန်ပြုတ်ကိုတစ်ဇွန်းချင်းခပ်ပြီးသောက်နေလိုက်တယ်။
မိုင်- အရသာဘယ်လိုလဲ စားလို့ရရဲ့လား
မိုး- စားလို့ရလို့စားနေတာပေါ့လို့
မိုင်- ကောင်းရောကောင်းလို့လား
မိုး- မပြောတတ်ဘူး
မိုင်- အဲ့လောက်တောင်ဆိုးလား
မိုး- ရော့ မြည်းကြည့်မလား သိချင်ရင်
မိုင်ကတစ်ဇွန်းခပ်မြည်းလိုက်ပြီး မျက်နှာကြီးကရှုံ့တွသွားတယ်။
မိုင်- ဟင် ဘာအရသာမှလဲမရှိဘူး ရေလိုပဲ
မိုး- အာ့ကြောင့်ပြောတာပေါ့ သူ့အရသာမပြောတတ်ဘူးလို့
မိုင်- အဲ့ဒါကြီးကိုဘာလို့ဆက်စားနေတာလဲ
မိုး- စားစေချင်လို့လုပ်ပေးထားတာမဟုတ်ဘူးလား
မိုင်- ဟုတ်တော့ဟုတ်ပေမယ့် အရသာမှမရှိတာ
မိုး- ငါ့အတွက်ကတော့အဆင်ပြေပါတယ် မိုင်လုပ်ကျွေးတဲ့ပထမဆုံးဆန်ပြုတ်မလား
"နောက်ဆုံးဆန်ပြုတ်ဆိုလဲမှန်တာပဲ" ဆိုတဲ့စကားကိုတော့သူမကြားအောင် ရင်ထဲကပဲပြောလိုက်မိတယ်။
မိုင်- အင်းနော် စဉ်းစားကြည့်လိုက်တော့ ကိုယ်မင်းကိုမလုပ်ပေးရသေးတာတွေအများကြီးပဲ မင်းနဲ့အတူလုပ်ချင်တဲ့အရာတွေလည်းအများကြီးရှိနေသေးတယ်
မိုး- ဟုတ်လား ဘယ်လိုဟာမျိုးလဲ
မိုင်- အတူတူဟင်းချက်ကြည့်ချင်တယ် လျှောက်လဲမလည်ဖူးဘူးမလား ခရီးလဲထွက်ချင်သေးတာ နှစ်ယောက်ထဲပေါ့
![](https://img.wattpad.com/cover/293870183-288-k773152.jpg)
YOU ARE READING
ဤမျှသာ
Romance~~အချစ်ဆိုတဲ့အရာဟာ မိန်းကလေးနှစ်ယောက်ကြားမှာလဲဖြစ်ပေါ်တတ်တာပါပဲ~~ "အရင်ကမသိခဲ့ဘူး နင့်အတွက်နဲ့အဲ့လောက်စွန့်စားရဲမှန်း" (မိုးမြတ်သခင်) "ဆိုးသွမ်းတဲ့ငါက ယဉ်ကျေးလာတယ်ဆိုရင် အဲ့ဒါမင်းကြောင့်ပဲဖြစ်လိမ့်မယ်" ...
[Part 37]
Start from the beginning