حب رغم الفوارق الاجتماعية ( الجزء الثاني) سكان العمارة مكتملة ☑️

الفصل الثامن عشر

غزل لا والله يا جدو بس ماما و أخواتي وحشوني اوي ؟! و كمان كنت فاهمه شخص غلط سنين كتير و حصلوا مشاكل بتبقي ولازم اعتذرله

وهدان ربنا معاكي يا حبيبتي.. بس تبقي تيجي تزورينا من تاني وألا هتنسينا خلاص

كادت أن ترد بينما سبقها وحيد قائلاً بغموض قريب اوي يا حاج هتيجي تقعد معانا هنا علطول

يوسف باستغراب قصدك اي بـ علطول دي يا وحيد ؟!

وحيد كل شيء باوانه يا دكتور يوسف .. هستاذنكم عندي شغل .. كاد أن يغادر و لكن استوقفته غزل قائلة بحزن انت مش هتسلم عليا قبل ما امشي يا عمو وحيد .. هو أنا مش هوحشك والي اي .. اقترب منها وحيد ثم همس باذنها مش هتلحقي توحشني يا غزل .. بس المره الجايه هعرفك ازاي تقولي عمو دي ماشي .. تركها بصدمتها من كلماته ثم ذهب بابتسامة بسيطة على شفتية فقد تيقن أنه وقع بحب تلك الشقية بمجرد تفكيره أنها ستذهب إلى الأبد ... بينما نهض يوسف قائلاً هستاذن انا كمان يا عمي لاني خرجت من المستشفى امبارح من غير ما اعرف حد و عندي حالات كتير .. نهض من مقعدة و اخذ حقيبته ابنته .. بينما قبلت غزل يد وهدان و ودعته و ذهبت خلف والدها .. فشتنان الفرق بين شخصيه أتت و شخصية غادرت ..

❤️ استغفر الله العظيم من كل ذنب عظيم ❤️

سلوى وانتي هتسبينا محبوسين كدا ما تشوفي اسيادك دول يخرجونا من هنا ؟!

الشيخة انتي تخرسي خالص انا كنت شايفة شغلي حلو و الدنيا ماشية معايا لحد ما جيتي انتي و حبستينا.. انتي اس المصايب كلها

سلوى بسخرية انا كدا كدا هخرج يختي النهاردة بقي بكره هخرج لكن الدور و الباقي علي اللي هتعفن في السجن .. ما طلع موضوع الاسياد دا فشنك و طلعتي نصابة

الشيخة بلاش تعصبيني عليك احسنلك .. انا ممكن اخليكي تتمني الموت و مش هطليه .. و اللي كنتي عاوزه
في البنت اللي ملهاش ذنب دي اعمله فيكي بس انا روحي طويلة و هصبر عليكي .. شايفة الركن اللي هناك دا تقعدي فيه متقوميش غير باذني مفهوم

خافت سلوى على نفسها فنهضت سريعاً متجه إلى ذالك المكان التي أشارت عليه و جلست بهدوء و لم تتفوه بحرف واحد ..

الشيخة صحيح ناس تخاف متختشيش

❤️ استغفر الله العظيم من كل ذنب عظيم ❤️

صخر زي ما اتفقت معاكم يا رجالة عاوز الحادثة تبان طبعية جدا تمام

- تمام يا صخر بشا ..

صخر اوعي حد يغلط في حاجة انتوا أحرار على نفسكم .. هتستنوا مني مكالمة بمعاد التنفيذ

- تمام يا صخر بشا هنكون في انتظار مكالمة حضرتك

صخر بخبث قريب اوي..

❤️ استغفر الله العظيم من كل ذنب عظيم ❤️

دلفت إلي المنزل مع والدها بعد غياب زمن .. اتجهت إلى والدتها بسرعة قائلة ماما أنا جيت .. استمعت إلى صوتها فخرجت بسرعة إليها محتضنه إياها بدموع قائلة غزل وحشتيني اوي يا روح ماما .. أنتِ كويسة ؟! كنتي بتاكلي كويس ؟! حد عملك حاجة هناك ؟!

غزل بابتسامة اهدي يا ماما اهدي انا كويسة جدا و كنت باكل و أشرب كويس .. و محدش عملي حاجة ولا كان يقدر يعملي حاجة بالعكس كلهم هناك حبوني و انا كمان حبيتهم خالص

نورا تعالي اقعدي انتي وحشاني أوي .. ظل يوسف مستندا بظهره علي الباب ينظر إليهم بابتسامة لطيفة تدل على مدي سعادته بالتغير الذي أصاب كلتاهما ..

دلفت هنا في هذه اللحظة بابتسامة ولكنها اختفت فور رؤيتنا لغزل .. فهزت رأسها بخفة ثم اتجهت إلى غرفتها و لكن قاطعها صوت اختها

غزل هنا استني مش هتسلمي عليا

هنا بحذر اهلا وسهلا نورتي بيتك من تاني .. كادت أن تذهب و لكنها تفاجات باختها محتضنه إياها بشدة .. ظلت بصدمتها ثم اتجهت بانظارها إلي والدها الذي بدوه ابتسم وهز رأسه بايجاب .. ابتسمت هنا بسرها و لم تصدق هذا التغيير الذي طرأ عليها ..

ابتعدت عنها غزل ثم قال بخجل .. انا آسفة علي اللي كنت بعمله معاكي زمان عارفة إني كنت في نظرك قليله الرباية بس صدقيني كل حاجة هتتغير والله مش هدايقك تاني و اوعدك اكون اخت كويسة ليكي

هنا بصدمة من حديثها اتمنى دا يحصل بجد

امسكتها غزل من يدها متجهين الي الغرفة ثم قالت تعالي بقي عشان في حاجات كتير عاوزه احكيهالك من النهاردة انتي صديقتي المقربة

نظر يوسف الي نورا بابتسامة و عيون دامعة من فرحته.. بادلته الأخري الابتسامة ثم اتجهت إليه محتضنه إياه بشدة و قالت شكرا لولاك مكناش اتغيرنا كدا .. انا بحبك اوي يا يوسف

بادلها الحضن قائلاً و انا بموت فيكي يا قلب يوسف ..

❤️ استغفر الله العظيم من كل ذنب عظيم ❤️

مر كم يوميا دون أحداث تذكر سوي رفض أروي الحديث مع صخر الي أن جاء ذللك اليوم .. كانت تسير و هو خلفها يحاول اقناعها بشتي الطرق أن تستمع إليه الي أن جاءت سيارة بها بعض الملثمين و أطلقوا النار عليهم ....

دوسوا على النجمة و كومنت لطيف برأيكم 💜
انا بقالي بجد ساعتين بكتب لحد ما خلصت و عارفة انه قصير بس باذن الله نعوضه بكره و احاول اكتب بدري شوية
يتبع ...
دمتم سالمين
همسات ليلية
حكايات آخر الليل
بقلم زهرة عصام