"ဗိုလ်ရာဇနှင့်သူ၏ချစ်သက်လယ်" [Complete]

အပိုင်း(၃၁)

အကြောင်းပြချက်ကနားလည်မပေးလို့မရသည့်အခါ စောလွန်းဘာများပြန်ပြောနိုင်မှာတဲ့လဲ။ဘယ်လိုပဲဖြစ်နေပါစေ အဆုံးသတ်မှာတော့ မောင်ဟာအစောထက်ခင်နှင်းဆိုသည့်မိန်းကလေးကိုပဲရွေးချယ်ခဲ့တာမဟုတ်လား။

မောင်မသိခဲ့ပေမဲ့ အစောလည်းအနိုင်ကျင့်စော်ကားခံရတော့မလို့ပါပဲ။ထိုအချိန်တွေတုန်းကရောသူရဲကောင်းကြီးမောင်ဘယ်ဆီဘယ်ဝယ်ရောက်နေသလဲဟုမေးချင်မိ၏။

တမ်းတမိသူမောင်ကလာမကယ်ခဲ့ပေမဲ့ လွဲမှားစွာမုန်းတီးနေမိသူတစ်ယောက်ကတော့ အစောကိုကယ်ထုတ်သွားခဲ့တယ် မောင်..

ထိုလူကဘယ်အရာနဲ့ယှဥ်လာလာ စောလွန်းသက်လယ်ဆိုတဲ့သူ့တစ်ဦးကိုသာအမြဲတစေရွေးချယ်ခဲ့တယ်။

ဒါတွေကိုမောင်သိအောင်ပြောပြချင်စမ်းပါရဲ့...

"ဒီအကြောင်းတွေကိုပြောပြနေရတာ အစောမောင့်ကိုမုန်းတီးသွားမှာစိုးရိမ်လို့ပါ"

အမုန်းတရားကပူလောင်ပါတယ်ဆိုသည့်အကြောင့်ဓားပြကြီးရှင်းပြခဲ့သည့်အချိန်တည်းက မည်သူ့ကိုမှမမုန်းတော့ဘူးဟုစောလွန်းဆုံးဖြတ်ချက်ချခဲ့တာဖြစ်သည်။ထို့ကြောင့် ကိုယ့်ကိုချန်ထားခဲ့ကာ အခြားမိန်းကလေးတစ်ယောက်နှင့်လက်ထပ်သွားခဲ့သည့်မောင့်ကိုလည်းစောလွန်းမမုန်းပါ။

"အဲတာကြောင့် အစော"

ဆက်ပြောလေဆိုသော အကြည့်မျိုးနှင့်စောလွန်းကြည့်ပေးလိုက်သည်။သူတို့စကားပြောနေကြတာအချိန်အနည်းငယ်ကြာနေပြီဖြစ်တာကြောင့် ဓားပြကြီးစိတ်ပူနေရော့မည်မဟုတ်လား။

"မောင့်ကိုခွင့်လွှတ်တယ်မဟုတ်လား"

"အင်း ငါမောင့်ကိုခွင့်လွှတ်ပါတယ်"

ခွင့်မလွှတ်နိုင်စရာဘာအကြောင်းရှိမလဲ။မောင်လည်းမောင့်လမ်းမောင်လျှောက်တော့မှာဖြစ်သလို စောလွန်းလည်းစောလွန်းလမ်းစောလွန်းလျှောက်တော့မှာမဟုတ်လား။ဓားပြကြီးလက်ကိုတွဲပြီး ဓားပြကြီးနဲ့အတူတူပေါ့။

"တကယ်နော် အစော"

ဝမ်းသာအားရနှင့်ချစ်စေမောင်အစောလက်လေးကိုလှမ်းဆွဲလိုက်သော်လည်း မကြာပါပြန်ရုန်းထွက်သွားသည့်လက်ကလေး။