"ဗိုလ်ရာဇနှင့်သူ၏ချစ်သက်လယ်" [Complete]

အပိုင်း(၃၁)

"မောင်ငြင်းပါသေးတယ် မောင်ချစ်ရသူကအစောတစ်ယောက်တည်းဖြစ်တာကြောင့် အစောကိုပဲမောင်လက်ထပ်ချင်ခဲ့တာလေ"

အခုလိုစကားတွေကို အရင်ချိန်တွေကပြောလာခဲ့ရင်တော့အနည်းငယ်ရင်ခုန်နိုင်လောက်ပေမဲ့ အခုတော့မရယ်ရသည့်ဟာသတစ်ပုဒ်ကိုနားဆင်နေရသလို ခံစားချက်ကနတ္တိ။

"ဒါပေမဲ့ အကြောင်းအရင်းကိုပြောလာတဲ့အခါမှာတော့ မောင်စဥ်းစားစရာတွေဖြစ်လာခဲ့တယ်"

"........."

"ခင်က...ခင်က"

ချစ်စေမောင်ထိုစကားကိုဘယ်လိုမျိုးပြောရပါ့။ညီမငယ်လေးလိုသံယောဇဥ်ရှိခဲ့ရသည့်ခင့်အဖြစ်ကိုပြန်တွေးမိတိုင်းရင်နာရသည်။

"အနိုင်ကျင့်စော်ကားခံခဲ့ရတယ်"

မထင်မှတ်ထားသည့်အကြောင်းအရင်းဖြစ်တာကြောင့် စောလွန်းအံ့သြတကြီးလှည့်ကြည့်မိသည်။မောင့်မျက်နှာပေါ်မှာ ခံပြင်းမှုတွေနှင့်စိတ်မကောင်းဖြစ်မှုတချို့ကအရိပ်ထင်နေခဲ့သည်။

ဘယ်လိုလုပ် ခင်နှင်းက...

"ဘယ်သူလဲ"

"မသိဘူး ခင်ကလုံးဝမပြောဘူး သူတစ်ယောက်တည်းကျိတ်ခံစားနေပြီးတော့...ကိုယ့်ကိုကိုယ်သက်သေဖို့အထိပါလုပ်ခဲ့တာ"

စောလွန်းပြောစရာစကားတို့ဆွံ့အသွားရသည်။မိန်းမသားတစ်ယောက်အတွက်ဘယ်လောက်တောင်အရှက်ရစရာကိစ္စဖြစ်လိုက်မလဲ။ဘယ်သူ့ကိုမှလည်းပြောမထွက်နှင့် ခင်နှင်းတော်တော်လေးခံစားခဲ့ရမှာဖြစ်သည်။စောလွန်းကိုယ်ချင်းစာပါသည်။စောလွန်းကိုယ်တိုင်လည်းထိုသို့စက်ဆုပ်စရာအဖြစ်မျိုး ကြု့ရတော့မလို့ပဲမဟုတ်လား။ဓားပြကြီးကယ်ပေလို့သာ...

"အစောအပေါ်မတရားမှန်းသိပေမဲ့ မောင်ခင့်ကိုလက်ထပ်ဖို့ဖြစ်လာခဲ့တယ်"

"အဟက် သူရဲကောင်းဝင်လုပ်တယ်လို့ထင်ကောင်းထင်နေနိုင်ပေမဲ့ ခင်ကမောင်ညီမလေးတစ်ယောကလိုသံယောဇဥ်ရှိခဲ့ရတဲ့မိန်းကလေး၊မောင့်တစ်ဦးတည်းသောငယ်သူငယ်ချင်းမလေးဆိုလည်းဟုတ်တယ်အစော ဘဝကိုအရှုံးပေးပြီးအဆုံးသတ်လိုက်မဲ့သူ့ပုံစံကိုမောင်လက်ပိုက်ကြည့်မနေချင်ခဲ့ဘူးအစောရယ်..."