وقف بتوتر وبدت انظاره تتشتت بالغرفه: اصيل انا * سكت * انا مو قصدي
محمد استغرب خوف ورجفه طلال ووش اللي صار وهو مو موجود ؟ معقوله جاسر يعرف شي انا ماعرفه ؟
اصيل اخذ نفس قبل يوقف ويروح لغرفته بهدوء ترك طلال وراه مصدوم من تجاهل اصيل له سمع صوت الباب يتسكر ابتسم بجنون: من حقه انا اللي قتلت امي وابوي
محمد وقف بغضب : ايش ؟ شجالس تقول انت ؟
طلال: اي يامحمد الحقيقه اللي كنت اخفيها من توفو امي وابوي واللي فلاح جلس يقول لكم انه عطل بالمكابح نفس حادث جاسر انا كنت السبب انا انا ماكنت اقدر اقول شي بس حاولت
طلال رجعت له الذاكره نفس الموقف مع جاسر نفس الموقف لابوه والدم بيده وثيابه ارتجفت يدينه قبل يغمض عيونه ويفتحها وهو بباله مكان واحد يبي يروح له ويقصده الغرفه اللي بشقته اللي كان فيها وبيرجع لها من بعد صد اصيل له
من جهه ثانيه
اصيل : هو ماله ذنب ليه رحت وتركته ليه ماضميته وواسيته وقلت له انه ماله ذنب ليه رحت وكانه فعلا غلطان ماكان ذنبه طلال تحمل اشياء كثير ومستحيل بيتحمل اكثر من كذا ضغط بس احس اني اذا تكلمت معه رح اعصب وانفعل وانا مابي هالشي
اخذ نفس قبل يسترجع انفاسه ويطلع ماحصله محمد كان جالس يطالع الفراغ مو مستوعب كلام طلال للحين يحس انه كذب
اصيل عقد حواجبه ودخل غرفه طلال بس ماكان فيها ؟ وينه رجع للصاله وبسسوال: محمد طلال وينه ؟
محمد رفع راسه: ليه تبيه !
اصيل بصدمه : لاتصدقه لاتصدق كلامه انا سمعت راجح يقول انه كان حادث وابوي ما انتبه للطريق وانحرفت السياره ماكان بسبب طلال انا متاكد من كلامه
محمد : عارف وعارف اللي مر فيه طلال واتوقع ان اللي كنت خايف منه بيصير
اصيل ظلمت عيونه وهو كل اللي يدور في راسه : بيرجع لحالة الاكتئاب ؟
محمد وقف : اتوقع رجعت له من فتره بس الحين تاكدت انها رجعت له لمن طلع من الشقه والحين روح دور عليه
انت تعرف مكان شقته ؟
اصيل هز راسه بالنفي
محمد تنهد: تعال معي مابي اقابله الحين لاني لو شفته بنفجر عليه
هادي اللي كان توه واصل يركض وانفتح الباب وهم بوجهه: طلال ؟
اصيل ومحمد تغيرت ملامحهم للخوف : وش فيه ؟
هادي : طلال وين * دخل الشقه * وينه ؟
اصيل: طلع بنروح ندوره
هادي بصدمه: من كل عقلك تاركه ؟
اصيل بخوف: شصاير ؟
هادي بشرح سريع: امي قالت لي اجي اشوفه تقول تحس بطلال فيه شي ماكنت ادري وش قصدها
اما بمكان ثاني بيت هادي
الام وقفت وفتحت الباب وذبله عيونها لما شافته واقف عند الباب وشكله اللي تغير وصار نحيف ووجهه فاقد للحياه
طلال بندم: سامحيني لاني خذيت ابو ولدك
الام بحرقه على حاله طلال: ياولدي انت مالك ذنب باللي صار لهم لاتلوم نفسك وعيش سنك
طلال تراجع بخطواته: سامحيني ياخاله سامحيني واطلبي من هادي يسامحني انا ما استاهل اني اكون اخ لواحد نفس هادي
الام بخوف من حاله طلال ورجفته ونظرات الخوف بعيونه: طلال ياولدي ادخل هادي جاي بالطريق
طلال ابتسم بالم: ماقدر اقابلهم اخوي الكبير صد مني وتركني وكانه يثبت انه انا اللي سويت الحادث كل من يقرب مني يصير له شي بالاول امي وابوي وبعدهم صاحبي واخوي مابي يصير في اخواني شي تكفين ياخاله ابعدي هادي عني مابيك تخسرينه
الام حاولت تتكلم معه بس تراجع بخطواته ومشى تاركها وراه تناديه ولا يرد عليها كان يمشي بثقل الدنيا فوق قلبه ودقاته اللي صارت عاليه بسبب الخفقان بدا يحس بقلبه ينقبض كمل مشي وهو متجاهل للام اللي بصدره
بالشقه
اصيل حاول يتصل عليه بس سمع جواله بالغرفه هنا حس انه بينجن طلع وركب سيارته مع محمد وهادي اللي بدا يدل اصيل لمكان الشقه وقفو عند الباب
محمد للحارس : ياعم ماشفت طلال
الحارس : لا ياولدي جاء امس بس واليوم ماشفته
محمد: متاكد ياعم
الحارس : اي ياولدي لي ٤ ساعات واقف ماشفت احد
محمد التفت لهم وهز راسه بنفي فتح الباب وركب
محمد : مو موجود
اصيل بخوف : وين بيروح غير هالمكان
محمد: ماتوقع يروح مكان غير هنا
اما طلال اللي حس بانه منهك بقلبه وبعواطفه وبداخله قبل يكون الانهاك والتعب خارجي قرر يرجع لشقه اصيل
اول مادخل انتبه انه مافي احد بالشقه راح بتجاه غرفته وفتح الباب دخل نسى كليا انه جواله هنا قرب منه وشاف ٧ اتصالات من اصيل تنهد قبل ياخذه ويتصل عليه
اصيل اللي كان يسوق بغير هدف وزاد خوفهم من بعد ما اتصلت ام هادي تقول لهم عن اللي صار وزياره طلال لها
اصيل تنهد بعد ٥ ساعات بحث عن طلال اللي ماحصلوه ب ولا مكان
اصيل: هادي تروح تجلس عند امك يمكن يرجع طلال وانا برجع للشقه بما انه مامعه جوال اكيد بيرجع يدوره ومحمد انت ما اتصل الحارس؟
محمد هز راسه بنفي: وصلني شقتي بروح ارتب كم شي واذا جاء اتصلت عليكم
بكذا كل واحد راح لمكانه اما اصيل اللي رجع للشقه
دخل للشقه بهدوء كان الجو هادي مره بس فيه صوت غريب صوت انين همس استغرب قبل يتقدم من غرفه طلال وشافه موجود متغطي بالحاف ويرجف قرب منه بسرعه مو مصدق هم كانو يدورون عليه وهو هنا
قرب منه وحاول مايطلع اي حركه او صوت علشان مايزعجه حرارته مرتفعه ويرجف وجهه احمر اخذ مقياس الحراره وانصدم ٤٠ ؟ راح يركض للمطبخ فتح الثلاجه وبدا يسوي كمادات بارده ويطلع العلاجات الطبيه بعد ساعتين كان جالس بجنبه بعد ماطمن محمد وهادي عن وجوده بشقته وانه ماراح بعيد
طلال بنومه : لا لا جاسر كل هذا بسببي انت مت ؟ ليه تتركني جاسر وين بتروح
كانت كلمات مقطعه ومو مفهومه بالنسبه لاصيل اللي تنهد لان صدق واضح اثر فقد طلال لجاسر
بعد يوم
صحى بتعب وهو يحس بكل جسمه مخدر ويالمه وقف من السرير للحمام غسل وجهه وتنهد تنهيده طويله طلع وانتبه للبس اللي على سريره بعد مابدل طلع للصاله انتبه للاكل اللي على الطاوله قرب منه وبدا ياكل مايدري ليه يحس نفسه جوعان كم صار له ما اكل ؟ كل هذا الساولات براسه
اصيل قرب منه وضمه من وراء : صح النوم
طلال فز بخوف : صح بدنك بعد عني اصيل
اصيل : همم واذا قلت لك مارح ابعد او اتركك حتى ؟
طلال ظل ساكت يكمل اكله وماحب يدخل مع اصيل بنقاشات طويله بعد ما انتهى مسك يده وجلسه على الكرسي وجلس قدامه
اصيل للحين ماسك يدين طلال : طلال اسمعني انت مافيك شي وبخير صدقني مافيك شي انت ممكن تحكي لي عن اللي صار لك بالحادث بساعدك انت ماسويت شي انت مالك ذنب هذا يومهم لاتجلس تحمل نفسك فوق طاقتها وتتعب زياده
طلال كانت عيونه على يدينهم سحبها من اصيل ووقف : انا اسف بس برجع لشقتي
اصيل بصدمه: انا مستحيل اتركك ترجع هناك فاهم
طلال لف له وعيونه مليانه دموع: ليه كلكم تقولون انه مالي ذنب وانا السبب بكل اللي يصير لاي احد يتاذى
اصيل تركه وراح للمطبخ اخذ سكين وحطها على يده : هذا انت السبب فيه ؟
طلال انفجع وبخوف : اصيل لاتسوي شي اصيل تكفى والله رح اسمع لك بس لاتسوي شي لاتاذي نفسك
اصيل تنهد بخيبه امل : طلال انت اللي تكفى ارحمني والله مو قادر اشوفك تتاذى قدامي وتعاني وانا ما اسوي اي شي لك حاولت قد ماقدر اساعدك بس حتى انت ساعدنا
طلال تراجع بخطواته وهو يشوف تصرفات اصيل اللي بدت تسبب له خوف اكثر واستمر يعتذر : اسف اسف اسف ماكنت اقصد
اصيل ضمه له بقوه رفع راسه لفوق يحاول يمسك دموعه اللي ماعاد قادر يتماسك قدام اخوه اللي يشوفه يضيع من بين يدينه
بعد اسبوعين
طلال تنهد براحه: احسن اليوم
هادي ابتسم: واصيل وينه ؟
طلال حط اكواب القهوه: تعب بين الدوام وبين انه معي طول الاسابيع اللي راحت
هادي بمزح: وهو وش وراه خليه يعتني فيك مو انت طفلنا المدلل
طلال كان يشرب عصير اول ماسمع كلام هادي طلعه من فمه بصدمه: طفل مين ؟
محمد اللي طلع من غرفه طلال وبضحك : طفلهم المدلل شفيك
طلال : لاتعيدها
هادي ضحك هو الثاني على صدمه طلال : طيب
طلال رمى نفسه على الكنب : احس يحتاج لي سفره كذا اغير فيها نفسيتي بقوه
هادي ناظر لمحمد ببتسامه اما اصيل اللي طلع من الغرفه شعره معفوس ناظرهم نظره حاده ودخل للمطبخ اخذ كوب ماء وطلع بعد دقايق وهم كلهم انظارهم عليه
اصيل: جهزو نفسك عندنا طياره الساعه٨ الليل
كلهم انصدمو
طلال بصدمه: وين ؟ وكيف ومتى قررت ؟طيب دوامك
اصيل ابتسم لا ارادي على سرعه كلام طلال قرب منه وباس راسه قبل يساله: انت بخير ؟
طلال اومئ اما محمد اللي ناظرهم بستغراب
محمد : حركات ماعرفتكم ؟
اصيل: تعود
محمد : اوه طيب وين بتسافرون ؟
اصيل: ليه قلت ان احنا بنسافر بس ؟
هادي بستغراب: اجل من بيروح ؟
اصيل سند ظهره على الكنب : كلنا بنروح حتى امك ياهادي اتفقت معها على كل شي
هادي بصدمه: بعددد ؟ امي
اصيل: اي فا يلا كل واحد يروح يجهز اشيائه
طلال بتفكير البلد اللي بنروح له بارد ولا حار ؟ ثيابي قليل تكلم بتردد : بس انا ثيابي
اصيل ابتسم: شنطتك جاهزه كايحتاج تجهز شي
محمد بحلطمه : ليه بس طلال طيب جهزت لنا شنطنا بعد احنا مارح يصير شي اتوقع
طلال ضحك : بجهز معك انا
اصيل: لا المكان اللي بنروح له مفاجئه لك فا اتركه يجهز اشيائه
طلال بتذكر : اوه اجل بروح مكان قريب وارجع
كلهم استغربو اول مره من مرور اسبوعين طلال يطلب انه يروح مكان بروحه
اصيل: وين بتروح
طلال بحرج: مكان قريب مارح اطول
اصيل: تمام اوصلك ولا مايحتاج ؟
طلال: عادي ؟
اصيل وقف : يلا نروح بتبدل ؟
طلال : لا عادي
اصيل : تمام يلا نروح وانتو جهزو اغراضكم بسرعه ساعه بس واحصلكم هنا
اول ماطلعو وصلت رساله لهادي ومحمد بالوجهه علشان ياخذون ثياب لهم يناسب الجو
بالسياره
اصيل: وين تبي ؟
طلال : المقبره
اصيل حس بقشعريره غريبه لما سمع رد طلال رد بهدوء : طيب
وصلو لوجهتهم والصمت سيد المكان
اصيل مسك يد طلال بمحاوله انه يطمنه : انزل معك ؟
طلال هز راسه بنفي : لا مايحتاج بروح انا وبجي
ابتسم
نزل طلال وهو يرجف الوقت كان نهار وبالرغم من الوقت والجو الا انه يحس بثقل بتنفسه وبجسمه كنت اتذكر مكان القبر هنا بداء يمشي لحد ماشاف القبر قدامه تقدم قبل يجلس تنهد : مدري من وين ابدا او كيف اتكلم ياجاسر بس انا جيت اخيرا بديت اتحسن واتعالج انت كنت لي الاخ والاب وروحي الثانيه * تنهد* ادري تاخرت عليك بس كان صعب علي اجيك وانا بحالتي بتزعل علي وانت اللي ماكنت ترضى تشوفني بيوم متضايق وزعلان وكنت بقول لك التقيت بخواني هادي واصيل اللي ساعدني وطلعني من حالتي اللي كنت فيها هالايام تمر صح احلم فيك بس ماكانت الاحلام مثل قبل وهذا اللي انا مرتاح منه تعبت لفتره اليوم بسافر مدري متى برجع لاتزعل مني رح ارجع وازورك على طول ادري اني غلطان مازرتك من بدري بس سامحني
وقف ونفض التراب من ثيابه وببتسامه صغيره وعيونه مليان دموع : اشتقت لك
راح منه وركب السياره اصيل مسك يده وابتسم بتطمين
اصيل: انت بخير
طلال مسح دموعه وصوته مبحوح: اي بخير ماعليك
اصيل ابتسم قبل يرجعون للبيت
بالمطار باقي نص ساعه على رحلتهم ام هادي تعرفت عليهم كانت جالسه بعيده عنهم وابتسامتها مافارقتها على حركاتهم وهواشاتهم
اصيل وقف وهو يشوف الساعه : طلال تعال معي
محمد وهادي التفتو عليه وبوقت واحد : ليه
اصيل ضحك وتركهم وراه
طلال : وين ؟
اصييل: ناخذ قهوه ماشربت انت اليوم صح ؟
طلال ابتسم بحب لفهم اخوه له: اي ماشربت
دق جواله بهاللحظه
فلاح
ابتسم بقوه وهو يشوف الاسم: ياهلاااا
فلاح فرح من نبره طلال المبسوطه: ياهلاابك ياروحي انت
طلال: كيفك يبه
فلاح: بخير وانت ؟
طلال: انا بخير دامك بخير
فلاح : دايم
طلال: ايوه وش مناسبه الاتصال ؟
فلاح : اشتقت لك وقلت اسال عليك دامك قاطع
طلال : مو قاطع امس متصل عليك
فلاح : افا بتزعلني كذا ليه تتكلم وكاني مثقل عليك
طلال بتذكر : صدق يبه انا
اصيل مد له كوب القهوه ابتسم : شكرا * رجع لمكالمه فلاح* يبه انا والعيال بنسافر ترا وقلت اقول لك علشان ماتحاتي
فلاح : وين بتروحون ؟
طلال ناظر باصيل اللي قال له يعطيه الجوال
اصيل: هلا والله
فلاح : هلا فيك
اصيل: المكان مسوين مفاجئه له * بعد عن طلال* بعد العلاج اسبوعين وتكثيفه قررت اخذه برحله يغير جوه
فلاح ابتسم بحب : مشكور اصيل لولا وقفتك
اصيل قاطعه: مايحتاج تشكرني يلا خلص المكالمه معه لانو بتنطلق رحلتنا
فلاح : انتبهو لنفسكم
بعد ١٤ ساعه
بالفندق
طلال مو مصدق : انت مستوعب اننا بلندن الحين ؟
اصيل ابتسم وهو يشوف فرحه طلال: اي مستوعب ياروح اصيل انت
طلال ضحك وعيونه مليانه دموع: شكرررا اصيل
اندق باب الغرفه
اصيل التفت : اكيد محمد او هادي
اول مافتح الباب
طلال مو مصدق الشخص اللي واقف قدامه : يبه
فلاح تقدم ورجع على وراء وهو يحاول يوازن وقفته من اندفاع طلال وضمته له: يبه اشتقت لك
فلاح ربت على شعره: ياروح فلاح انت رجعت لك
طلال بعد فتره بعد عنه ورفع راسه له: يبه انت تغيرت ليه كذا ؟
فلاح ابتسم بحب : برجع مثل قبل واحسن برجع معك خلصت فتره علاجي
طلال بفرح: صدق يبه ماتمزح ؟
التفت لاصيل وابتسم له بمتنان : شكرا اصيل
اصيل فتح يدينه واستقبل طلال اللي ضمه بكل قوته : شكرا لانكم موجودين بحياتي
محمد وهادي اللي كانو مستندين عند الباب : اووووه
محمد: مايحتاج تشكرني
اصيل عطاه نظره
هادي : ياطفل
طلال التفت هو الثاني وعطاه نظره
فلاح عقد حواجبه: انتو متاكدين انكمم مو توام ؟
اصيل وطلال ضحكو لردة فعلهم
بكذا رجع طلال يتعالج واستمر لما تحسن اصيل استقر بشقته مع طلال وفلاح هادي مع امه ويزورهم محمد اللي قرر انه يفاتحهم بموضوع انهم يشترون بيت بدل كل واحد مايكون بشقه مختلفه
بكذا انتهت روايتنا بكل حب حبيت حماسكم واستمتاعكم وتعليقاتكم اللي دايم تحفزززززني للافضل وللكتابه انتظر تعليقاتكم على هالبارت وكيف كانت الروايه لاحد يسحب خصوصا انو اخر بارت اتركو تعليقات لطيفه بالنسبه للبارتات الاضافيه للحين بشوف اغلب التصويتات اذا حصلت كثير اي بسويها واحبببببكم 😩♥️♥️♥️♥️
روايه جديده بالبارت الجاي رح يكون تعليق عليها ♥️♥️
