طلال بعد ماحجز التذكره راح لشقة محمد
دخل وقفل عليه الغرفه رمى نفسه على السرير بتعب من كل شي تفكيره واللي جالس يصير هذي الفتره
بعد يومين
كان يجهز شنطته وسمع جواله يدق
طلال بصوت مبحوح: هلا يبه
فلاح تنهد من صوت طلال معقوله رجع لنفس حالته ؟ : اخبارك ياروحي
طلال: بخير يبه وانت؟
فلاح: انا بخير دامك بخير
طلال سكت
فلاح: طلال وش صاير معك ؟
طلال: يبه انا بجي عندك
فلاح انصدم لاول مره يقول له طلال انه يبي يبعد لاول مره يجي بارادته استوعب كلام محمد معه قبل يوم
قبل يوم
محمد : ياخال ترا طلال ناوي يسافر مدري اذا كان لك او لبلد ثاني بس قلت اقول لك
فلاح: وانت شعرفك!
محمد : عارف اجهزته وبرامجه مربوطه فيني نسيت انك طلبت مني اراقب سفره وطلعاته ؟
فلاح تنهد: ماقابله صح ؟
محمد: مدري والله بس من عرف صار يتهرب منه ومايشوفه حاولت معه كثير هادي جاء اكثر من مره بس هو الثاني رفض طلال يقابله
فلاح: انت متاكد ؟
محمد: اي متاكد شفيك
فلاح : رح نرجع لنقطه الصفر
محمد: لا كلمه انت وشوف وش يصير
فلاح: تمام
نرجع للحاضر
طلال: يبه ماصار شي بس اشتقت لك
فلاح بعتب: تخبي علي
طلال ماقدر يوقف اكثر وحس بضعف : يبه ماعاد اقدر اتحمل ابيهم بجنبي بس ماقدر اكون بقربهم بشكلي وهمومي وضيقتي يبه انا تعبت هم يحاولون يكسرون الحاجز وانا ابنيه من جديد تعبت ابي اجي عندك يبه يمكن اهدى
فلاح: طلال مو كذا تنحل المشاكل انت تحب وتعز اخوانك صح ؟
طلال: اي
فلاح: خلاص خليك بجنبهم حسسهم بانك ناوي صدق تتغير ماتجلس بضيقك وحالتك هذي
طلال: خايف
فلاح : ليه من ايش ؟
طلال: خايف اخسرهم خايف اكون قاسي عليهم خايف اتاخر بالعلاج
فلاح : انت قابلتهم صح ؟
طلال: اي
فلاح: وايش صار ؟
طلال : اللي يقتلني انهم يبون يكونون جنبي ويساعدوني ويحموني ويرجعوني نفس اول واحسن
فلاح: تبيهم ؟
طلال حط يده على عيونه: يبه ابيكم كلكم بس الخوف مسيطر علي
فلاح: الغي طيارتك وروح لاخوانك تكلم معهم فضفض وانا ابوك خليهم يعرفون طلال على حقيقته حبه للحياه بس خساره الاشخاص اللي بحياته هو اللي سبب له هالجرح والالم
طلال: بس يبه صعب
فلاح: مافي شي صعب يبه انت تقدر وتقدر تكون احسن من طلال القديم
طلال تنهد وبكلمه حسست فلاح بالالم بسبب الحاله اللي وصل لها طلال: اخخخخخخخ
فلاح : طلال يبه
طلال نزلت دمعته حاره على خده واللي خلته يشهق : لبيه
فلاح: تكفى لاتنكسر وتكون كذا وانا مو بجنبك احس باني السبب واني ماكنت بجنبك
طلال : لا يبه لاتقول كذا اللي اتمناه منك انك تتشافى وترجع لنا بسرعه
فلاح ابتسم بحب وهو يشوف الممرض يطلب منه يجي للفحص: تمام ياروحي بس اللي انا اتمناه انك تفتح قلبك لاخوانك محمد سافر لاهله بالديره انت الحين قرب من اخوانك ترا اصيل شخص فاهم ويحبك ويبيك بجنبه قبل لاتضيع منهم نهائي هادي اللي ضاعت حياته بانه يتوقع انه وحيد ابوه ويكتشف انكم معه ترا مو سهل الواحد يعرف ان عنده اخوان
طلال تنهد: ابشر
فلاح: يلا انتبه لنفسك
طلال ببتسامه حب : يبه
فلاح : عيونه
طلال: احبك وانتبه لنفسك
فلاح: من عيوني وانت بعد
طلال سكر من فلاح وهو يفكر كيف يروح او يحجز موعد جديد بانه يكمل العلاج او يتصل عليهم
قرر ينام واذا صحى يروح لاصيل
بعد ساعه
تنهد بضيق ماقدر ينام من بعد كلامه مع ابوه حس انه لازم يتصرف ويروح مو قادر يتحمل التراكم بداخله لبس وطلع بعد ماقفل الشقه لان محمد مسافر لمده مو معروفه ركب بالسياره وشغل الراديو وحرك السياره بتجاه عياده اصيل بعد ماوصل نزل سمع صوت جواله معلن عن رسايل
فتحه حصل قروب الدوام
ادهم: شباب عندكم اجازه٣ ايام خذو راحتكم فيها واستمتعو
تميم بفرح: يييييس بس لازم نلتقي هاه
نايف : تمام مشكوررر ادهم
طلال كان يكتب ويمسح يكتب ويمسح: شكرا ادهم كنت محتاجها
ادهم حط فيس مبتسم : ولو ماسويت شي استمتعو باجازتكم
طلال سكر جواله ودخل للعياده
موظف الاستقبال: هلا استاذ طلال
طلال بتردد: اصيل موجود ؟
الموظف : لا عنده اجازه اليوم
طلال: اها شكرا
الموظف : العفو
طلال طلع من المكان وهو يفكر يروح لهادي او لاصيل بس الاصح انه يبي يقابل اصيل ويوضح له اسبابه
حرك السياره لشقه اصيل
وقف عند باب الشقه دق الباب
اصيل اللي كان توه متروش وجالس بالصاله سمع صوت الباب استغرب من بيجيه هادي مسافر مع امه وقف وفتح الباب بصدمه
اصيل بهمس: طلال
طلال كان منزل راسه : ممكن ادخل ؟
اصيل فتح الباب ودخل طلال الشقه تغيرت عليه ترتيبها
اصيل: ايش تشرب
طلال اشر بيده يجي بجنبه بس اصيل تجاهله وراح للمطبخ
بعيد عنهم
محمد اللي طلع لغرفته بعد ماشاف اهله : اتمنى تكون بخير وتتخطى
بمكان ثاني
هادي * ياترى بيجي طلال ولا رح يبقى بعناده*
نرجع لشقة اصيل
اصيل تقدم من طلال: اشرب
طلال شافه عصير برتقال وبجنبه توست : بي
اصيل : اذا تبي اسمعك اكل اول
طلال بداء ياكل وشرب عصيره
اصيل كان جالس طول الوقت يراقب طلال * ياترى وش جابك ياطلال بتتنازل وتفتح قلبك ولا رح تظل تبعدنا عنك وسالفه سفرك صدق ولا . معقوله جاي تودعني ؟ *
طلال : انا * سكت فتره* انا اسف
اصيل: بس ؟
طلال فيه كلام كثير كنت مجمعه بس ليه كذا راح كل الكلام وقرر يحكي اللي بقلبه : اصيل صح اني طلبت منك تبتعد بس الصدق مابيك تبعد عني ولا ثانيه اصيل انا خايف انا اعيش برعب كل يوم من اني اكون بقربكم واخسركم بعد ماتكلمت مع محمد قبل اعرفكم كلكم كنت مستحيل اراجع واتعالج بس بعد ماعرفت ان ابوي تعب ولازم اكون بجنبه بصحتي وعافيتي واني مبسوط ومرتاح ومو خايف حتى من ظلي * تنهد* بديت اراجع عندك كان ارتياحي لك غريب بشكل كبير لدرجه ارجع للبيت واسال نفسي من هذا الشخص اللي بفتح له قلبي واجلس معه واتكلم وكان ولاشي صار بحياتي كنت خايف من فكره اني اغامر وادخل واعمق علاقتي معك بعد ماعرفت من ابوي اللي تبناني * سكت فتره يستعيد انفاسه ويحاول ينظم نبضات قلبه* بعد ماقال لي ان عندي اخ كنت بتجاهله الفكره بس بنفس الوقت كنت محتاج شخص اذا وقفت بوسط العالم استند عليه احط راسي على كتفه ما اخاف بس انا خايف
اصيل عقد حواجبه: خايف من ايش ؟
طلال: خايف من قربكم وخايف اتعمق معكم انا من بعد جاسر صرت اخاف ادخل باي علاقه حتى لو كانت زميل كنت اخاف بيوم يصير شي لها الشخص وارجع لنفس النقطه اللي حاولت سنين اغيرها
اصيل مسك يده: انا خايف عليك اكثر واهتم لك ولمشاعرك عارف جاسر كان قريب منك كثير وكنتو اخوان مو اصحاب وخسرته بي مو معناته ان اللي تسويه صح بالعكس ابدا من جديد شوف العالم شوف الدنيا اتعرف واخسر بس لاتحمل نفسك فوق طاقتها
طلال اخذ نفس قبل ينطق بتعب : تعبت من الهروب ابي اكون معكم بس مابيكم تشوفون الجانب الضعيف مني احلامي بالليل كوابيسي خايلاتي اللي بنص اليوم اجلس اصرخ او اروح لغرفتي انام علشان ما اشوفها خوفي من العالم والناس للحين متعلق فيني السيارات * ابتسم بقهر على نفسه* كنت متوقع برجع اسوق عادي بس دايم اثيت السرعه وانا يدي على قلبي بخوف من الجاي * اصيل غير مكانه وصار بجنبه قرب منه خبى وجهه على صدر اصيل * تكفى عالجني خليك معي ولاتتركني مثل ماتركوني لاتخليني ضايع وخايف ومرتبك
اصيل ضمه له بقوه وهو يعض شفايفه بقوه * كل هذا بداخلك *
طلال وكانه يجاوب عليه: ممكن كطبيب رح تكتشف اشياء كثيييير متراكمه ومتعبتني ويمكن انت بعد تتعب منها بس مارح اثقل عليك
اصيل شده بقوه: انت الوحيد اللي مسموح لك تثقل على قلبي بهمك بحزنك بضيقك بس انت اسمع لي واتركني انا اتصرف معك واعلمك وارجعك طلال القديم
طلال ببتسامه باهته: طيب عادي انام ؟
اصيل ابتسم بحب وهو يشوف اخوه الصغير قدامه واخيرا : اي نام
طلال سند راسه على رجل اصيل اللي بدا يلعب بشعر طلال وهو يحس بضيق لحاله طلال واخذ عهد على نفسه انه يغير طلال ويرجعه لافضل الحالات
اهلينننننن يلا كيف البارت وايش توقعاتكم للجاي ؟؟؟؟؟
وكيف رح يغير اصيل طلال هل ممكن طلال بعد مايصحى ينسى الفكره ويرجع لشقه محمد ؟؟؟♥️♥️♥️♥️احبببكم
