عشقت ليله

Part 2♥

♥Part 2

ادهم بذهول: اتجننت عشان عايز اخطب اومال لوكنت قولت اتجوز؟

ليله بغضب: تتجوز كمان ماهو دا اللى ناقص
ادهم بتعجب من حدتها: هو انتى يابت حد قالك عليا كائن زاتى التكاثر ولا ايه
ليله بغضب: سيبك من الهرى دا كله مين العروسه انت اكيد بتتكلم على واحده معينه صح
ادهم بتأكيد: اه صح
ليله بدراما: تمام اوووى بص كده من اولها انت هتجبلى مرات اخ حربايه، وتفرق الواد عن اخته والله بقا لو بتعمل اعمال، ف انا اروح كشفاها واعرفك حقيقتها انها زباله، تقوم انت رايح ضاربها ومطلقها فعشان كل دا ميحصلش انا اللى هختار العروسه

تنتهى ليله من كلامها وتنظر لهم لتجدهم جميعهم ينظرون لها بذهول

خالد بزهول: الله يخربيت المسلسلات الهندى الى كلت دماغك
ادهم بتعجب: يا نهار ابيض دا انتى الفتى سيناريو ولا اجدها مؤلف
ليله بحده: سيبك من كل الكلام ده انت مش هتتجوز غير صحبتى، اللى هى بردو البست فريند بتاعتى
ادهم باستغراب: مع ان هى العروسه اللى انا مخترها بس اشمعنا هى بالذات يعنى اللى اختارتيها ما كان ممكن تختارى واحده تانيه

ليله بتاكيد وفخر: لا يا بابا لازم تكون البست بتاعتى عشان نتفق انا وهى عليك ونعمل فيك المقالب اللى احنا عايرينها

ادهم بخوف مصطنع: والله!! طب هشوف عروسه تانيه بقا انا عايز اعيش
ليله بمرح: لا بقولك ايه هى ملك مفيش غيرها وبعدين اصلا انا خطبتهالك من زمان

ادهم بتعجب واستغراب: نعم دا اللى هو ازاى
ليله بتأكيد: زى الناس قولتيلها ياملك، اى عريس يجيلك ترفضيه انا هخطبك للواد ادهم

ادهم وهو يركض ورائها: اه ياحيوانه تعالى هنا يابت انتى قولتلها كده بجد ولا بتصيعى عليا

ليله وهى تركض منه وتدخل غرفتها: اه بجد
يدخل ادهم خلفها غرفتها

ادهم بجديه: نتكلم جد بقا انا عايز اخطب ملك بجد
ليله بجديه مضحكه: بص يا ابنى انا العمر بيجرى بيا ومش هلاقى احسن من ملك تحافظ عليك

ادهم بضحك: والله

ليله بجديه: احم احم خلاص بقا لا طبعا كنت بهزر انا مقولتش ليها حاجه دا مستقبلك ودى شريكه حياتك وانت اللى لازم تختارها بس قولى انت هتتجوزها عشان بتحبها ولا عشان شايفها مناسبه ليك انت دكتور وهى مهندسه وخلاص ودا

ادهم برفعه حاجب: هتفرق يعنى

ليله بتأكيد: جدا الحاجات دى بتفرق جدا مع البنات

ادهم بصراحه و وضوح: الصراحه عشان بحبها وكنت مستنى لحد ما اقف على رجلى ويكون عندى مصدر دخل كويس اقدر اعيشها بيه مرتاحه
ليله بتأكيد وتؤمى برأسها عده مرات: تفكير سليم جدا

ادهم: ايه طب وهى متعرفيش هى بتحس بحاجه نحيتى ولا لا

ليله بكذب فهى لا تريد ان تفضح سر صديقتها: لا متكلمناش خالص فى الموضوع ده بس لو انت عايزنى اشوف نظامها ايه اشطا