ယဲ့ထင်သည် ရန်ကျားလိ၏ လက်ကို တိတ်တိတ်ကလေး ကိုင်လိုက်ပြီး လက်ချောင်းများက ရန်ကျားလိ၏ လက်ဖဝါးထက် လွှတ်မပေးချင်သည့်နှယ် ပွတ်သပ်နေသည်။
သူ၏ အာဒမ်ပန်းသီးက တစ်ချက် လှုပ်သွားပြီး ခါးသက်သက် ပြုံးလိုက်ကာ
"ကိုယ်မင်းကို ကြည့်နေရဲဦးမယ်လို့ မင်းထင်လို့လား"
"မင်းကို တစ်စက္ကန့်လောက် ပိုကြည့်မိရင်၊ စကားတစ်ခွန်းလောက် ပိုပြောမိရင်၊ ကိုယ် မနေနိုင် မထိုင်နိုင်တွေဖြစ်ပြီး၊ မင်းကို ပြန်ဖမ်းခေါ်သွားမိမှာဆိုးလို့"
ရန်ကျားလိ၏ အကြည့်များက တောင့်ခဲနေပြီး နောက်ဆုံးတွင် သည်းမခံနိုင်ဘဲ ထုတ်မေးလာသည်။
"အဲ့ဒီ ရှယီးကျယ်ကရော"
"စေ့စပ်ထားတာ မဟုတ်ပါဘူး"
ယဲ့ထင်က မျက်တောင်ခတ်လိုက်ပြီး
"သူက ရှောင်ရှရဲ့ အစ်မလေ။ ကိုယ်၊ သူရယ်၊ ပြီးတော့ ရှောင်ရှရယ်က ပူးပေါင်းထားကြတာ"
"ဘာ ပူးပေါင်းထားတာလဲ"
"ရှောင်ရှရဲ့ အဖေက သေလုမြောပါး ဖြစ်နေပြီ။ သူနဲ့ သူ့အစ်မက အာဏာယူချင်ပေမယ့် တစ်ယောက်ယောက်က တားထားပြီး သူတို့ကို မတက်စေချင်ဘူး။ ကိုယ်က တရုတ်ကို ပြန်လာတာ မကြာသေးဘူး။ ဒီမှာ အခြေခံအုတ်မြစ်က ခိုင်သင့်သလောက် မခိုင်သေးတာမို့ စီးပွားရေးကွန်ရက် တည်ဆောက်ဖို့ လိုနေတယ်။ ကိုယ်တို့တွေ ပူးပေါင်းမိသွားတော့ ကိုယ်က ပိုက်ဆံထုတ်တယ်၊ ကွမ်ဟွေ့ကို အဌားပေးပြီး ဝှက်ဖဲအနေနဲ့ ရှမိသားစုကို ဖြားယောင်းတယ်။ သူတို့ကလည်း ကိုယ့်ကို အစုရှယ်ယာက အမြတ်တွေ ပေးတယ်။ သူတို့ အပေါ်တက်သွားနိုင်လို့ရှိရင် ရှမိသားစုကို အသုံးချပြီး ကိုယ်လည်း ကိုယ့်လုပ်ငန်းတွေကို တိုးတက်အောင်လုပ်မယ်။ အဲ့လောက် ရိုးရိုးရှင်းရှင်းလေးပါပဲ"
ရန်ကျားလိသည် ဘာကြောင့်ရယ်မသိ၊ နှလုံးသားထဲတွင် ရုတ်ခြည်း သက်သာရာ ရသွားသည်။
ယဲ့ထင်သည် ရန်ကျားလိ၏ အနည်းငယ် ပြေလျော့သွားသည့် အမူအရာကိုကြည့်နေရင်း ယစ်ထုတ်ကြီးက ရုတ်တရက် ထရယ်သည်။
YOU ARE READING
ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)
RomanceTitle - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...
