ရန်ကျားလိသည် ယဲ့ထင်၏ ပါးပြင်ကို တဘတ်နှင့် ပွတ်သပ်ပေးလိုက်သည်။
ယဲ့ထင်က မျက်လုံးမှိတ်ထားရင်း ဆိုသည်။
"ရန်ကျားလိ၊ ကိုယ်မင်းကို အရမ်း စိတ်ဆိုးတယ်"
ရန်ကျားလိက နှုတ်ခမ်းတွန့်လိုက်ပြီး တည်ငြိမ်စွာနှင့်ပြောသည်။
"အင်း၊ ငါသိတယ်"
ပြောပြီးသည့်နောက် ယဲ့ထင်၏ မျက်နှာကို တဘတ်နှင့် ဆက်လက်၍ ညင်ညင်သာသာ သုတ်ပေးသည်။
ယဲ့ထင်သည် မျက်လုံး ဖွင့်ကြည့်လာပြီး ပြင်းပြလှစွာသာ အရက် အခိုးငွေ့များနှင့် အကြည့်က ရန်ကျားလိ၏ လေးနက်နေသော မျက်ဝန်းများဆီ ကျရောက်သွားသောအခါ အမွေးပွတ်ခံလိုက်ရသော သားရဲတစ်ကောင်အလား ခန္ဓာကိုယ်ထဲမှ ကြမ်းတမ်း ရန်လိုမှုများသည် ရုတ်တရက် ထက်ဝက်မျှ ကွယ်ပျောက်သွားသလိုပင်။
သူသည် တုန်ယင်နေသော အသံနှင့် ဆက်ပြောသည်။
"ပေါင်ပေါင်း၊ ကိုယ်မင်းကို အရမ်းလွမ်းတယ်"
ရန်ကျားလိသည် လက်ချလိုက်ပြီး တဘတ်ကို သန့်စင်ခန်းထဲ ပြန်သွားထည့်လိုက်သည်။ ထို့နောက် ယဲ့ထင်၏ ခါးပတ်ကို ညွှန်ပြရင်း
"ကိုယ့်ဘာသာ ဘောင်းဘီချွတ်လိုက်"
ယဲ့ထင်သည် နားဝေတိမ်တောင် ဖြစ်လောက်အောင် အရက်မူးနေ၍ စက်ရုပ်လူသားကဲ့သို့ ရန်ကျားလိ ဘာပြောပြော သူက အကုန် လိုက်လုပ်သည်။ လက်ဆန့်ပြီး ခါးပတ်ခေါင်းကို ဖြုတ်ကာ ဘောင်းဘီကို ချွတ်လိုက်သည်။ ပြီးနောက် ရန်ကျားလိက သူ့အား စောင်ပုံထဲ အတင်း ထိုးဝင်ခိုင်းလိုက်သည်။
ယဲ့ထင်က အရင်အတိုင်း ရန်ကျားလိအား စိုက်ကြည့်နေသေးပြီး လေသံတိုးတိုးနှင့်
"ပေါင်ပေါင်း၊ ကိုယ်မင်းကို အရမ်းလွမ်းနေတာ မင်းသိရဲ့လား"
ရန်ကျားလိသည် ကုတင်စွန်းတွင် ထိုင်လိုက်ပြီး ခနဲ့ပြုံး တစ်ချက်ပြုံးကာ
"ငါ့ကိုလွမ်းတယ်? ညစာစားပွဲမှာ ငါ့ကိုတွေ့တာတောင် သူစိမ်းတစ်ယောက်လို ရှောင်ဖယ်သွားတယ်။ ဘေးနားမှာလည်း မိန်းကလေး ပါတနာ ချောချောလေး ထားထားသေးတယ်.....ဖြစ်နိုင်သေးတာက၊ စေ့စပ်ထားတဲ့ မိန်းကလေး?"
YOU ARE READING
ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)
RomanceTitle - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...
