الإقامة الجبرية

ح ١٢

الإقامة الجبرية

الحلقة الثانية عشر

في منزل ميريت

صحيت ميريت و وجدت الجميع ينام بجوارها

ميريت : ماما ماما اصحي فارس صقر اصحو
فارس : ميمو حبيبتي انتي كويسة
ميريت : الحمد لله يالا صحي اخوك و وروحو نامو في سريركم
صقر بخضة : حبيبتي انتى كويسة
عائشة : حصل ايه يا بنتي
ميريت : و لا حاجة ماما يوم الخميس الجاي فرحي و بس يعني مش مسألة صعبة
عائشة بدموع : انا هتكلم مع مهدي
ميريت بابتسامة مكسورة : هتقوليلة ايه يمنع الجوازة عوزة كبير عيلة الشيخ يكسر كلمتة قدام الناس و لا عاش و لا كان اللي يكسر عين و لا كلمة مهدي الشيخ كلمتة سيف على رقبة الكل
فارس بغضب : بس حرام فى بنات فى العيلة كنير اشمعنا انني
ميريت : نصيب و النصيب غلاب مهما عملت فيه هيوصلك هيوصلك سلمها لربنا
صقر بحنان : عيطي ميريت
ميريت بابتسامة مكسورة : العياط و لا هيقدم و لا هياخر اخواتي الرجالة رموني و انا قبلت بالنصيب
فارس : كلمي عمو يوسف و سافري و بلاش ترجعي هنا تاني
ميريت بغضب :انت مجنون عاوزني اكسر ابويا و ذله و يبقي معيرة البلد و كسر هيبة العيلة لاخر العمر
صقر بغضب : فارس بيتكلم صح انتي لازم تلحقي نفسك تولع العيلة كلها
ميريت : العيلة اللي انتم منها و اللي ممكن تتقتلو بسبب حركة ذي ديه انا فعلا عوزة خالو يوسف و جو و هكلمهم و هشوف هيجو و لا ايه
عائشة بخوف : ناوية علي ايه يا بنتي
ميريت : ناوية اجهز لفرحي يوم الخميس الجاي و دلوقتي كل واحد يقوم يكمل نومة علشان انا عارفة ان بابي هيجي هنا النهاردة علشان يعرفني مش عوزة اي اعتراض و لا كلام اهبل مفهوم
صقر بحزن : مفهوم
فارس بكسرة : مفهوم

خرج الجميع و تركو ميريت بمفردها فدفنت وشها فى المخدة و اخذت تصرخ و تبكي و بعد فترة اتصلت على خالها يوسف و حكت له و الذي بدوره انصدم من كلامها و قرر المجئ الي مصر

جو بحنان : ميريتي
ميريت : جو حبيبي
جو : مالك يا روحي
ميريت بدموع : انا هتجوز
جو بصدمة : نعم انتي قولتي ايه
ميريت بدموع غزيرة : فرحي يوم الخميس الجاي و كنت عوزة اخويا يكون جمبي ممكن
جو بغضب : انتي مجنونة انتي طفلة اذاي توافقي
ميريت بدموع غزيرة و صراخ : عوزني اعمل ايه اكسر ابويا و ذله هو وقع فى فخ منصوب ليه هو عمره ميفرت فيا مهما كان السبب
جو بحزن : طفلتي الجميلة انا سوف اتتي إليكي لا تخافي

اغلقت ميريت و توجهت إلي الحمام و تؤضات و خرجت تصلي فروضها و جلست تقرأ وردها اليومي

مر الوقت سريعا و على مشارف الظهر كان الباب يطرق و يعلم الجميع بوصول مهدي الشيخ

الذي دخل و نظر للجميع بحزن و كسرة فهو علم من عائشة و يوسف ان ميريت علمت بخبر زفافها

مهدي بحزن : هي فين
عائشة بدموع : ليه مهدي ليه فرط فى بنتي الصغيرة
مهدي بحزن : و الله العظيم يا خيتي غصب عني انا يستحيل افرط فى بنت قلبي ديه ميريت بنت عطر بنت الغالية و انتي اكتر واحدة عارفة عطر و ميريت بالنسبة ليا ايه دول روحي
صقر بدموع و هو يجلس على الارض : ابوس ايدك يا جدي بلاش ميريت مش هتستحمل
فارس بدموع و هو يجلس على الارض : بالله عليك يا جدو و حيات حبيبك النبي بلاش ميريت هي صغيرة و ضعيفة
مهدي بدموع عالقة : غصب عني يا ولاد انا الموت أهون عليا من فراقها بس ولادي كسروني و صغروني قدام البلد
ميريت بدموع غزيرة و هي تجلس بين أحضانة : معاش و لا كان اللي يكسر و يذل مهدي الشيخ كبير العيلة انا تحت طوعك و ملك ايدك انا بنتك
مهدي بدموع غزيرة : حقك عليا يا روحي حقك عليا سامحيني
عبد الله بحزن : و حدو الله يا جماعة
مهدي بدموع : سافري ميريت عند يوسف و مترجعيش هنا تاني و ساعتها محدش هيقدر يجوزك
ميريت و هي تبعد عنه : انت بتقول ايه عاوز البلد كلها تعيب فيك انا الموت أهون عليا من كسرتك انا بنت مهدي الشيخ الراجل اللي حفظني القرآن الكريم الراجل اللي سمحلي اكمل تعليمي الراجل الحكيم انا عمري مهعمل كده لو فيها موتي
عبد الله : زين ما ربيتي يا عمه انتي بجد بتكوني بت الشيخ
ميريت : طلبي الوحيد اكمل تعليمي و بس مش عاوزة حاجة تاني
مهدي بهدوء : انا قولت و هما وافقو
ميريت : ماما جهزي هدومي و حاجتي علشان مفيش وقت
صقر بغضب : انتي ليه مستسلمه اوي كده
ميريت : عوزني اعمل ايه
صقر بغضب : صوتي عيطي ارفضي اي حاجة
ميريت بهدوء : و آخره كل ده هيحصل ايه هرفض الجواز اللي حصل حصل مفيش مرجع انا هدخل بيت الحديدي و يوم مهاخد إفراج هيبقي يوم نزولي القبر انا اقامتي فيه اقامة جبرية
مهدي بدموع : حقك عليا يا روحي بعد الشر عليكي من الموت
عائشة : بإذن الله هيكون غيث كويس و محترم و على خلق و هيحبك و هتخبيه
ميريت بابتسامة سخرية : كويس و متربي و علي خلق و الله يا ماما انتي طيبة ده ليه فى كل بلد عشيقات و عمره مهيبص فى وشي و لا هيحبني
مهدي بحنان : انتي قمر ١٤ و هيحبك
ميريت برجاء : انا طالبة طلب واحد و بس منك بابي
مهدي : قولي يا قلب ابوكي
ميريت برجاء : لو في يوم طلبت الطلاق تقف جمبي و تساعدني
مهدي بحنان : طبعا يا بنتي بس
ميريت بدموع غزيرة : ابوس ايدك انا عارفة ان حياتي هتبقي معاه اقامة جبرية بس اديني امل اعيش عليه
مهدي بقسم : اقسم بالله العلي العظيم يوم مهتيجي ليا و تكوني عوزة تطلقي منه هقف جمبك و هساعدك بس لو مت يبقي تسمحيني يا بتي
ميريت بدموع غزيرة : و انا مسمحاك يا بابي
صقر بابتسامة : المفروض دلوقتي ننزل نجيب حاجات العروسة القمر
مهدي : عائشة انزلي هاتي ليها كل حاجة هي عوزاها صقر بغمزة : انا اللي هنزل معاها و اجيب اجمد الحاجات
ميريت : انزلو انا مش نازلة
مهدي بحنان : انزلي معاهم يا بتي و فرحي
ميريت بابتسامة مكسورة : ملهاش لزمة صقر و ماما ينزلو فارس
فارس بدموع : هو انتي كده هتسبينا و تمشي مش هنشوفك تاني
ميريت بحنان : ليه بتقول كده انا الصبح معاكم فى الجامعة و الغدا معاكم و بالليل هنذاكر مع بعض على النت و مش هسبكم غير علي النوم
عائشة : و جوزك يا بنتي
ميريت بابتسامة مكسورة : متقلقيش مش هتفرق المهم بابي انا عوزة انام في حضنك
مهدي بحنان : تعالي يا قلب ابوكي

توجهت ميريت و مهدي الي الغرفة و نامو بعد ان ضمها لحضنة بشدة و قبل رأسها بكل حنان

مر الوقت سريعا

كانت عائشة و الشباب ينزلون لإحضار الأشياء التي تحتاجها ميريت حتي لا ينقصها شي

رفضت ميريت ان تنزل لشراء الفستان فنجبرت عائشة و صقر للنزول و احضرو فستان زفاف رائع الجمال خاص للمحجبات و معه كاب طويل للأرض

امر غيث الحديدي بتجهيز غرفة كاملة و كبيرة للعروسة بعيدة كل البعد عن جناحة و أجنحة الباقي

جهزت ايمان كل شي خاص لابنتها سارة حتي تليق وسط الجميع

في الصعيد

توجه مهدي و الآخرين الي الصعيد

كان العمل على قدم و ساق لزفاف الدكتور مهدي الشيخ و احفاد كبار عائلة الحديدي

في قصر الشيخ

كان الجميع يجلسون في الأسفل لاستقبال مهدي و الشباب و ذل ميريت

عائشة بجدية : ميريت مش عوزاكي تعيطي و لا تزعلي قدامهم مفهوم
ميريت : حاضر ماما
صقر : حبيبتي انا هفضل موجود جمبك مش هسيبك
ميريت بابتسامة : متقلقش هما هيقومو بالواجب و زيادة

دخل الجميع الي القصر و جلسو

بعد فترة خرج الحاج مهدي لمباشرة اعمالة

عديلة بشماتة : شفتي يا بت عطر اللي امك عملته فى حياتها ربنا رده ليكي
وفاء بشماتة : لا و يا ستي مش اي جوازة ده واحد مع كل ست شوية و هي و لا ليها لزمة فى حياته
شيماء بشماتة : يعني الله و اعلم هيبص في وشك و لا ايه
صقر : و الله يبقي معندوش نظر لما يسيب موزة ذيها و يبص برا
فارس و هو يجلس : حبيبتي يالا بينا على فوق علشان نشوف شغلنا
شيماء : فارس يا ولدي مش هتسلم على امك
فارس : يالا ميمو علشان بعد شويه بنات البيوتي هيوصلو
شيماء بغضب : فارس انا بكلمك
فارس بجدية : حضرتك انا جيت هنا علشان احضر فرح اختي مش اكتر
شيماء بغضب : منك لله يا بت عطر يا رب تعيشي باقي حياتك في عذاب و حسرة
ميريت بحزن : ليه يا ابلة انا اختك الصغيرة
شيماء بغضب : انتي مش اختي و لا هتكوني اختي انتي بلاء على اي حد ربنا ينتقم منك و تعيشي اسوء ايام حياتك و تفضلي وحيدة
عائشة بغضب : شيماء لمي نفسك و انتي يا ميريت اطلعي فوق جناح ابوكي اجهزي علشان اهل عريسك جايين
ميريت بكسرة : حاضر

صعدت ميريت و صقر و فارس الي الأعلي حتي يدلوها على الجناح و اوصلوها الي الجناح و غادرو

دخلت ميريت الي الجناح و رتمت علي السرير تبكي بشدة

يتبع

الي لقاء جديد في الحلقة القادمة

توقعاتكم بالقادم

كيف ستكون الحياة فى منزل الحديدي ؟

هل سياتي شقيق ميريت و خالها الي الصعيد ؟