عشق رغم القسوه

الفصل الثاني

ممنوع نقل الرواية أو اقتباسها في أي مكان والا تعرض للمسأله القانونيه وحقوق النشر والطباعة ❤️Lamiaa Ahmed

الجده خديجه ......... ساره مالك يا حبيبتي

ساره ........اسكتي يا ديجا علي اللي حصلي اااه

الجده ..........اللي حصل يا قلب ديجا

ساره .........وقعت من علي الحصان

الجده بخضه .........نعومه

ساره بغيظ .........يعني انتي همك نعومه وانا بنت ابنك فلذه كبدك مش هماك انا اساسا مكنتش راكبه نعومه مبترضاش تخليني اركبها

الجده ........... اه واخده عليا ايام مكنت صغيره ومن بعدي نغم ..وبعدين ما انتي زيي القرده اهو يومين وتخفي من المصايب اللي بتعمليها مش عارفه هتوبي امتي

ساره ببرائه مزيفه ...... انا يا تيتا انا بعمل مصايب دي نغم هي اللي بتعمل المصايب وتاخدني معاها

نغم وهي مربعه زراعيها بغضب ....... انا اللي بعمل مصايب ولا انتي يا ساره هانم

ساره .........دي تيتا اللي بتقول مش انا

الجده خديجه ..........يا شويه نصابين بره يا بت انتي وهي

ساره ......... كدا يا تيتا تبعيني

الجده بصدمه .........يخربيتك امشي يا بت يلا انتو الاتنين بره بدل ما انادي ل جدكم

ساره ونغم بصوت واحد .....طب سلام عليكم احنا بقي هههههه

في مصحه الأمراض النفسية الخاصه ب فارس

نجد تلك الفتاه ذات العشرون عاما تجلس علي ذلك السرير ذو المفارش البيضاء تضم قدميها الي صدرها ،شارده العقل، خاليه الملامح ، اختفي الشباب والشغف من عينيها، ماتت الطفوله والبرأه بداخلها مات كل شئ وانحصرت داخل قوقعتها ....،،،

اقترب فارس منها ببطء وحذر فما كُتب في ملفها والأوراق التي بيده جعله مدرك لحالتها ..

جلس بالقرب منها علي ذلك المقعد الحديدي ليحدث صوت انتشلها من عالمها الخاص .

وبمجرد أن رأته حتي ارتفع هاجز الخطر لديها لتبدأ بالصراخ والحركه والانهيار

فارس محاولا تهدئتها ........اهدي اهدي انا مش هاذيك

****عااااااااااتاااا الحقوني اااااااه متقربوش متقربوووووش ساعدوووووونيييي يا ابوي الحجني لاااااااااا لاااااا بَعِد عني بعد عني لاااااااا

وبدأت تركض في أنحاء الغرفه وتمسك بالشرفه الحديديه وتصرخ بالمساعدة والنجاه

فارس بزهول من حالتها .........اهدي انا طالع طالع

خرج مسرعا قبل أن تسوء حالتها أكثر من ذلك وتوجه الي مكتبه يدون ملاحظته علي أولي حالاته التي بائت بالفشل