"မဟုတ်ပါဘူး"
ယဲ့ထင်၏ လက်ချောင်းက ရန်ကျားလိ၏ နှုတ်ခမ်းပေါ် ပွတ်သပ်လိုက်ပြီး
"ဒါဆိုဘာလို့ မျက်နှာက မပျော်ရွှင်တဲ့ပုံကြီး ဖြစ်နေရတာလဲ"
ရန်ကျားလိက ခေါင်းလှည့်ပြီး သူ့ကို ကြည့်လာကာ ပါးစပ်ဟလိုက်သော်လည်း မည်သို့သော စကားမှ ပြောထွက်မလာဘဲ သက်ပြင်းရှည်ကြီးသာ ချလိုက်ကာ ယဲ့ထင်၏ လည်ပင်းကို ဖက်တွယ်ပြီး စကားဆိုသည်။
"ပင်ပန်းနေလို့၊ ငါအိပ်ချင်ပြီ"
ယဲ့ထင်က သူ့အား မ,ချီလိုက်ပြီး လူအား ဂရုတစိုက်နှင့် စောင်ပုံထဲ ထည့်ပေးလိုက်သည်။
သူသည် ရန်ကျားလိ၏ မျက်နှာကို မှုန်မှိတ်မသွေ ကြည့်နေရင်း ရန်ကျားလိ မျက်လုံး မှိတ်သွားကာမှ လေသံဖျော့ဖျော့နှင့် ပြောသည်။
"မနက်ဖြန် တခြား ခရီးစဥ်တော့ မရှိတော့ဘူး။ ကိုယ်မင်းကို တစ်နေရာ ခေါ်သွားပေးမယ်"
ရန်ကျားလိက အိပ်မှုံစုံမွှား ယောင်ယောင်ဝါးဝါးနှင့်
".....ဘယ်ကိုလဲ"
"ကိုယ့်မှာ လက်ထပ်တော့မယ့် သူငယ်ချင်းတစ်ယောက် ရှိတယ်။ မနက်ဖြန် မင်္ဂလာပွဲ ကျင်းပတော့မှာ၊ သိပ်လည်း မဝေးဘူး။ ကိုယ့်ကိုလည်း ဖိတ်ထားလို့"
ရန်ကျားလိက အိပ်တစ်ဝက် နိုးတစ်ဝက်နှင့် ခေါင်းညိတ်လိုက်ကာ လိလိမ္မာမ္မာနှင့် ပြောသည်။
"ဟုတ်ပြီ"
ယဲ့ထင်က ပြုံးသွားပြီး သူ့အစား စောင်ကို သေချာ ခြုံပေးလိုက်ကာ ခေါင်းငုံ့ပြီး သူ့နှုတ်ခမ်းထောင့်ကို တစ်ချက် နမ်းပြီးနောက် နူးညံ့သော လေသံနှင့်
"ပေါင်ပေါင်း၊ ဂွတ်နိုက်ခ်"
ရန်ကျားလိသည် မျက်ဝန်းများကို မှိတ်ချလိုက်ပြီး တစ်ညတာလုံး အိပ်မက်နတ္ထိ နှစ်နှစ်ခြိုက်ခြိုက် အိပ်ပျော်သွားတော့သည်။
သူ မသိခဲ့သည်က သူ အိပ်ပျော်သွားပြီးနောက် ယဲ့ထင်က ကုတင်ပေါ်သို့ တက်မလာဘဲ ရေချိုးဝတ်ရုံ ဝတ်လျက်နှင့် လသာဆောင်သို့ ထွက်သွားခဲ့သည်ကိုပင်။
YOU ARE READING
ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)
RomanceTitle - 又被前男友盯上了(Be watched by my Ex again) Author - 橘猫哥哥(Ju Mao Gege) Status - 183 chapters + 36 extras I don't own anything. This is not for commercial. All the credits go to the author and the publisher. Translated by Kiyoiko__ Don't repost my wo...
