ယွီချင့်ဟွမ်ရဲ့အစီအစဥ်ကိုအပြောင်းအလဲလုပ်ဖို့ရဦးမလား ဟူ၍ သူမေးတော့မလိုလုပ်စဉ်မှာ ယွီချင့်ဟွမ်မှာဆက်လက်ဆိုလာ၏။
"ရွေကော မနက်ဖြန်ကလဆန်းပိုင်း၁၅ရက်ပဲ လူတိုင်းကမိသားစုအတူဆုံစည်းဖို့အိမ်ပြန်လိုကြတယ် ကျန်တဲ့သူတွေပါနားရက်တရက်ပေးလိုက်ပါတော့လား"
နှစ်သစ်ကူးညစာစားပွဲပြီးကတည်းက ယွီချင့်ဟွမ်နှင့်ကျောက်ရွေမှာတယောက်ကိုတယောက်ပိုမိုရင်းနှီးကျွမ်းဝင်လာကြပြီး အပြန်အလှန်စနောက်တာတွေတောင်လုပ်ရဲကိုင်ရဲရှိနေလေပြီ။
ကျောက်ရွေမှာအပေါက်ဆိုးသော်ငြား ကြင်နာသနားတက်သောစိတ်နှလုံးရှိမှန်းသူသိလိုက်ရ၏။ရိုက်ကူးရေးအချိန်တွေကို ပြည့်ကြပ်ညပ်နေအောင်လုပ်ထားရသောအကြောင်းရင်းကိုက နှစ်သစ်ကူးကာလမှာ လူတိုင်းကိုနားရက်၂ရက်ပေးချင်လို့ဖြစ်နေတာပင်။
သို့ရာတွင် သူ့ရဲ့စကားလုံးကြမ်းကြမ်းတွေက လူတွေကိုတခါတခါအထိနာသွားစေနိုင်တာမို့ ဘယ်သူကမျှ နောက်ကွယ်ကစိတ်ရင်းမှန်ကို သဘောပေါက်ဂရုမစိုက်မိကြပေ။ယွီချင့်ဟွမ်မှာ ထိုသူ့ပခုံးအားအသာပုတ်ပေးလိုက်ရင်း ပြောလိုက်သည်။
"ရွေကော Ada အချိန်ဇယားကပြန်ညှိမရတော့ဘူး ကျွန်တော့်ကိုတရက်လောက်ခွင့်ပေးပြီး လူတိုင်းကိုတရက်လောက်နားပါစေလားဗျာ"
ရိုက်ကူးရေးဟာအဆုံးသတ်ကာလကိုချဉ်းကပ်လာပြီမို့ ရက်သတ္တပတ်တပတ်အတွင်းအပြီးသတ်တော့မည်မျှော်မှန်းရ၏။ဒီလိုဆိုမှတော့ လူတိုင်းကိုမီးပုံပွဲတော်အတွက်တရက်အနားပေးလိုက်ဖို့ဆိုတာ ရေးကြီးခွင်ကျယ်ကိစ္စကြီးမဟုတ်တော့ချေ။
ကျောက်ရွေမှာတခဏမျှတိတ်ဆိတ်သွားပြီးနောက်မှ သူ့အားသုန်သုန်မှုန်မှုန်တချက်ကြည့်လာပြီး
"ငါ့မှာတခြားရွေးချယ်စရာများရှိနေသေးလို့လား?"
ယွီချင့်ဟွမ်မှာ ယခုဇာတ်ကားအတွက် အဓိကဇာတ်ဆောင်အခန်းကဏ္ဍကနေအကြွင်းမဲ့ပါ၀င်ထားရသည်ဖြစ်ရာ သူသာမရှိရင် ဇာတ်ကားကလည်းရိုက်ကူးစရာဟူ၍မရှိတော့။
YOU ARE READING
ရည်းစားလေးထားချင်မိတဲ့ကျွန်တော် (ဘာသာပြန်)
RomanceTitle- I Just Want to Be in a Relationship Author- Lian Shou Status in COO- 96 Chapters+6 extras Original Publisher - JJWXC English translator- Flying lines Genre- Comedy,Drama,Romance,Slice of life,Yoai # I do not own this story. All the credits g...
Cha-41
Start from the beginning