أبن جــبــر ....

البارت الرابع عشر 14

‏" وشَخص لا ينطق حرفًا‌، فقط يضع يده على يدك "
- أحمد سالم
................................................................؟

سارة .....

بعد ما دخل سلطان و جان مبين عليه ضايج ... زوجه عبد الملك بس شافت سلطان دخل المطبخ طلعت .. و ضل بس سلطان و اني .. اجه سلطان عليه و گف گبالي اني متوقعه سمع كلامنه اني و ايلاف .. .. وگف ضل صافن بوجهي و اني نزلت عيني على الگاع ... رجع فتح حلگه و گال....

سلطان / .. سارة .. تگدرين تسوين چاي ...

سارة / .... هااا..... ااي..

سلطان/ اي لعد سوي و ياريت تستعجلين بي ... اگو خطار بالستقبال ...

سارة / هسه دقايق و يكمل ...

سلطان / ... اي خوش ... شويه. واجي اخذه ... او لا باقي هنا انتضرج .. تكملي ...

سارة / هااا .... لا روح .. واني اصيحك ..ليش باقي هنااا

سلطان / اذا تضوجين من وجودي لعد اروح
..
حجه و هو گالب خلقته ..

سارة / لا والله مو هيج بس اخاف تـ.....

سلطان / تخافين من شنووو هااا

سارة / لا تشوفك هاي مرتك هنااا و تسويلي سالفه ..

سلطان / الف مره اگولها و اعيدها جميلة مو مرتي بس انتي على ذمتي ... فهمتي ... ياله روحي سوي چاي بساع.

سارة / هااا اي صارر ...

رحت على القوري ... و غسلته على السنك و سلطان گاعد ورايه على الميز و صافن .. ..خليت القوري على النار و خليت عليه الهيل و ورق الچاي... و رحت حضرت الستكاين و خليتهم بصينيه. و خليت الشكر ... رجعت رحت على الجاي فار و هدرته شويه على النار .. و گفت يمه ... جان طب جميلة للمطبخ .. و من شافت سلطان بالمطبخ ما فتحت حلگها .. ويااا ... بس شويه و رجعت گالت ..

جميلة / هييي انتي اريد مي انطيني يا فصليه ...

سارة /...................

ضليت ساكته ماعرف شجاوبها .... لأن صدك هاي تدور على المشاكل دواره ...بعدني ما فاتحه حلگي جان سلطان جاوبها...و گال

سلطان / وانتي شبيج عيني مگرمه لو شنووو

جميلة / شگد حلوه كلمه عيني منك حلته لو بالغلط ...

سلطان / استغفرك ربي.... انتي شنوو بابه ...

جميلة / اخخ يا سلطان لو بس تشيل ربع الي بگلبي ..جان عرفت اني شنوو

سلطان / ما تسكتين ... سارة عيني الچاي كمل لا ..

سارة / اي...... بس..... اصبه... هسه ...

عزةةة بس فهمت ليش هيج گال دا يقهرها لأن صدگ نگلب وجها و شفت الدمعه بعينها نقهرت عليها والله.. بس ما اگدر احجي ... رجعت صبيت الچاي و جيت انطي الصينيه لـ سلطان .. و هو گال...