الـزواج الاجـباري

البارت 3

الـزواج الاجـبـاري ❤️💕

الـكـاتبـة رنا الـنـصـيري ❤️💋

البارت 3

گــــــــــن لطـــيفاً ب تـــحدثك مع الآخــــرين ف الـــــبعض يـــعاني من وجع الحياة وانــــــَتَّ لا تعــــََلم.
❤️💋💋

اساور .. نجحت وعبرت للمرحلة الثالثه ولازم اجهز روحي وصادف بعد 10 ايام لشهر رمضان جهزت روحي وكذا واجه يوم زواجي الي صار حنه وعرس بنفس اليوم نفس الروتين كعدت الصبح ورحنه للصالون نفس ام الصالون الي سوتلي بالخطبه وفعلا سوتلي مكياج خفيف وشعري صبغته اشقر ع مره وتقشير بشره وجسم ولبست البدله وطلعت اجنن جانت وياي ساره ونورس وماما ورجعنه للبيت ركصت قبل ميجون ويا بنات عمي وخوالي تاخرو يلا اجو من دخل هل مره طالع صدوك يخبل ❤️ لابس قاط اسود ورافع شعره كعد يمي وهمس

سعد .. غطي صدرج طالع

وجهي صار احمر من حجه هيج انتبهت علي اخته واجت عليه عدلت البدله مالتي وضل يتغزل وحتى ركصنه وراها صارت الزفه اخذني من ايدي بعد ماودعت اهلي صعدت بسيارة جان هوه يسوق واني يمه بس بنص الطريق وماحسيت غير رمي قوي فوك راسي من الصوت نرعبت اكثر شي اخاف منه الرمي باوع علي سعد وكف السيارة ونزل سكت الرمي جانو شباب كومه ونزل واحد من سيارة بس هيبه مو طبيعيه احلى واحد منهم طول وجمال وشخصيه وكارزمه ❤️حجه ويا الولد وصار عصبي مدري شكال ل سعد واجه صعد

سعد .. عذرينه حبي هذوله طايشين عود كلنه لحد يرمي بس شنسوي

اساور .. مو متت رعب اخاف من رمي

سعد .. هسه مو كلنه اسفين

اساور .. اوك ضل طول الطريق يركص لحد ماوصلنه للبيت جان البيت جبير 3 طوابق نزلت ودخلت اول مادخلت ذبو يم رجلي دجاجه ودخلت النسوان وامي صعدني فوك بالغرفة جان الاثاث مال الغرفة تركيه تخبل حبيتها كولش المهم دخلني وكعدت ع الجربايه وبدن يحجن

ام سعد .. ان شاء الله مرتاحه حبيبتي

اساور .. الحمدالله

ماما .. بهمس .. صيري سباعيه ورفعي راسنه حبيبتي وديري بالج ع زوجج شيكلج كوليله اي صار لا تعاندي وتردي بكلمه وكومي بخدمته لا تخلينه محتاج شي ومن يجي تلكي بكلمة حلوه والسان حلو ماشي ابنيتي

اساور .. هزيت راسي اي بعدين ضل يسولف لازم شسوي ومن هل سوالف الانحرافيه 😹 بقت يمي خواته نور وحنين يسولفن وياي تقريبا 10 دقايق ونزلن لين سمعنه صوت هوسات ع الدرج لين زفو شوي ودخل عليه وسد الباب اني كمت ارجف اجاني كعد يمي

سعد .. شلونج

اساور .. تمام

سعد .. ان شاء الله عجبتج الغرفه والاثاث

اساور .. باوعت علي .. اي كولش حلوه

سعد .. فدوة شوفي اساور ماريد منج شي غير بس هذني الشروط