قصص عراقية:
أنياب الذئاب بارت 1
لا تخاف الذيب خاف إمن البشر
ما سمعنه ابذيب بذيابه غدر!
بس سمعنه اهواي مأسات وعبر
عن بني ادم إوطعنات الضهر!!
الذيب ما يغدر صديقه اشما مكر
بس صديقك بالغدر ضل يفتخر!
هَم سمعت ابذيب فَكر ينتحر!!
لأن من صحبانه مره انغدر !
ليش تتهم الذيابه ابهل أمر!
وانت بعيونك شفت كل الصور!
ما سمعنه ابذيب بذيابه انفجر
إولا سمعنه البيهم ابطبع الشمر!
الذيب ما يذبح الذيب إمن النحر
لكن ابنادم على ابنادم كِدر!!
لا تلوم الذيب وتلوم الدهر!!
اوتترك المتهم والجاب القدر!!
شاهد ابدنياك مأسات اشكثر!!!
مو سببها الذيب سواها البشر
"روانا"
راده من المدرسه الشمس تسمط بيه سمط
لابسه عباتي الزينبيه وجنطتي ع ضهري جني ركه
دخلت منطقتنا شفت شباب واكفين يم الحسينيه يسولفون دنكت راسي ومشيت البيتنا
دخلت السلام عليكم
امي هلا بهل طول وعليكم السلام يلا يا بعد كلبي سبحي وبدلي وتعاي عاونيني هسا ابوج يجي من المسجد
جايتج يا حلوه تحممت وبدلت وكعدت اساعد امي
دخل ابوي وامي استلمته هلا برويحتي هلا بدنيتي
تقبل الله
سامح _اعمالنا واعمالكم ركض ايهاب الابوي بابا شوف انا رسمتها
_كلش حلوه باسه وكعده بحضنه وامي تسولفله اليوم اجت ام ساري وعزمتنا على عرس ابنها
سامح _تدري ادري هههههه عرس ساري من سبوع يعزم بالناس تردون ترحون
_اي شون منروح ننتضر عرس ساري بفارغ الصبر
اريد انشوفه شيسوي
_بس مو تردين ضايجه اليحجي لا تهتميله
_خيولن هنا ونعالي (مكرم القارئ)
كعدنا ناكل كمت غسلت المواعين ورحت نمت كعدت ع صوت بنات عمومتي خايبه اجيناج اريدج تخيطيلنا
روانا _ما بيه والله
_يا خايبه ام الوصخ جايج ومتعنيج شبيج فكر
_والله تعبانه الخياط يكسر ظهري
_رودينا ام روانا يمه خيطيلهن
_ بالله يمته تردنهن
الخميس عرس ساري ونلبسهن
_يااا بطرانات وانتن اربعه شيخلصهن الي
دجانه _ولج ذليتينا
_انتي متحسين انتن اربعه والخياط يتعب ترا و بعدين انا عندي مدرسه
الام _ انا افصلج وانتي خيطي
_خوش عود
غسلتن القطعه لو انا هم اغسلها
الكل _لا غسلناها
_هم خوش
كامن طلعن اخذت القطع ورحت ع المكينه
انا عمري ١٢ سنه اموت ع الخياط روحي من دنيا اعرف ارسم واسوي خياطي يخبل اسوي كلشي
جانت جارتنا الله يرحمها اسمها ام غايب معدها اطفال جان والدي يخليني اروحلها وحيده اساعدها وجانت تعلمني الخياط وتعلمت وياها هذا الحجي قبل سنتين
انا واخوي ايهاب نحب رسم ورسمنا يخبل
اضافه للرسم انا اخيط بس امي متقبل اخيط ع طول وراي مدرسه
كعدت فصلتهن امي اربعتهن وانطتنياهن
وضميتهن اليوم الاثنين الحك اخيطهن
خلي احجيلكم شوي عني
ابديلكم من سنه من ٨٩ قبل لا انولد
ابوي دخل للجامعه احنا باب عرب
من البصره من قضاء....
والدي من دخل للجامعه جانت ويا بنيه تخبل تخبل حسب وصف ابوي يكول تلبس القصير وشعرها طويل سلبت عقلي ابوي صغير بس هواها
سنه كامل ابوي يحبها بدون ميحجي
َواعترفلها وهي حبته حبته حب جنون وهل حب انا واخوتي طايحين بي
رد ابوي الوالده وكله يابه انا عشكان
الجد ومنو هاي
_بنيه وياي بالجامعه
_وشنو اصلها فصلها
_من عشيرة
_يعني حضريه خايب تكوم من يمي لا اكسر العوجيه على راسك جايبلك وحده تتمغلج عليك شنوو اخذلك وحده من بنات عمك من عشيرتك موش حضريه تلعب عليك
_بويه انا رايدها
ردت الحجيه _رادتك ريده خايب ما لكيت غير الحضيريه
_يمه انا هاويها شنو هل حجي حضريه والى عجميه شكو انتو
_عبد الله ( الاخ الاكبر ل سامح) بويه زوجها اله عليش ياخذ وحده ما هاويها ويعلعلها
_من يزوجها يعشكها
_انا كلت اريد رودينا غيرها ما اخذ
_يع اسمها رواديد يع شهل اسم زواع بزازين
_كام ابوي و هو غضبان
ВЫ ЧИТАЕТЕ
انياب الذئاب
Художественная прозаمنقوله بين صراع الحب والتقاليد العشائريه هنالك أم احبت وزوج كافئها بالخذلان بين ذنب اقترفه الكبار ووقع ضحيته الصغار -هنالك وردة نبتتت بين شوك الذئاب ووقعت ضحيه للأحقاد يولد حب صغير في قلب تلك الفتاة وينبض قلبها بالامل ان غدا سيكون افضل لكن ي...
