သူ့ရှေ့က ဖြူဖြူလုံးလုံးလေးအား စိတ်ထဲကနေ မေတ္တာတွေ တသီကြီး ပို့ပစ်လိုက်တယ် ။ အပြင်မှာတော့ ထုတ်မပြောပါဘူး...သူ့ဆီမှာ ကိုယ့်ကို ဘယ်လိုပြန်ခွပ်ရမလဲဆိုတဲ့ စကားတွေက အော်တိုကို ရှိနေပြီးသားမို့....။
"Ji...မင်းကလည်းကွာ..ငါလည်း အကြံပေးမယ်လေ"
"ငါတောင်းမိလို့လား..."
အဲ့လိုပါဆို..။ Jiကလေ သူ့ကိုဆို စကားကောင်းကိုမပြောဘူး..။ ခွပ်ဖို့ပဲ တတ်တဲ့ဟာလေး..။
"ဒီမှာ Ji..ငါက မင်းထက်စာရင် ရည်းစားတွေအများကြီးထားဖူးတော့ နည်းနည်းပိုသိတယ်လေကွာ...နားထောင်ကြည့်မလား"
မျက်ခုံးနှစ်ဖက်ကို ပင့်ကာ ဆရာကြီး စတိုင်ဖြင့် ပြောလိုက်တော့..
ရေးလက်စ ဘောပင်လေးကို ချကာ စိတ်လိုလက်ရနဲ့ နာမည်လေးခေါ် လာသည်။"Jeon.."
နောက်..လေးနက်တဲ့ မျက်ဝန်းတွေနဲ့ စိုက်ကြည့်လာသည်..။ ဘာတွေများ ပြောတော့မှာမို့ ဒီလိုပုံစံဖြစ်သွားတာလဲ တွေးလိုက်မိသည်။
သူ့အား စိုက်ကြည့်နေသူလေးကို ကြည့်ရင်း ဘယ်ဘက်ရင်အုံက တဒုတ်ဒုတ် ခုန်လာသလိုပင်...။ ဘယ်ဘက်ရင်အုံထက် လက်လေးတင်ရင်း..ဟင်..ဘာဖြစ်တာပါလိမ့်...။ ရင်ခုန်တာများလား..။
Jiကိုလေ ငါက...။ ဟင့်အင်...မဖြစ်နိုင်တာလို့တွေးရင်း ခေါင်းခါလိုက်မိတယ်..။ ဒါဆို..ဘာလဲ။
နှလုံးရောဂါဖြစ်ဖို့ အစပျိုးတာများလား...။
သေချာအောင် နှလုံးရှိရာဆီသို့ နောက်တစ်ခါ လက်တင်ကြည့်လိုက်တော့ ဒုတ်...ဒုတ်..နဲ့ ခုန်နေဆဲပင်။တွဲခဲ့သမျှ ရည်းစားပေါင်း မြောက်များစွာကိုတောင် ကောင်းကောင်းရင်ခုန်ခဲ့ဖူးတာမဟုတ်။ ဒါကြောင့် သူငယ်ချင်းဖြစ်တဲ့ Jiကို ရင်ခုန်တယ်ဆိုတာ ပိုလို့မှ မဖြစ်နိုင်ပေ..။
ကြည့်ရတာ ငါ့နှလုံးရဲ့အခြေအနေ သိပ်မကောင်းဘူး ထင်တယ်။
အင်း..ဖြစ်နိုင်လောက်တယ်..ပြီးမှ ဆေးခန်းပြကြည့်ရမယ်။
အတွေးတို့ကို ခါထုတ်ကာ တစ်ယောက်တည်း ဘာဖြစ်သွားမှန်း မသိသည့် Jeonကို ကြည့်ပြီး Jiminမှာ ဆက်ပြောရမှာလိုလို ရပ်ထားရမှာလိုလိုနဲ့...။
YOU ARE READING
Forget Me Not
Fanfictionငါကိုးကွယ်ခဲ့တဲ့ အချစ်က မင်းတစ်ယောက်တည်း Jeon... မင်းတစ်ယောက်တည်းပဲ ♡1.1.2022-8.4.2022♡