مين قال انتى عانس ج١ للكاتبه " اسو احمد "

الفصل الخامس عشر

ما انا عملالك كل حاجه والاكل تسخنه لما تيجى وتأكل برحتك هو انا قصرت معك فى حاجه يا محمد

محمد بغضب
دى بقت عيشه تقرف كل يوم والتانى رايحه فين رايحه عند ماما جايه منين جايه من عند ماما ودايره كده على حل شعرك وانا ساكت وبقول زي بعضه

ساره بنفس الغضب
ايه دايره دى؟

إللى يسمعك بتقول كده يقول بروح ارقص فى الكبريهات ولا شغاله رقاصه وانا معرفش

محمد
انا عارف بقي بتغوري فين

مش كفايه انى مستحملك انتى وبنتك لا وكمان مش عاجبك وبتردى عليا كلمه بكلمه ، دى بقت عيشه تقرف والله

ساره
ليه عايزنى اسمع كلام اللى زي الثم واقعد ساكته وماردش ، وبعدين مالك فيه ايه ؟ داخل عليا بزعبير امشير كده ليه ؟! ولما مش عاجبك حاجه  فيا ولا فى البيت كده اتجوزتنى ليه ؟ هااا

رد عليا

محمد
انتى مش بتبصي لنفسك ياهانم فى المرايه ولا ايه دى مرت عمى ابرهيم البواب احسن منك ، ياشيخه ده من سعت ما خلفتى وانا بقيت مهمله فى نفسك معايا وبقيت شايف قدامى عبد السلام صاحبي مش  ست

روحى شوفي الستات بتعمل ايه ، وبيهتمو بنفسهم ازاى واعملى زيهم بدل ما انتى قاعده تردى عليا كلمه بعشره

ساره
لما تبقي تدينى فلوس يا استاذ اروح الكوافير واعملك زيهم ابقي اتكلم ده انت ياشيخ بتدينى مصروف البيت بالعافيه وبعدين ماله شكلى ده مش ده كان شكلى لما جيت اتقدمتلى ولا عملت عملية تجميل وغيرت شكلى

محمد
ادى إللى انتى فالحه فيه ، كل شويه هات هات زي ما يكون قاعدلكم على بنك انا

ساره
عاجبك كده اهى بسنت صحيت على صوتك ، اووووووووف

محمد
ادينى سيبهالك مخضره اهى اشبعي بيها انتى وبنتك

دى عيشه تقصر العمر

ذهب صافق الباب خلفه بقوه لتذهب ساره إلى الصغيره وهى تتافف منه لكن عندما رأت صغيرتها نست كل ما حدث معها لتبتسم وتقول بحب

بااااس ياماما باااس

انا هنا ياماما باااس ياروحى ، هووووووه هووووه باااس بااا باس

انتى صحيتى يا بطه، انتى صحيتى يا جميلة مامى انتى

  صحى النوم يا كثلانه

قبلتها كثيراً وهى تداعبها لتضحك لها الصغيره لتضيف وهى تشتم رائحتها الجميله

ياختى قمر  ، انتى وحشتى مامى اووى

انا كمان وحشتك صح

ياختى على الضحكه العسل دى يانااس ، ياختى كميله انتى

ظلت تداعبها كثيرا وتضحك وتلهو معها فهذا الشيئ الوحيد الذي ينفعها فى إخراج كم الغضب والحزن الذي سببه لها زوجها