مين قال انتى عانس ج١ للكاتبه " اسو احمد "

الفصل الرابع

طبعا مش هوصيكى ياوعد ، اول وحده اشوفها اول ما دخل القاعه فاهمه

تبسمت وقالت..
اكيد ياقلبي ، وربنا يسعدكم ويكملكم فرحتكم على خير يارب

الله يخليكى ياقلبي ونفرح بيكى بعدى يارب

لا تعلم لماذا نغزها قلبها حين القت هذه الجمله عليها ، هل لانها تعلم أن هذا اليوم لم ياتى ابدا ؟ ام لانها تعلم أن هذه الجمله لا تقال لوحده مثلها ..

مين ياوعد .. كان صوت والدتها من الداخل

وعد ..
دى ساره ياماما جايه تعزمنا على فرحها الاسبوع الجاي

خرجت مبتسمه..
يا الف نهار ابيض يا الف نهار مبروك ، واخيرا هنفرح بيكى يابت يا ساره وتنظر ل وعد بتهكم شايفه البنات اللي تشرح القلب مش زيك ياخايبه

عبس وجه وعد فلم تستطع أن تتبسم لكي لا تظهر حزنها أمام جارتها ..

ساره ..
ليه بتقولى كده يا طنط ، بكره يجيلها اللي يستهلها ونفرح بيها قريب كمان ، ايه رايك

لتتبسم وعد لمجاملتها لتستاذن ساره وهى تأكد  لهم الميعاد وتذهب ..

وعد ..
مكنش لازم الكلمتين اللي قولتيهم ليا قدامها دول ياماما ، ماقدرتيش يعنى تمسكى نفسك شويه لحد ما تمشي اووووف

امها..
مش انتى اللي اختارتي كده يبقي ماتزعليش من كلامى ، على الأقل انا امك عايزه مصلحتك وبعدين جات على كلمتى يعنى كنتى اتشطرتي  على الناس اللي قطعت فروتنا بسببك

اوعى كده من وشي خلينى اشوف ال على النار مع ان الواحد نفسه اتسدت خلاص ..

ذهبت لتتنهد بحزن..
الهمنى الصبر يا الهى ..

اتت لتذهب لغرفتها لتلاحظ هاتف ساره فقد نسيته هنا..
ايه ده ؟ مش ده تلفون البت ساره
تبسمت وقالت .. اللي يعرف امى ينسي نفسه مش تلفونه والله  ، اما اروح ادهولها واجى

رفعت صوتها وهى تقول ..
ماما ساره نسيت تلفونها هنا هروح ادهولها واجى ..

سمعتها تتمتم عليها لتاخذ شال وتضعه على رأسها وتذهب لها
وصلت للشقه واتت لتقرع الجرس لتتوقف عند سماع ..

فى الداخل ..

انتى ازاى تعزمى وعد  العانس دى ، انتى مش عارفه انها لو جات هتجيب النحس ليكى

ساره ..
ليه بس بتقولى كده بس يا ماما ؟ مالها وعد هااا

هى يعنى زنبها ايه ؟ ايه يعنى عنست مش وحده بنى ادمه زينا برضه هتضرنا فى ايه هاا؟

امها ..
لا مش زينا ياست ساره وممكن لو جات الفرح تنحسكم بعنوستها وسعتها يبقي تعالى عيطيلي وقولى ياريتنى مكنت عزمتها ..

انتى ماشوفتيش لما راحت خطوبت البت مي ماكملتش البت ياحبت عينى اسبوع وفشكلت مع انه يوم الخطوبه كان طاير بيها طير ، خليها تجيلك وتجيلي بعدها مطلقه ..