مغرورتي

الحلقه الواحد و العشرون...(21)
نبيل خش و قعمز ع كرسي الزينه امقابل رزان
رزان كانت ميته من الخوف و جا في بالها أن نبيل عرف
مكالمتها اليوم و عرف هي طلعت من الجامعه و عرف وين كانت
رزان ابــ توتر: شنو أحكي
نبيل: احم رزان نبي نسألك سؤال و ياريت اتجاوبيني ابــ صراحه اوكي
رزن في بالها: حي علي أمك يا رزان لا هذا عرف أكيده عرف
نبيل: أنتِ امعايا
رزان زمطت ريقها: اهاا امعاك تمام ح انجاوبك شنو السؤال
نبيل: أنتِ ... ؟
رزان: أنتِ شنو كمل
نبيل: أنتِ ليش مزلتي قاعده امعايا
رزان بــ ستغراب: مافهمتش
نبيل: يعني أنتِ كنتي ماتبيش اتكملي امعايا و تبي تطلقي
و في مقدروك في اي وقت اتقولي خلاص طلقني بس
أنتِ ما قتلي هكي بــ العكس أنتِ مزلتي امعايا
رزان صدمها سؤال نبيل
رزان: يعني أنت ما تبيني نقعد و انكمل امعاك
نبيل: لا أنا ما قلت هكي لكن نبي الجواب بس خاطري
نسمع الجواب
رزان توترة لأنها كانت عارفه أن سؤال نبيل لاه جواب واحد
و هو أنها أتحب نبيل
نبيل: رزان أنتِ قلتي ح انجاوبك
رزان حاولت اتغير الموضوع
رزان: كان أنت تبي اطلق خلاص من توا ح نمشي الهلي
نبيل: رزان  بلاش لف و دوارن أنتِ عارفه أنا شن نقصد
رزان اقعدت ساكته و مابتش تحكي
نبيل: رزان احكي
رزان ساكته و امطبسه راسها
نبيل: ماتبيش تحكي
رزان مزالت ساكته
نبيل: رزان أنا نبي أنقولك حاجه أوكي
رزان رفعت أعيونها فيه
نبيل: مش عارف هل الوقت صح ولا لا لكن خلاص لازم انقولك
رزان قلبها قعد يرعش و كأنها عارفه نبيل شن ح يحكي
نبيل: رزان أول ما شفتك فــ الشاليه و صار امعانا أول موقف
بيناتنا حقيقه أنا كرهتك و صادفتك مره ثانيه فــ جامعه بس أنتِ
ماشفتيني شفتك اتعاركي مع شاب و هو اطاول عليك جيت نبي
ندخل و بعدين اذكرت موقفك امعايا لما ادخلت فــ شاليه
هذا يالي خلاني انوخر و ما ندخل ثالث مره اصادفة امعاك
فــ المكتب لما أنتِ جيتيني عشان تاخذي أذن و بعدين
شفتك عروستي يوم الزفةة هنا كانت صدمة حياتي
قعد نبيل يضحك و رزان اضحكت
نبيل: في هذك اللحظه تمنيت لو انموت لأنِ ما قدرت انتخايل
أن انعيش مع اسانه كيفك في نفس الحوش و انشوفك يومياً
سافرنا و صراً احداث واجد و لقيت كل يوم انتعود عليك
و  كل مره انزيد انتعلق بيك لِــ درجة معش انتحمل
ما انشوفك قدامي كل ما جيت في لحظه شكيت في روحي
و قلت لالا هذين غير حركات هكي و خلاص لكن كل مره
كان الوضع ايزيد انشوفك قلبي يرجف و دقاته ايزيدو
لما نقعدو في نفس المِكان اعيوني تقعد اتراقب فيك
ولما تختفي اشوية نبدى ننشغل عليك رزان
رزان قلبه ايدق ابــ سرعه و صوتها يرجف
رزان: نعم
نبيل: رزان من الأخير أنــا أنـــ ... رزان قطعاته قبل لا ايكمل كلمته
رزان صبت: نبيل أنا مضايقه و نبي نرقد ممكن اتخليني ابروحي
نبيل: باهي خليني انكمل كلمتي
رزان قلبها ايدق ابــ سرعه و أعيونها امتلو أدموع
رزان: نبيل معش نبي نسمع كلمه راسي صداع و نبي نرقد ممكن
اتخليني ابــ روحي
نبيل: باهي ح نطلع لكن ....
رزان ابــ عصبيه و صوت عالي: نبيييييل مانبيش نحكي اطلع
و شيرت رزان ع باب الدار
نبيل صبى و هو متعقد طلع من الدار و سكر الباب بــ القوة
رزان قعمزة ع سرير و حطت يدها علي قلبها
رزان نزلو ادموعها: آسفه ما نقدر نسمعها منك واللهي ما نقدر نسمعها
و حطت زران ايديها علي وجها و اقعدت تبكي
..........
عند نبيل
طلع من الدار و كان راقيله بكل خذى مفاتيحه و فونه
و طلع من الشقه و نزل ركب السيارته و رفع فونه ورن
علي ماهر
نبيل و هو غمتله: ايوا ماهر
ماهر ابــ خوف: نبيل انشالله خير شن في
نبيل: أنت وين
ماهر: فــ الحوش كنك صاير حاجه
نبيل: تعال عند الشط
ماهر: باهي اشوية و انجيك
نبيل: تم اوكي
و سكر نبيل و عدى شور البحر وصل ودرس
قعد يستنى في ماهر بعد اشوية جا ماهر
ماهر نزل من السيارته و عدى شور نبيل ابــ سرعه
و ركب امعاه
ماهر: نبيل كنك بسم الله شن في فــ هاليل
نبيل ابــ عصبيه: مش قتلك ما اتحبنيش أنا قتها لكِ
قتلك انزلط روحي و خلاص أنا الغلطان يال سمعت كلامك
أنا يالي غلطاااااااااااااااااان
ماهر: باهي غير اهدى اشويه أنا مش فاهم شن يالي صار
بــ الضبط أنت أعترفتلها
نبيل: لالا ما خلتني نحكي
ماهر بــ ستغراب: كيف يعني
نبيل بدى يحكيله فــ القصة من الأول و ماهر حاول ايدهديه
و يعطيه أمل أن مرات رزان اتحبه لكن صارلها حاجه
هذك الوقت لكن نبيل سكر راسه وقال أن رزان ما اتحبه
و أن خلاص لازم ايدير حد للموضوع
...........
عند رزان
سمعت باب الشقه اسكر اعرفت أن نبيل
رقاله منها و طلع برا و زادت رزان فــ البكاء
و اقعدت طول الليل ترجى علي أمل أن نبيل ايروح لكن
نبيل ما روح للشقه و كمل الليل علي رزان و هي غير تبكي
و ترجى في جيت نبيل
...........
اليوم الثاني
وعت رزان علي دقت باب الحوش
رزان صبت من السرير و عدت شور الباب
و فتحاته لقتها عمتها
مسعوده مع ابتسامه: صباح الخير
رزان ابتسمت ابتسامه صفرا: صباح النور
مسعوده: كيف نوم شكله
رزان: اهاا واللهي ما حسيت بــ الوقت خشي عمتي تفضلي
مسعوده خشت و قعمزت فــ صاله و جت رزان حتى هي قعمزت
مسعوده: نبيل مزال راقد
رزان معش اعرفت كيف اتقول الــ عمتها أن نبيل طالع من أمس
و لعند توا مزال ما جا
مسعوده: رزان
رزان: آه نعم
مسعوده: وين رحتي
رزان: لا قاعده نبيل طلع بدري اليوم
مسعوده: اهاا باهي أنا جايه انقولك أن اليوم جيين
عيت جد نبيل أهل عمك سالم عازمينهم ع عشاء
بيش تنزلي
رزان: عمتي أنتِ عارفه أنِ مزلت ما انخش للــ لمات
ولا الأفراح عشان بابا الله يرحمه
و خنقت رزان العبره
مسعوده: يا بنتي باتك خلاص مات الله يرحمه
و الحي أولى من الميت بعدين باتك أقريب ايسكر 6 أشهور
علي موته و هي لمه عاديه ما فيها شي
رزان اعيونها امتلو أدموع: بس هذا بابا يا عمتي
و علي فتحت باب الشقه و خش نبيل و أول ماخش
جت عينه في عين رزان يالي مليانه ادموع
مسعوده: عارفته باتك يا أمي لكن خلاص الحزن مش اكويس
و بعدين أنتِ مش ح اتحطي ميكياج ولا شي أنتِ اتهبلي
من ربي حبيبتي
رزان ابتسمت و رمشة أعيونها نزلو الدموع يالي كانت
متجمعه في عينها
مسعوده برمت شافت نبيل امصبي جنب الباب
مسعوده: صباح الخير
نبيل: صباح النور
و جا نبيل حب علي يد و راس أمه و جا قعمز قدامها
رزان صبت: نمشي انديرلكم فطور
و عدت رزان للمطبخ و اقعدت اتوتي فــ الفطور و كل مره
أعيونها عند نبيل لكن الغريب المره هذي أن نبيل ما بحت فيها بكل
مسعوده: اليوم جيين عيت جدك للعشاء راك تنسى
نبيل: باهي تمام
مسعوده صبت: هيا انخليكم
رزان طلعت من المطبخ و ماسكه صحن المربى
رزان: عمتي خليك اهو كملت الفطور
مسعوده: لالا صحه يا ابنيتي دوبي فطرت مع عمك
نبيل: غير خليك يا أمي انتونس بيك اليوم ع فطور
مسعوده: واللهي صحيت يا اوليدي شبعانه انشالله مره ثانيه
نبيل: باهي ابراحتك
و برمت مسعوده نزلت تحت و نبيل صبى بدون ولا كلمه
و جا يبي ايخش للدار
رزان: نبيل
نبيل عاطيها بــ ظهره: نعم
رزان: نبي نمشي الهلي
نبيل: وتي روحك تو انشيلك توا
رزان: باهي نفطرو قبل
نبيل: أنا مانبيش نفطر
رزان جت تبي تحكي نبيل خش وسيبها خذى ادبشه
من الدولاب و عدى خش ايدوش
رزان وجعتها معاملة نبيل الها لكن كانت عارفه روحها أنها
تستاهل هي يالي خلاته ايعاملها هكي
لمة رزان الفطور و ردت كل حاجه في مِكانها و عدت رزان
طلعت دبشها و خذت الدبش يالي ح تلبسه للــ لمه علي طلعت نبيل
خذت رزان دبشها وطلعت لقاته خاش للمربوعه عدت خشت
دوشت و بدلت دبشها ولبسة ويشاحها وطلعت لقت نبيل نازل لوطى
خذت رزان شنطتها و فونها و نزلت لقت نبيل امقعمز ايهدرز مع هله
رزان: السلام عليكم
كلهم: وعليكم السلام
سالم: كيف حالك يا بنتي
رزان ابتسمت: الحمدالله يا عمي أنت شن داير
سالم: الحمدالله في نعمه
مسعوده: كيف طالعه يا رزان
رزان: اهاا يا عمتي نبي نمشي انشوف ماما ليا كم
يوم ما شفتها ولا شفت خوتي
سالمه: زيزو ما تبيش اتجي ع لمه
رزان: لالا نبي انجي نلبس عند هلي و انجي بعد المغرب
مسعوده: باهي قولي لِــ أمك و ردينه ايجاً حتى هنا
ايغيراً جو
رزان: باهي تو انقوللهن
مسعوده: لازم ايجاً قوليلهن عمتي تزعل بعدها
رزان: خلاص حاضر
نبيل صبى: هيا تبو حاجه
كلهم: لالا سلامتك
عائشه: نبيل نبي شوكلاطه
نبيل ضحك: باهي حاضر
وطلعو نبيل و رزان ركبو للسيارة و عدو شور هلها
و طول الطريق نبيل ساكت و ماحكى ولا كلمه و رزان
برضو كانت ساكته لكن في خاطرها نبيل يحكي امعاها
بعد اشوية وصلو الحوش هلها
نبيل درس السيارة: انزلي
رزان جت تبي تنزل
نبيل: خلي سفيان اجيبك بعدين أنا مش فاضي
رزان نزلت بدون ولا كلمه و نبيل علق السيارة و عدى
..........
عند أهل رزان
رابحه كانت اتنضف فــ الجنان علي دقت باب الحوش
فتحت لقاتها رزان
رزان: صباح الخير ماما
و قدمت حبت علي يد أمها و راسها
رابحه: صباح النور خشي تعالي
رزان: فيش اديري
رابحه: انضم فــ الجنان الشجر هبلني 24 ساعه انكنس
فــ الورق يالي ايطيح منه
رزان: ردينه وين يالي قاعده أنتِ اتكنسي
رابحه: ردينه فــ المعهد اليوم أخر امتحان عندها
رزان: اهاا سفيان قاعد
رابحه: لالا مشى ايجيب في ردينه
وو خشاً رزان و رابحه جوا اقعداً ايهدرزاً و جو
ردينه و سفيان و داراً البنات فطور و قعمزو فطورو مع بعضهم
و اقعدو ايهدرزو لأنهم الهما زمان ما قعمزو ع فطور مع بعضهم
...........
عند نبيل
لما حط رزان عند هلها عدى و فتح الكفي
و بعد ساعه تقريباً طلع شور الجامعه لأن كان عنده محاضره
..........
عند رزان
رزان تغسل فـــ الصحون: ردينه سفيان وين
ردينه: توا طلع و قال مش جاي ع غداء عنده عمل
رزان: ييييييييي قبل نبيه
ردينه: كنك شن في
رزان: لالا موضوع عادي بعد خطرها
ردينه: شنو
رزان: ريناد معش جتكم
ردينه: لالا حتى رن معش اترن علينا
رابحه خشت للمطبخ: أختك من بعد ازوجة حبيبها معش شفنه وجها
رزان: يعني الها كم معش جتكم
رابحه: تي من عزاء باتك شفناها يوم الأربعين وبعدين خلاص رنة علينا
تقريباً مرتين ولا هي ثلاث مرات وبعدين خلاص حتى انرنو عليها مقفل
رزان: اهاا حتى أنا رنيت عليها كم مره ما اترد يا مقفل
ردينه: خلوها علي راحتها بالك مش فاضيه
رزان: اوكي ما قلنا شي لكن أدز حتى رساله اطمنا عليها
رابحه: عمتك كيف حالها
رزان: خطرتي عليا عمتي اتسلم عليك واجد وقالتلك اليوم تعالاً
امعايا أنتِ و ردينه عشان عازمه عيت جد نبيل ع عشاء
و قالتلك لو ما جيتي نزعل منك
ردينه: ماما الله ايربحك خلينا نمشو واللهي مضايقه و خاطري نطلع
رزان: اهاا يا ماما تعالاً أقل حاجه اتغيرو جو بدل هــ الكساد
رابحه: ما اتجي دوبي فاكه الرباط
رزان: ماما أنتِ من وفاة بابا معش طلعتي خلاص فكي الحزن
و اطلعي غيري جوك بلاش نكد
رابحه: باهي باهي انشالله خير
..........
مشى الوقت
تحديداً فــ العشيه الساعه 7 م
رزان كانت ادير في شعرها بــ الفير علي خشت ردينه
ردينه: زيزو شن رايك في شعري
رزان: اهاا حلو شن تبي تلبسي أنتِ
ردينه: عندي سروال ليكركحلي و ابلوزه بيضه و عليها
ورود صفر و خضر
رزان: اهاا تمام حلو
ردينه: رزان أنتِ شعرك ديماً يا كيرلي يا فلو غيري اشوية
رزان: شن اندير يعني هذا يالي يمشي مع شعري
ردينه: لا بــ العكس ديريه بــ المملس و يقعد كيف اخيوط الحرير
و ايجنن بكل والله
رزان: ازعما
ردينه: اهاا والله
رزان: باهي هيا تعالي دريه ليا
ردينه جت و اقعدت اديرلها في شعرها
ردينه: بعد خطرها امتى امتحاناتك
رزان: الأسبوع الجاي
ردينه: كيف معش مشيتي للجامعه
رزان: لالا أمس كنت فيها لكن خلاص توا معش نبي
نمشي لأن نبي نقرى و نبيل قالي هو يالي ح ايجيبلي المحاضرات للحوش
ردينه: اهاا تمام
و اقعداً البنات ايهدرزاً و رزان حكت لِــ ردينه علي أرياف وحبها
لِــ سفيان و قالتلها انها تبي تحكي لِــ سفيان و ردينه شجعتها وقالتلها
أن أرياف و سفيان ايخيلو علي بعضهم و أرياف احسن بــ مية
مره من خديجه لأنها فعلاً أرياف تستحق سفيان و خديجه ما تستحقه
بعد يالي صار كملت ردينه لِــ رزان شعرها و صبت بدلت دبشها
لبسة كانت لابسة فستان ليكرا لونه أسود و كان جاي ايجنن عليها
راسملها جسمها رسم و لبسة اكسوار فضي و دارت ازمالتو وردي
ع عموم كانت طالعه اتجنن
ردينه: ما تبيش اتحطي ميك آب
رزان: لالا شنو ميك آب عيب ما اتجيش
ردينه: رزان أنتِ عروس عيب العرب اول مره ايشوفوك
أقل شي حطي تانت
رزان: لالا مانبيش
ردينه: اوووووو عليك راس امسكر فيك
رابحه اتنادي: بنات خوكاً جا هيا
ردينه و رزان: هيا هي
ولبساً البنات عباياتهن و ويشحاتهن وطلعاً لقاً
أمهن و سفيان يرجو فيهن فــ السيارة ركبو
و عدو شور حوش أهل نبيل
.........
عند نبيل
لما روح من الجامعه رد للحوش تغدى و ركب رقد
نبيل كان راقد علي رنة فونه وعاته
نبيل ابــ صوت ناعس: ايوا أمي
مسعوده: ها وينك
نبيل: قاعد راقد
مسعوده: هيا نوض بدل علي ما جت مراتك بيش
اتخش انت وياها
نبيل: تي وين انخش انا وياها
مسعوده: عيت عمك ما شافوكم فــ الفرح مع بعضكم
و بعدين عيت جدك هذي اول مره ايشوفو رزان بعد الفرح
عيب عاد لازم اتخش انت وياها
نبيل: أمي خليها هي اتخش و بعدين انا تو انخش اوحدي
انسلم عليهم
مسعوده: لالا كلمه وحده تو بعد اتجي رزان اندزها لكِ
و سكرت عليه
نبيل: تؤ تؤ تؤ عليك سريب و رب الكعبه سريب
وصبى نبيل خش دوش و بدل ادبشه لبس سروال أسود
و سوريه سوده و مشط نبيل شعره و سقم لحيته و قعد ايبخ في
عطره علي دقت باب الشقه
نبيل: ايوا جاي منو
رزان: أنا
نبيل يحكي مع روحه: نبيل افطنلي الروحك و فكني من حركاتك
و امسك روحك خلاص ساد
رزان ردت دقت نبيل قدم و فتح الباب و خش
رزان خشت و سكرت الباب
رزان: توا جيت عمتي قالتلي ...
نبيل قاطعها: عارف هيا انزلي قدامي
رزان اسكتت و حست روحها اضايقت بكل
بعد أشوية نزلت هي و نبيل و قبل ما ايخشو جتهم مسعوده
مسعوده: هييييي وين خاشه بــ العبايه و الويشاح
رزان: باهي شن اندير يا عمتي
مسعوده: أسلحي هنا و خشي هك
رزان سلحت عبايتها و حولت ويشاحها وعطت نبيل ابــ ظهرها
و صبت ع المرايه اتسقم في شعرها
مسعوده: الله وحد علي أبنيتي الله وحد بدون نقطت ميكياج
و شكلها كيف الملائكه
رزان مبتسمه و اتسقم في شعرها
نبيل رفع عينه بشوية و بحت فيها و انصدم من جمالها
و جمال جسمها وكيف الفستان طالع عليها تحححححححفة
مسعوده: هيا امسك في يد مراتك
نبيل بحت في أمه نظرت فيش تحكي أنتِ
مسعوده: هيااااا امسك في رزان و خشو
و برمت مسعوده خشت وقالت أن نبيل و رزان اشوية
و ح ايخشو طبعاً احزرو من يالي كان علي نار من بعد
علم ان نبيل ازوج اهاا هي شيماء بنت عمه طبعاً بعد فرح
نبيل ابــ شهر جاهم العلم أن نبيل ازوج و شيماء اركبت فيها النار
طبعاً كانت امقعزه و تحرق في دمها و خاطرها اتشوف البنت
يالي خذت مِكانها لأن لولا جد نبيل راه مسعوده زوجة شيماء
لِــ نبيل شيماء كانت امقعمزه و أعيونها ع باب
نبيل كان ايبحت في رزان من تحت التحت و هي اتسقم
في شعرها و تبرم يمين يسار ع المرايه و اتشوف لي جسمها
نبيل: بالك خلاص
رزان مدت يدها و ابتسمت: هيا
نبيل غمض أعيونه: أستغفر الله
و قدم نبيل مسك يد رزان و فتحو الباب و خشو مع بعضهم
مسعوده بعد شافتهم اقعدت اتزغرت
مسعوده: لوووووووووووووووولي جو العرسان جو
نبيل و رزان: السلام عليكم
كلهم: و عليكم السلام
و اقعدو نبيل و رزان ايسلمو عليهم و هما ايباركولهم
شيماء اتشوف لِــ رزان و أعيونها اقريب يطلعو من مِكانهم
شيماء في بالها: ياربي هذي كيف لقاها بس مش حاطه نقطة
ميك آب لكن جميلةة آآآآآآآآه يا القهر
نبيل قعد ايسلم نين وصل عند شيماء و مد يده
شيماء بحتت في يده و ابتسمت و صبت اضبطاته
كلهم اقعدو في حالة صدمه
نبيل نزل يده و هو مصدوم
رزان كانت ورا نبيل و أعيونها مش امصدقات يالي
ايشوفاً فيه
نبيل رفع يده و بعد شيماء من عليه
شيماء مبتسمه: واللهي أنت أكثر واحد رآيفت عليه
كيف مافيش الحمدالله ع سلامه
نبيل: الحمدالله ع سلامه
شيماء قدمت علي رزان: أنتِ مرات الغالي
رزان ابــ رفعة حاجب: نعم
شيماء مدت يدها و سلمت علي رزان ابــ روس أصابعها
مسعوده فطنت للوضع جت تبي تنقذ الموقف
مسعوده: رزان تعالي قعمزي حبيبتي و أنت نبيل عدي سلم
علي أعيال عمك قاعدين مع عصام برا
نبيل برم وطلع برا و مسعوده خذت رزان و جابتها جنبها
قعد الكل ايهدرزو و شيماء اعيونها ما حولاً من علي رزان بكل
و كل مره تعزق في كلمه و رزان شكت أن في حاجه لكن كل ما تبي
تحكي عمتها تمسكها من يدها و رزان اتحشم و تسكت
عائشه: زيزو تعالي نبيك اشوية
رزان صبت و عائشه مسكت في يدها و خشت هي وياها للدار
رزان: كنك خوفتيني في حاجه
عائشه: زيزو سامحينا ع يالي دراته بنت عمي لكن هي
هكي اتحب تستفز الناس
رزان: اعويشه سألتك بالله كان في حاجه بينها وين نبيل
عائشه: و ربي لا ما كان في حاجه الحاجه الوحيده أن
ماما كانت تبيها لِــ نبيل لكن ما صار نصيب هذا حد الموضوع
رزان: أكيده
عائشه: اهاا واللهي ما نكذب عليك
رزان: باهي تمام
عائشه مسكت رزان من اخدودها
عائشه: نجك ليا مرات خويا السمحه
رزان اضحكت: هيا تعالي نطلعو
عائشه: هيا
وطلعاً البنات قعمزاً ايهدرزاً أشوية وبعدها
سالمه صبت: ردينه تعالي نمشو للمطبخ
ردينه: هيا هي
شيماء صبت: هيا حتى أنا تو نمشي امعاكاً
سالمه بحتت في شيماء
سالمه: تريحي حبيبتي كان نبو مساعده اهي مرات خيي قاعده
و بحتت في رزان
رزان ابتسمت: أكيده يا قلبي هيا تو انجي انساعدكاً
سالمه ردت بحتت في شيماء
سالمه: خلاص تريحي أنتِ
و عداً البنات شور المطبخ و امعاهن عائشه و شيماء
قعمزت وهي راقيلها من معاملة بنات عمها يالي تغيرت
من بعد جيت رزان
..........
عند البنات فــ المطبخ
سالمه: زيزو فوتيها هذي تستفز فيك عارفتها اكوييييس
رزان: لالا فيتتها
عائشه: حتى أنا قلتها الها قتلها فوتيها هذي هكي ديماً
و اقعداً البنات ايوتاً فــ الضيافه
.........
عند الشباب
كانو كلهم قاعدين و ايهدرزو مع بعضهم
ولد عم نبيل: شباب جعنا الزف مافيش اي حاجه سريعه
عصام: واللهي يا برو كيفنا كيفك قاعدين واجعه و ساكتين
نبيل: تي حمل أنت وياها نين ايجي جدك و عمامك
عصام صبى: أنا مش قادر انتحمل نمشي انشوفهم شن صار
ولد عم نبيل2: عاد أنت الا بطنك
عصام حط يده علي بطنه: أساساً محد ح ينفعني غيرها
الشباب اقعدو يضحكو
عصام ضحك و خش جوا شور الباب الخلفي للمطبخ
.........
عند البنات
رزان: هاتي انقدم امعاكاً
سالمه: لا واللهي اتريحي
ردينه: باهي هاتي أنا انقدم
عائشه: تو نطلع أنا و سالمه انقدمو
و أنتاً وتاً حاجات الرجاله
البنات: باهي تمام
و عداً سالمه و عائشه ايقدماً و رزان و ردينه
اقعداً ايوتاً في قهوة الرجاله
.......
عند عصام
وصل للمطبخ وخش
عصام خذى التفاحه و قعد ياكل
عصام: تي شن صار فــ الوكال نبو نسمسمو الزح
طبعاً عصام ما عرف البنات لأنهن كانن عطيات الباب
الخلفي ابــ ظهرهن
رزان و ردينه بعد سمعاً الصوت برماً مع بعضهن
عصام😳
ردينه و رزان😳

يتبع...
أودي الفرجاني##
بكره تطلع نتيجتي أدعولي انصفي موادي كلهن😭💙