الحلقه السابعه...(7)
الساعه 9 مساءاً
عند عيت نبيل
مسعوده: بنات حطيتاً العصير ع طاوله
سالمه: اهاا يا ماما كل شي واتي
مسعوده: و السلايط
عائشه: اووووف يا ماما قتلك كل حاجه حطينها
مسعوده: نبيل جا ولا مزال
عائشه: توا بابا حكى امعاه قاله جاي فــ طريق
مسعوده: باهي بخاً معطر
سالمه: باهي حاضر
.......
عند عيت رزان
طلعو من الحوش و شالو أرياف عند سندس
و عدو شور حوش أهل نبيل و بعد ساعةة تقريباً وصلو و نزلو
خليل: ايوا سالم
سالم: ايوا خليل وصلتو
خليل: اهاا وصلنا
سالم: هيا طالعلك
و سكر خليل و سالم طلعله و سلم عليهم و خششهم
جوا الصبايا استقبلهن مسعوده و بناتها أما سفيان
و خليل و مرعي خشو هما و سالم جوا المربوعه
لقو فتح الله مستقبلهم سلمو علي بعضهم و قعمزو ايهدرزو
.....
##عند_الصبايا##
مسعوده: شرفتونا و آنستونا
رابحه: سلمك ياربي
مسعوده: في حد فيكم ناقص صح
رابحه: اهاا عمتي كرعيها يوجعاً فيها فــ ما اقدرت اتجي
مسعوده: اهاا لاباس عليها
رابحه: الله لا ايوريك باس
مسعوده: أبنياتك هذين
رابحه: اهاا رزان و ريناد و ردينه و عندي الكبيرة
ريهام متزوجه
مسعوده: اهاا ماشالله ربي يحفظهن لكي عندك شباب
رابحه: اهاا عندي أدهم متزوج و سفيان مش متزوج
مسعوده: اهاا ماشالله أنا عندي عويشه و سالمه
و عندي نبيل و عصام لكن ما عندي حد متزوج
رابحه: ماشالله ربي يحفظكم انشالله و ايفرحك بيهم
مسعوده: أجمعين انشالله
.......
##فــ_المربوعه_عند_الرجاله##
كانواْ ايهدرزو علي خشت نبيل
نبيل: السلام عليكم
كلهم: وعليكم السلام
نبيل خش سلم عليهم وقعمز
سالم: هذا نبيل كبير اعيالي
خليل و مرعي: مرحبتين
فتح الله: مزال في الصغير عصام لكن مش قاعد
مرعي: و نحن عندنا أدهم حتى هو متزوج و هذا سفيان الصغير
فتح الله و سالم: ماشالله ربي يحفظهم لكي انشالله
طبعاً العيلتين انسجمو مع بعضهم و اقعدو و كأنهم يعرفو
بعضهم من أسنين
......
مسعوده: عن إذنكم أشوية
رابحه و البنات: لا عادي ولا ايهمك
و صبت مسعوده و بناتها خشاً للمطبخ واقعداً ايحطاً فــ العشاء
عائشه: ماما شفتيهن البنات كلهن ايهبلاً
مسعوده: اهاا ماشالله عليهن
سالمه: لكن أحلى وحده ردينه
مسعوده: بس ردينه أصغيره واجد علي خوك
عائشه: عادي يا ماما شن فيها
مسعوده: لالا وبعدين باتها مش ح يابى يعطي الصغيره قبل
الكبار يالي فوق منها
عائشه: معنها رزان
مسعوده: بس حتى ريناد سمحةة
عائشه: لا ريناد شكلها مرتبطه لأني شفتها كانت ع وتس و تحكي
مع حد و حتى رزان قالتلها هذا مؤيد قالتلها اهاا من الصبح يبيني
نفتح وتس هذا وين فتحت و حكيت امعاه
مسعوده: اهاا معناها رزان
سالمه: أنتاً خلاً نبيل ايشوف و هو ايقرر بين ردينه و رزان
مسعوده: هي هذ هيا شيلاً العشاء و حطنه ع سفره
و اقعداً البنات ايطلعاً فــ العشاء برا الجنان و اينضماً فيه ع طاوله
.......
سالم فونه رن بحت لقاها مسعوده
سالم: ايوا
مسعوده: هيا العشاء واتي تعالو
سالم: البنات لبسات مستور
مسعوده: اهاا ساترات ارواحهن
سالم: باهي هيا اشوية و نطلعو
و سكر سالم و قاللهم أن العشاء واتي و ان يطلعو
و صبو كلهم طلعو برا و قعمزو ع طاوله
سفيان: قصدي عندك عمل خاطي الكافي
نبيل: اهاا نشتغل أستاذ فــ الجامعه
سفيان: ماشالله ماشالله
نبيل: باهي أنت شن تشتغل
سفيان: أنا عندي محلات ملابس شباب في ##$%
نبيل: ماشالله باهي ما اتفكر تفتح قسم أطفال و نساء
سفيان: واللهي قاعد أنفكر لكن نبي حد ايشاركني
نبيل: ولا ايهمك كان تبي انخش امعاك شراكه عادي
سفيان: واللهي فكره معناها خليني ندرس الموضوع وبعدين انقولك
نبيل: خلاص نرجى مكالمتك
بعد أشوية طلعاً الصبايا و جاً شورهم و قعمزاً كلهن
سالم: مسعوده وين سالمه
مسعوده: اهي هي و رزان ايجيباً الطواسي و ايجاً
سالمه طلعت و حطت سفرة الطواسي ع سفره و قعمزة
و اقعدو ايعرفو فيهم علي بناتهم
طلعت رزان و حطت باقي الطواسي ع سفره بس ما لقت
مِكان فاضي إلا جنب نبيل يالي كان عاطيهم بــ ظهره
و ما أتشوف فيه اكويس
سالم: تعالي يا بنتي قعمزي هنا
خليل: هذي بنتي الكبيره بعد ريهام أسمها رزان
فتح الله: ما شالله ما شالله
رزان تحشمت و كرت الكرسي يالي جنب نبيل اللي كان
امطبس راسه و متحشم
قعمزة رزان و هي متحشمه بكل
و بدو ياكلو
نبيل جاته رساله
فتحها لقاها من أمه
أنت تقرأ
مغرورتي
Romanceرواية عاطفيه رومنسيه أتوريك أن مهما كانت الفروق بين شخصين في شخصياتهم فـ أن الحب قادر يجمعهم للكاتبةة: أودي الفرجاني##
