ရည်းစားဟောင်းက ငါ့ကိုမျက်စိကျနေပြန်ပြီ (ဘာသာပြန်)

85

ရန်ကျားလိက အသက် ခပ်ပြင်းပြင်း ရှူလိုက်ပြီး

"အမှန်အတိုင်း ပြောရရင် ငါသိပ်ပြီး မယုံရဲတော့ဘူး"

ငယ်စဥ်အခါက ဘွားဘွားသည် ရန်ကျားလိအား လယ်ကွင်းတစ်ခုသို့ ခေါ်သွားပေးခဲ့သည်။ ရလဒ်အနေနှင့် တွင်းမြောင်းထဲမှ မြွေသေတစ်ကောင်ကို တူးဖော်မိသွားသည်။

မြွေ၏ ပုံသဏ္ဍာန်ကို မျက်မြင်ကိုယ်တွေ့ မြင်လိုက်ရသောအခါ ရန်ကျားလိလေးသည် ထိတ်လန့်သွားသည်။ သူသည် ဝူးဝူးဝါးဝါးနှင့် ငိုကြွေးကာ ဘွားဘွားကို ဆွဲပြီး အိမ်သို့ ပြန်ခေါ်လာခဲ့သည်။ ပေါက်စီလုံးလေးနှင့်တူသော ဖောင်းဖောင်းမို့မို့ ချစ်စရာ မျက်နှာလေးတွင် မျက်ရည်နှင့် နှပ်ချေးတို့ ပြည့်လျှံနေတော့သည်။ ထိုအချိန်မှ စတင်ပြီး နောက်နှစ်ပေါင်း များစွာထိ အမြှောင်းပုံသဏ္ဍာန် တွားသွားနေသည့် အရာများအား မြင်တွေ့လျှင် သည်းမခံနိုင်ဘဲ ကြောက်ရွံ့လာသည်။ တက္ကသိုလ် စတုတ္ထနှစ်တုန်းက ယဲ့ထင်နှင့် ချစ်တင်းနှောခြင်း အမှုလက်စသတ်ချိန်တွင် သတိမထားမိဘဲ နံဘေးမှ အနက်ရောင် ခါးပတ်ကို တွေ့လိုက်ရသောအခါ သူသည် လန့်ဖျပ်သွားပြီး ယခုလေးတင် ပြီးမြောက်သွားသော ယဲ့ထင်အား ကုတင်ပေါ်မှ ကန်ချမိတော့ မလိုပင် ဖြစ်သွားသည်။

မြွေကြောင့် တစ်ကြိမ် ထိတ်လန့်သွားသည်နှင့် ကြိုးကို ဆယ်နှစ်တာမျှ ကြောက်ရွံ့သွားရ၏။

ယဲ့ထင်နံဘေးတွင် ရှိနေခဲ့စဥ်ကလည်း ဤကဲ့သို့ မှောင်မိုက်သော မှတ်ဥာဏ်များ ရှိခဲ့ဖူးပါသည်။ ရန်ကျားလိသည် နှလုံးသား၏ အတားအဆီးကို ဖယ်ချပစ်ဖို့ရန် အမှန်တကယ် မလွယ်ကူခဲ့ပေ။

ယဲ့ထင်သည် မကူကယ်လိုက်နိုင်ဘဲ တိတ်ဆိတ်သွားတော့သည်။ အတန်ကြာမှ

"....ပေါင်ပေါင်း၊ မင်းယုံကြည်လာမယ့် တစ်နေတော့ ရှိလာမှာပါ"

အချိန်အတော် ကြာသည်အထိ ဖုန်းလိုင်းတစ်ဖက်မှ ပြန်ဖြေသံကို မကြားရပေ။

ယဲ့ထင်သည် ဖုန်းကို ပြန်ကြည့်မိသော အခါမှ ဘယ်စဥ်ကတည်းက ပြတ်တောက်သွားခဲ့မှန်း မသိသော ဖုန်းကောလ်ကိုသာ မြင်လိုက်ရသည်။