غرباء في بيت اهلي

الحلقة -22-

قصة "غرباء في بيت اهلي "

الحلقة -22-

أساور حسين 🫀🤎

لاتنسون التصويت تعليقاتكم الحلوة ❤️
----------------
كتلك عيونك ضحكتي
ودنيتي ،وخلخال كلبي
وكتلك بكلبك محطاتي
والك ينكاد حزني
ورسمتلك دربي سچه
وتيـهـتـنـي ...!!!!!!

لواء:-تردين الطلاك وتتلفظين بيها ام شهد ..

غرور :-مادام العشرة هانت عليك ومااكضيت ضهري بيوم شدتي شلي بيك
بعد ،الما وكفلي بضيج امس لا يوكف على جنازتي .

دار على عمي وهو يأشر علية :-بت اخووك حجيها نتر ماكو تفاهم كلة معلك،هاي كدامكم انه طلاك مااطلك اكعد انت عمها وياها وحاجيها وفهمها
احنة ماانلعب .

ثائر:- ماتلعبون من شمرتها ومااخذت حكها مااكلت احنة ما نلعب .

لواء:-اليسمعك يكول انه شمرتها ورحت اتونس ،خلي يكون بعلمك
احنه هم نفضنه كوامة واخذت حكي منه ومن شيب الخلفة ..

ثائر:-چاا هو صاحبك وطعن بعرضك شغلة منتهين منها تاخذ حكك
اذا اضل ساكت هم تنحسب على زلم ..

لواء:-ابو جواد خووية اااحترررم وانت تحجي ويااي انه لواء الـ زلمة وغصب عن اليرضة والماايرضة ..

ثائر:-وانه مااكلت انت مو زلمة كتلك هو صاحبك طعن بيك لازم تاخذ حكك

ابو محمد:-خوية ثائر چاا احنه اياد حتى من بيته طلعنا شردنا من الناصرية كلها واليومك هذا بعد ما فاتها واذا يدخل انكصص رجله .

ثائر:-مايهمني شسويتو موقف اخوك ضعيف يمي وعند مرتة
شكو بيها لو مخابرني عمي ابو جواد تره بتكم عرضي جابو اسمها بالسوك وهيه بيتها معززه مكرمه واريد اجي اخذك نطلعلها حك هذاا المفروض چان لازم يصير وينحجي وهيج تصرف اخاف ماتعرف بالاصول ..

احتراما العمي نزل راسه وضل يفرك بيدي
وبعد مده من الصمت جر حسرة وهمس:-ساعة عصبية وما جنت اعرف
شسوي كلامهم حرك كلبي .

غرور :-يحرك كلبك هاي من اني ضميتها عليك ،بس انت عندك علم بالسالفة كلهاا وصدك وداعت جهالي وداعت حسن انه سالفة اياد العار مااقاهرتني وحاركتني حرك بكثر ماسالفتك ادك بكلبي دك وانت تعرف وهاي كدام الكل انه اعترف انه من النوع انانية واحقد ماانسى بسررعة
وسالفتك لو تبقى دهر ماانساهاا .

لواء:-غرور انتي عاقلة واعية لاتهجمين بيتج واسمعي كلامي
رجعي البيتج والتريدي يصير انه بالخدمة .

غرور :-اخدم روحك انت بمكانك وانه بمكاني وكلمن يشوف حياتة
واتمنى من الحاضرين هم احجو ويا وتفهمو انه مصممه على طلاك وغير هل كلام مااعنددي ..

استأذنت منهم ورجعت دخلت ..
رفعت راسها امي رحت يمها افرك بأصابع ايدي
وره مده طلعو وهم يوصون بعمي ‏يقنعني او يتفاهم وياي حتى ما استعجل بـ قراري وصلهم عمي للباب ورجع دخل كعد يمي