HE=MY FIRST LOVE [ကိုယ့်အချစ်ဦး ](Completed)

အချပ်ပို (၂) - အနမ်းမိုးတို့အလွန်

ထိုမျှတင်မဟုတ် သူ၏အဖြူရောင်တီရှပ်ပါးအောက်သို့အသိမပေးဘဲလျှိုဝင်လာပါသော ညှို့ငင်ပွတ်သပ်နေရှာသည့်လက်တစ်စုံ၏ အထိအတွေ့ကိုပါခံစားလာရတဲ့အခါ ရှိုင်းဆက်ယံမှာတစ်ကိုယ်လုံးကြက်သီးထလာရပြီး ခန္ဓာကိုယ်လေးကသိမ့်ခနဲတုန်ယင်သွားရကာဒီခုတင်ပေါ်ကနေထထွက်ပြေးချင်စိတ်ပေါက်သွားရလေသည်။

"ဘာလဲ ကြောက်နေတာလား ? "

စိုင်းသီဟကသူသုံးဆောင်ချင်နေပါသည့်လူသားကလေး၏လည်တိုင်တစ်ဝိုက်တွင်နစ်မြုပ်နေရာမှပြန်ထလိုက်ပြီး ရှိုင်းဆက်ယံ၏မေးဖျားကလေးကိုသူ၏လက်ညှိုးလေးနှင့်ပင့်တင်လိုက်ရင်း ညစ်ကျယ်ကျယ်အပြုံးတို့နှင့်မေးလာခဲ့သည်။

အစကထွက်ပြေးချင်နေရှာသည့်ရှိုင်းဆက်ယံမှာ သူ့အားအုပ်မိုးထားသောလူဆီကနေထိုသို့အမေးခံလိုက်ရသည့်အခါပိုလို့တောင်တစ်ကိုယ်လုံးပူထူလာရကာ အငွေ့ပျံသွားချင်နေလေပြီ။သို့ပေမယ့်သူ၏နီထွေးထွေးမျက်နှာကလေး၏တည်တင်းမှုကိုသနားချင့်စဖွယ်ကောင်းစွာခဝါချခြင်းမရှိ မာန်တင်းတင်းနှင့်သာ ထိုလူသား၏မျက်ဝန်းတွေထဲသို့ကြောက်လန့်မှုမရှိစွာဖြင့်ကျူးကျော်စိုက်ကြည့်ရင်းပြန်ဖြေလိုက်သည်။

"ငါကဘာကိစ္စကြောက်ရမှာလဲ ? "

မေးဖျားကလေးကိုဆွဲကိုင်ထားသည့်လူကသူ၏ထိုစကားကိုကြားတော့ အသံကျယ်ကြီးနှင့်ရယ်ချလာကာ ဆာလောင်မွတ်သိပ်မှုတို့လောင်မြိုက်နေရှာသောမျက်ဝန်းများနှင့်ရှုကြည့်လာပြီးနောက် သူ၏နှုတ်ခမ်းသားတို့ဆီအဆက်မပြတ်နမ်းရှိုက်လာလေတော့သည်။

ထိုအနမ်းကခုနကအနမ်းထက် ပြင်းထန်တောက်လောင်နေကာ သူတို့နှစ်ဦး၏လျှာဖျားနှစ်သွယ်နှင့်သွားကလေးများပင်လျှင် အချင်းချင်းမရပ်မနားပွတ်တိုက်သွားကြတာကြောင့် ရှိုင်းဆက်ယံ၏နှုတ်ခမ်းအိအိကလေးမှာသွေးစကလေးပင်စွန်းထင်းသွားခဲ့ရသည်။

ခံတွင်းနယ်ပယ်ထဲသို့စိမ့်ဝင်လာပါသည့်ငန်ကျိကျိအရသာကြောင့် ရှိုင်းဆက်ယံ၏မျက်နှာကလေးအားမလွှတ်စတမ်းဆွဲယူနမ်းရှိုက်နေသောစိုင်းသီဟ၏လက်နှစ်ဖက်တို့မှာတဖြည်းဖြည်းလျော့ကျသွားပြီးနောက် ငုံထွေးထားပါသောချယ်ရီဖူးနှုတ်ခမ်းကလေးကိုလွှတ်ပေးလိုက်ရှာသည်။