လူသားသစ္စာ [901 - 1100]

အခန်း (1061)

တစ်ယောက်ယောက်က အစပြုလိုက်သည့်အလား အားလုံးက အသေးစား ဖြတ်တောက်ရေး ပညာရပ်ကို အလုအယက် ဖြစ်နေကြစဉ် အက်ကြောင်းမှ နောက်ထပ် အလင်းများစွာ ထွက်ပေါ်လာသည်။

“ ရေခဲ တိုက်ကွက် ”
“ ဦးဆုံး ဓားသွားတာအို ”
“ နဝမမြောက် လွတ်မြောက်ရေး ”

“ အာ ငါ ဘာတွေ လိုက်ကြည့်နေတာလဲ … အဲဒါက ဖျက်စီးရေး ပညာရပ်တွေလေ ”

နေမင်းလောက် တောက်ပသည့် ရွှေရောင်အလင်းတန်းက အားလုံး၏ အာရုံစိုက်မှုကို ရရှိသွားသည်။ စကားတချို့ ပြောလိုက်ပြီးနောက် အားလုံးနီးပါးက ထိုရွှေရောင်အလင်းတန်းဆီ ပြေးသွားကြသည်။

“တာ့ရှီရှုန်း  … အဲဒီလူတွေက ရူးနေပြီ …” ဝေရုနှင့် မိုဝူကျိတို့က နတ်ဘုရားသိုက်မြုံသို့ ရောက်လာခါစ ဖြစ်ကာ ရူးသွပ်နေသော လူအုပ်ကြီးကို ကြောင်အမ်းအမ်း ကြည့်နေမိကြသည်။ ထိုစည် ကျင့်ကြံသူများက နေရာအနှံ့ ရှိနေကြပြီး သွေးများကလည်း နေရာအနှံ့ ပေစွန်းနေသည်။ အားလုံးက ထိုပညာရပ်များ ရရှိဖို့ရာအတွက် တစ်ဦးနှင့် တစ်ဦး တိုက်ခိုက်နေကြသည်။

မိုဝူကျိက အသက်ပြင်းပြင်းရှုကာ  “ သူတို့က ရူးနေတာ မဟုတ်ဘူး။ စည်းမျည်းအက်ကြောင်းက လျို့ဝှက်ပညာရပ်တွေ ထွက်ပေါ်လာတာလေ။ အဲဒါတွေအားလုံးက မိုးမြေကနေ ဖြစ်တည်လာတဲ့ ရှေးဟောင်းပညာရပ်တွေချည်းပဲ …  ပညာရပ်တစ်ခုချင်းစီက အတော်လေး အားကောင်းတယ်။ ခွန်းယွင် …  အဲဒီလူအိုကြီးက ငါ့ကို ဒီအကြောင်း ပြောမသွားဘူး ”

ဝေရု၏ မျက်ဝန်းက ချက်ချင်း နီရဲလာကာ  “ တာ့ရှီရှုန်း …. ကျွန်တော်တို့လည်း ဝင်ပါရအောင်။ တကယ်လို့ ကျွန်တော်တို့ နောက်ကျသွားရင် ဘာမှမရဘဲ နေလိမ့်မယ် ”

မိုဝူကျိက ခေါင်းခါကာ  “ ဝေရု အခုတော့ မင်း နောက်ဆုတ်သင့်တယ်။ ဒါက မင်း ဝင်ပါလို့ ရမဲ့ နေရာ မဟုတ်သေးဘူး။ မင်း လျို့ဝှက်ပညာရပ် ရတာနဲ့ နောက်အခိုက်အတန့်လေးမှာ သေသွားနိုင်တယ်။ ပြီးတော့မှ ငါ ဝင်ပါလိုက်မယ်။ သူတို့က ငါတို့ လူသားဂိုဏ်းအပိုင် ဖြစ်လာလိမ့်မယ် ”

မိုဝူကျိက လျှောက်ပြောနေခြင်း မဟုတ်ပေ။ ဤသို့ တိုက်ပွဲမျိုး ဝင်ပါခြင်းက ဝေရု၏ ရုပ်ခန္ဓာနှင့် ကောင်းကင်နတ်ဘုရားအဆင့် ၅ အင်အားဖြင့် ကိုယ့်သေတွင်းကို တူးသလို ဖြစ်နေလိမ့်မည်။