(سَمر حُبك)
سيف : هوَ يعرف شمسوي
سحبته للسيارة وخليته بصفي وصعدت وقفلت البيبان
سيف : تنهزم وياك موو دنتضر كتلك اول شي كليتك بعد متوصلهة وابوك اخلي يطردك من البيت
خابرت على عمي ابوه
عم سيف : ابني دحجي شبيه حيدر
سيف : عمي من جنتو موجودين ............ وحجيتله السالفة
عم سيف : بوية انه اعتذر معرفت اربي ابني بعد ما اله محل ببيتي
نهيت الاتصال وكتله
سيف : ثاني شي خلص بيتنا اذا توصله تنكسر رجلك والشي الثالث خلينا نروح لمكان شغلك الجديد
حيدر : سيف اعتذر ولله ما عندي مكان اروحله فدوة اروحلك سامحني
سيف : ما عندك مكان وتريد تنهزم ابن ال....
حيدر : وا
قاطعه سيف
سيف : ولا كلمههه
سقت بسرعة لمزرعة عمي لان عنده حيوانات بيهة وصلنا وكتله يلاا انزلل نزل بتردد وسحبته للمكان اليبيه الاحصنة
سيف : الله يساعدكم
العمال : ويساعدك
سيف : اليوم جبت عامل جديد يشتغل وياكم
العامل : شنو وضيفته
سيف : يلم وصخ الحيوانات ويغسل الاحصنة
حيدر : للاااااااااا ما اريدد !!
سيف : انجبب غصبا عنك تشتغل
سيف،، خليته يلم وصخ الحيوانات غصب عنه وهوَ منقرف وانه واكف اباوع عليه رجعت للسيارة كعدت واراقبه لحد ممر ساعة ونص هيج سقت السيارة وعفته هوَ يدبر روحه ويرجع خابرت حمزة وسجاد حتى نجتمع ب كوفي اجتمعنا وسولفنا وجبنا طاري خطوبة حمزة ويقين
حمزة : قنعتهة انشالله بالايام الجاية نروح نخطبهة
سيف : وانتَ سجاد حتعنس سجودة العانسة
سجاد : ببالي وحدة بس بعدهة صغيرة
سيف : لك ها طلعت تحبب واحنا مندري
سجاد : لعد وحد عنكم
سيف : وشكد عمرهة
سجاد : راح تصير 17
سيف : هيَ صغيرة ومو صغيرة بس اذا تحبهة صدك بس اعقد عليهة وانتضرهة تكبر وتزوجون
سجاد : انشاء الله
سيف : منو بلا تعيسة الحظ
سجاد : هسة كول يا الله انشالله قريباً تعرفون كلكم
سيف : بيها الخير
هم حجينا وكال سجاد
سجاد : بعد شي اسبوع عيد ميلاد همسة
سيف : لا بربكك
سجاد : والله
سيف : عندي مفاجأة الهة
سجاد : وهيَ ؟
سيف : ............
سجاد : حلوو
ترخصت منهم وكمت رجعت للبيت وكمل اليوم عادي والي وراه هم بس اليوم راح نروح للنجف حتى همسة تشوف اهلهة وسجاد هم ويانه
همسة : اليوم رحنا للنجف من الطريق اخذنا مي ورد وبخور هاي ثاني مرة اروحلهم وكف السيارة بشارع ونزلنا ندور على القبور منضرهم يخوف لان اكو بيهن مفطرات وصلنا لقبور اهلي ورشينالهن مي كل مرة اكبر سنة يم اهلي هل مرة مموجودين
همسة : بابا امير كومو شوفو همسة صارت متزوجة وتحب هدى كومي شوفي اختج اجاهة فارس احلامهة ماما شوفي بنتج كبرت وصارت مرة علكتلهم بخور وقريتلهم قرأن حسيت بطمأنية خلتني ابجي شعور غريب ضلينا شوية احجي وية اهلي واقرالهم قرأن
سيف : همسة بس اروح ازور كرايبي واقرالهم الفاتحة ابقي يم سجاد
همسة : ماشي
انتضرنا سيف يرجع حتى نروح نزور امير المؤمنين عليه السلام من اجة ودعت اهلي ورحنا زرنا ودعيت الله يحفضلي سيف وسجاد ودعيت لابو وام سيف ولبنين ولكل شخص تذكرته ورا مزرنا رحنا لمطعم اكلنا واشترينا كم شغلة
سيف : منكدر نبات باجر دوامي بالمركز حتى لو نرجع متأخر
رجعنا بنفس اليوم للبيت تأخرنا بالطريق هوايي ورجعنا بوكت متأخر ...
بعد اسبوع،،
سيف : بهل اسبوع جنت احضر المفاجأة لهمسة وخليت حمزة يشوف شغله وية حيدر بس بعد 3 ايام عفته ردت بس اسويله كرصة اذن المهم اليوم هوَ عيد ميلاد همسة رحت لغرفتهة وكلتلهة
سيف ببرود : سجاد عازمنة بالمطعم على العشة
همسة : ماشي عمري بس بيك شي
سيف : وشبيه مثلاا
همسة : لا ماكو شي
عفتهة وطلعت وخليت سجاد يخابرهة
سجاد : هموسةة لبسي اليوم احمرر
همسة : سجاد حبيبي اني من نزعت الاسود لحد هسة البس الوان غامقة ما البس الوان طوخ
سجاد : اللون شدخله اريد اصور وياججج
همسة : مثل مكلت اللون شدخله بالصور هم
سجاد : اذا متلبسين على العشة احمر ازعل عليج
ونهى الاتصال
همسة دزيتله رسايل ميرد سلمت نفسي للامر الواقع وكلت البس احمر بس اليوم مادري شبيه سيف ضايج وسجاد زعل
المهم بقيت العصر يم عمتي وبنين لحد المغرب كمت صليت ولبست ثوب احمر بس مو طوخ جاي على خمري وطويل وحذاء اسود ومكياج خفيف وخابرت سيف حتى يجي عليه اجة لابس قميص ابيض وبنطرون اسود طالع حلو
سيف بنرفزة : شعندج رايحة لعرس هوَ مطعم
همسة : سجاد كال يريد يصور ولح عليه شنو محلو اغيره
سيف : دمشيي عاد أخرتينا
همسة : اليوم سيف طاكات عنده على اقل شي يصيح صعدت للسيارة وساق بسرعة ومحجة شي وصلنا للمطعم ونزلت وشفتتت
يتبعع......
#الكاتبة_اية
بنات اسفة حيل على التقصير بس ولله مريضة دعواتكم الي❤️
