(سَمر حُبك)
دخلوني للبيت كلش كبير طبعا لان بيت الشيخ
اخذتني البنية لغرفة
بنين : عمري هاي غرفتي ارتاحي بيهة بين ما انضفلج غرفة الضيوف
همسة : شكرا حبي
بنين : تدللين ... انه اسمي بنين بنته للشيخ وعمري 16 وانتي
همسة : اني اسمي همسة عمري 18 من بغداد
بنين : تشرفنا حبي اروح اجيبلج شي تاكليه
راحت جابتلي صينية بيها اكل
بنين : ماما تكول خل تاكلهة كلهة حتى متدوخ
همسة : تسلمين عمري وتشكريلي من امج هواي
اكلت هواي جوعانة صارلي تقريباً 10 ساعات بس ماكله تفاحة شلت الصينية كلت انزلهة جوة عيب اخليهم همَ يجون يشيلوهة رحت دا انزل ضليت واكفة بالدرج ما اعرف احد واصلا ما اعرف وين المطبخ
دخل سيف للبيت وشافني واكفة
سيف : همسة شمالج واكفة هنا
همسة : ما اندل المطبخ
صاح على بنين اجت
سيف : بنين همسة متندل المطبخ دليهة وهمسة حضري نفسج حتى نروح للمستشفى
همسة : تمام
راح سيف واخذتني بنين للمطبخ سلمت على ام سيف ووياهة مرة كالت بنين هاي خالتي هم سلمت عليهة وردت اغسل المواعين اجت بنين
بنين : عوفيهن حبي انه اغسلهن انتي روحي بدلي غسلي حتى تروحين وية سيف
اصرت انو تغسلهن رجعت لغرفتهة طلعتلي ملابس لان ملابسي ثخينة وهسة دنيا ظهر لبست ثوب اسود حتى المحجبات يلبسوه لان ساتر ونزلت الردان مالته ولبست حذاء رياضي وشلت شعري واخذت الشماغ وياي كلت البسه من اطلع مستحيل اطلع هيج لان انهزمت وهسة ديدورون عليه ومنا وجهي مشخط
اجت بنين
بنين : سيف يكول اذا كملتي تعالي للسيارة
همسة : اي كملت اخذيني للسيارة ما اندل
وصلتني وصعدت بالسيارة سلمت عليه وكعدت
سيف : اكلتي زين
همسة : اي اكلت
سيف : ماشي هسة راح نروح للمستشفى يسوولج فحص ويكتبون تقرير طبي وارفع قضية على عمامج مال عنف قابلة على الاسوي لو لا
همسة : اي قابلة براحتك
سيف : خوش لعد هسة نروح للمستشفى بس بعيدة هيَ شوية حنطول بالطريق
ضل يمشي ومحجينا شي اني متكسرة من طريق بغداد للبصرة صح ضليت نايمة بس الكعدة تكسر هسة اريد بس انام
