Cāi Cāi || ချိုက်ချိုက် || [ မြန်မာဘာသာပြန်] (Completed)

Chapter (42)

အထက်လူကြီးက သိပ်သဘောမတူချင်ပေ။

" အားလပ်ရက်ပေးဖို့က ဖြစ်နိုင်ပါ့မလား??" ထိုကြီးကြပ်ရေးမှူးအမျိုးသမီးက သူမ၏အရွက်သုပ်ကို မကျေမနပ်ဖြင့်ထိုးဆွနေရင်း ဆက်ပြောလာသည်။ " ထန်. . . စနေ၊ တနင်္ဂနွေနေ့တွေမှာ ကုမ္ပဏီကိုမလာဘဲ အိမ်ကနေအလုပ်လုပ်နိုင်တဲ့အထိ ငါမင်းကိုခွင့်ပြုပေးခဲ့ပြီးပြီ. . . ဒီလို အထူးအခွင့်အရေးရထားတဲ့ ဒုတိယမြောက်လူများ ရှိဦးမယ်လို့ မင်းထင်လား?? "

"အဲ့ဒီ့အတွက်လည်း ကျေးဇူးတင်ပါတယ်" ထန်ယီမင် တောင်းပန်လိုက်၏။ သူသည် အလုပ်စဝင်သည့်နေ့ကတည်းက သူမအတွက်အလုပ်လုပ်ပေးခဲ့ခြင်းဖြစ်ကာ သူမသည် ကိုယ်ကျိုးမဖက်သော ခေါင်းဆောင်တစ်ဦးဖြစ်ပြီး ဒေါ်လာသန်းပေါင်းများစွာတန်သည့် ပရောဂျက်များကိုတောင် ထန်ယီမင်အား ကိုင်တွယ်လုပ်ကိုင်ခွင့်ပေးရန် ဆန္ဒရှိခဲ့သည်။ ဒါတွေကိုတွေးကြည့်ရင်း ထန်ယီမင်၏အပြစ်ရှိစိတ်က ပိုပိုပြီးနက်ရှိုင်းလာတော့သည်။ "ဒါပေမယ့် ကျွန်တော့်မှာ ခွင့်ယူဖို့အကြောင်းပြချက်ရှိပါတယ်.."

"ဘာလဲ?? Silicon Valley ကို ခရီးထွက်ရမှာမို့လို့လား??" ကြီးကြပ်ရေးမှုးအထက်လူကြီးက အော်ဟစ်လာပြီး သူ့စကားကိုဖြတ်ပြောခဲ့၏။ " ခွင့်ရက်ယူတာလား?? ...အင်တာဗျူးသွားဖြေတာလား??"

ထန်ယီမင် သက်ပြင်းတစ်ချက်ချရင်း : "..."

ကြီးကြပ်ရေးမှူး : "အံ့ဩနေသေးတာလား?? ထန်. . . ငါမင်းကို အကြံဉာဏ်တစ်ခုပေးလိုက်မယ်၊ ကုမ္ပဏီမှာ ဘယ်တော့မှ ကိုယ်ပိုင်အီးမေးလ်တွေကို မစစ်ဆေးနဲ့။ မင်းရဲ့လုပ်ဖော်ကိုင်ဖက်ဘယ်နှစ်ယောက်လောက်ကများ မင်းရဲ့ဟာကွက်ကိုရှာနေပြီး မင်းကိုတက်နင်းသွားချင်နေလဲဆိုတာ မင်းခုထိမသိသေးဘူးလား??"

ထန်ယီမင် သဘောပေါက်လေသည်။

ဤသတင်းကိုပေးလိုက်သူမှာ သူနှင့်ယှဉ်ပြိုင်နေသည့် အလုပ်သင်မိန်းကလေးသာဖြစ်သည်။

ကြီးကြပ်ရေးမှူးက "မင်းက အခု အလုပ်သင်တစ်ယောက်ပဲ. . . ငါကလည်း အရမ်းကိုအကောင်းမြင်တတ်ပါတယ်၊ ဒီတော့ အနာဂတ်မှာ မင်းနဲ့တရားဝင်လုပ်ဖော်ကိုင်ဖက်တွေဖြစ်လာဖို့ ငါအမြဲမျှော်လင့်နေခဲ့တယ်။ မင်းကို အင်တာဗျူးလာဖို့ခေါ်တဲ့ကုမ္ပဏီက ဘယ်လိုရာထူးမျိုးပေးနိုင်မလဲဆိုတာတော့ ငါမသိဘူး။ ဒါပေမယ့် ငါတို့နဲ့အတူ ဒီလုပ်ငန်းကိုပဲ ဆက်လုပ်မယ်ဆိုရင်တော့ ငါတို့ Wall Street က မင်းကိုဒီထက်ပိုပေးနိုင်ပါတယ်"