Cāi Cāi || ချိုက်ချိုက် || [ မြန်မာဘာသာပြန်] (Completed)

Chapter (42)

ထန်ယီမင် စနေ၊ တနင်္ဂနွေနေ့များ၌ အသံသွင်းစတူဒီယိုသို့သွားသည့်အခါတိုင်း သူ့ကွန်ပျူတာကိုယူသွားရကာ ခဏအနားယူသည့်အချိန်လေးတွင် အလုပ်များကိုအစီရင်ခံရန် သို့မဟုတ် ဒစ်ဂျစ်တယ်အစီအရင်များပြုလုပ်နေရလေ့ရှိ၏။

ဂျော့ခ်ျကတော့ သူ့အား Iron Man ဟု သံသယရှိနေပြီး ထိုအလုပ်နှစ်ခုစလုံးလုပ်နိုင်ရန် မည်ကဲ့သို့သော ခွန်အားမျိုးရှိနေသည်ကို အံ့သြနေခဲ့သည်။

သို့သော် ထန်ယီမင်ကတော့ လုံးဝဇွဲမလျှော့ဘဲ အလုပ်နှစ်ခုစလုံးကို ကောင်းစွာလုပ်ဆောင်နိုင်ခဲ့သည်။

အလုပ်သင်များအတွက် ရင်းနှီးမြှုပ်နှံမှုဘဏ်၏ အကဲဖြတ်မှုညွှန်းကိန်းများမှာ အလွန်တင်းကျပ်ပြီး အလုပ်မှဖယ်ရှားမှုနှုန်းမှာလည်း အံ့ဩစရာပင်။ အလုပ်သင်ကာလပြီးသည့်နောက်တွင် ကုမ္ပဏီ၌ အမှန်တကယ်ကျန်ရစ်နေနိုင်သည့် လူသစ်အရေအတွက်မှာ မရှိသလောက်နည်းပါး၏။ လူတိုင်းကတော့ ဦးနှောက်ကိုအသားကုန်သုံးကာ အဆင့်မြင့်ကုန်သွယ်သူတစ်ယောက်ဖြစ်လာပြီး လက်ညှိုးညွှန်ရာရေဖြစ်ရန်ဆန္ဒဖြင့် ရင်းနှီးမြှုပ်နှံမှုဘဏ်၏ ဌာနရှေ့စားပွဲသို့ဝင်ထိုင်နိုင်ရန် ကြိုးစားအားထုတ်ကြသည်။

ယခု ထန်ယီမင်ဘွဲ့ရတော့မည့်အချိန်၌ သူတို့၏ကနဦးအဖွဲ့တွင် သူနှင့်တစ်ခြားမိန်းကလေးတစ်ယောက်သာကျန်တော့ပြီး နောက်ဆုံးနေရာအတွက် ယှဉ်ပြိုင်နေရခြင်းဖြစ်သည်။

သူကဲ့သို့ပင် ထိုမိန်းကလေးသည်လည်း ဂုဏ်သိက္ခာကြီးသောကျောင်း၌ တက်ရောက်ခဲ့ပြီး ဘွဲ့ရပြီးသားဖြစ်ကာ ဘဏ္ဍာရေးဆိုင်ရာ အဓိကယူထားသည့် နိုင်ငံခြားသားတစ်ဦးဖြစ်သည်။ သူတို့နှစ်ဦးစလုံးသည် ချမ်းသာကြွယ်ဝလွန်းသည့် ဤ Wall Street** ရှိ နေရာတစ်နေရာတွင် ခြေကုပ်ယူနိုင်ရန် အလုပ်ပါမစ်တစ်ခုလောက် အသည်းအသန်လိုချင်နေကြခြင်းဖြစ်သည်။
[Wall Street = T/N]

ယခုတွင်မူ ... ဤသို့ အရေးကြီးလွန်းသောနေရာရောက်ကာမှ တစ်ပတ်လုံးခွင့်ယူရန် တောင်းဆိုရမည်ဆိုပါက...

နောက်တစ်နေ့သည် အလုပ်နားရက်ဖြစ်သဖြင့် နေ့လည်စာစားချိန်၌ ထန်ယီမင်သည် သူ့အထက်လူကြီးနှင့်အတူ နေ့လည်စာစားရင်း အခွင့်အရေးကိုဆုပ်ကိုင်ကာ ခရီးထွက်ရန် ခွင့်တောင်းလိုက်၏။