My Ugly Omega Mate (Completed)

19

"ဘာ ...ဘာဖြစ်လို့လဲ "

သူ့လက်တွေက တံခါးကိုတွန်းလိုက်တော့အသာအယာပဲ ပွင့်သွားတယ်။ အထဲမှာ ပိန်သေးသေးကိုယ်ဝန်ဆောင် အိုမီဂါကောင်လေးတစ်ယောက် သူ့ဗိုက်လေးကိုဖိ့လို့ ရှုံ့မဲ့အော်ဟစ်နေတယ်။

"ကယ်ပါ ~~~ "

"ခဏလေးနော် ကျွန်တော်ဆေးရုံပို့ပေးမယ်
လာ ...ကျွန်တော့်ပုခုံးကိုတွဲ .."

ရှောင်းကျန့်က ကောင်လေးကို တွဲပေးဖို့အနားကပ်လိုက်တယ်။ ဒါပေမဲ့ ...လည်ပင်းထက် စူးအောင့်သွားတဲ့ ခံစားချက်နဲ့အတူ အမှောင်ထုထဲကျရောက်သွား
တော့တယ်။ ပျော့ခွေကျသွားတဲ့ ရှောင်းကျန့်ကို ကြည့်ရင်း ကောင်လေးက မျက်စိမျက်နှာပျက်စွာပြောတယ်။

"တောင်းပန်ပါတယ်။ တောင်းပန်ပါတယ်ခဗျာ ၊ ကျွန်တော်လဲ မလွဲသာလို့ပါ "

သိပ်မကြာခင်မှာပဲ Design Department ရဲ့ သန့်စင်ခန်းထဲကနေ ‌အဒေါ်ကြီးတယောက် တွန်းလှည်းလေးနဲ့ထွက်လာတယ်။တွန်းလှည်းပေါ်မှာ အနက်ရောင်အမှိုက်ပုံးကြီးတစ်ပုံးနဲ့သန့်ရှင်းရေးပစ္စည်းတွေပါတယ်။ အားလုံးက ကိုယ့်အလုပ်နဲ့ကိုယ်မို့ သူ့ကိုသတိတောင်မထားမိကြဘူး။

"ရှောင်းကျန့်ရော "

"Design ခန်းကို ခဏဆင်းသွားတယ် "

"ကြာနေပြီ "

"အော် သူက ကလေးမှ့မဟုတ်တာပဲ။ အဲ့ဒီက အစ်မကြီးတွေနဲ့ခင်နေတာကို။ စကားစမြည်ပြောနေကြလို့ကြာနေတာနေမှာပေါ့ "

ဝမ်ရိပေါ်က ကျန်းချန်စကားကို လက်ခံလိုက်တယ်။ ရှောင်းကျန့်ရဲ့ ဖုန်းအနီလေးက စားပွဲပေါ်တင်ထားတာတွေ့တယ်။ ရှောင်းကျန့်ကို သူဘယ်လိုပြန်ချော့ရမလဲ တကယ်မသိတော့ဘူး။ နည်းမျိုးစုံလဲသုံးပြီးပြီ။ စိတ်ဆိုးနေတာလားမေးတော့လဲ မဟုတ်ဘူးတဲ့။ ဒီအတိုင်း ရှက်လို့တဲ့။ ဘာကိုရှက်တာလဲ။ ဘယ်တစ်ခုကိုရှက်တာလဲ။ အဖြစ်အပျက်တွေကို ပြန်တွေးမိတော့ ပြုံးမိသွားတယ်။ နှစ်ယောက်ပဲသိတဲ့ နှစ်ကိုယ်ရည်ကိစ္စဆိုတော့ စိတ်ထဲပဲတွေးပြီး ကြည်နူးနေမိတော့တယ်။

နေ့လယ်စောင်းလာတော့ ဒီထက်ပိုအလိုလိုက်ထားလို့မသင့်တော့။ အောက်ထပ်ဆင်းလို့ ကိုယ်တိုင်ပဲသွားခေါ်လိုက်တယ်။