حب رغم الفوارق الاجتماعية ( الجزء الثاني) سكان العمارة مكتملة ☑️

الفصل الخامس

عدنان بنت دكتور يوسف جارنا .. طب اتفضلي معايا هوصلك لبيتكم
....
البيدج الاصليه عالم زهرة Zahra's World
.....

انتهي من المحاضرة.. كانوا على وشك الخروج و لكن استوقفهم قائلا أروي استني عاوزك

أخذت نفس ثم استدارت له و قد اسودت عينيها من الغضب قائلة في حاجة تانية حضرتك عاوز تقولها يا دكتور مش كفاية اللي سمعتهولنا في المحاضرة

نظرت إليها حبيبة بفم مفتوح بعض الشئ و قالت ينهار أزرق البت عنيها بقت سوداء كدا لي بت يا أروي انتي بتتحولي اوعي تقولي هتبقي كائن فضائي أيوة انا عارفه قرأت رواية زي كدا ..

نظرت إليها أروي بغيظ و قالت اسكتي انتي دلوقتي انتي مش شيفاني بتخانق معاه يبقي تتفرجي و انتي ساكته

حبيبة و ماله يختي اتفرج متفرجش لي لحظة كدا .. ثم اخرجت من حقيبتها بعض من التسالي قائلة و هي تاكل منها كملي كملي

نظرت أروي إلي صخر مره اخري و قالت اتفضل كنت عاوز اي يا دكتور

صخر بهدوء و استغرب ينفع تهدي شوية انا مش عارف انتي متعصبة لي

نظرت له بغيظ و قد ازدادت عينيها سواداً و قالت والله يعني مش عارف انت عملت اي طب فكر حضرتك كدا عملت اي و لما تفتكر ابقي تعال كلمني ..

حبيبة وألا ميجيش انتي همك في حاجة يلا يا بنتي سيبك منه دا

قطعت حديثها حينما نظر إليها صخر نظره ارعبتها فابتلعت ريقها بخوف و قالت بس المسامح كريم برضوا يا أروي

اروي بسخرية اهم حاجة الثبات على المبدأ يا حبيبة و بعدين يختي ما تقولي لنفسك جاية تقوليلي انا

حبيبة في حاجات مينفعش نسامح فيها يا أروي خلصي حوارك مع الدكتور و حصليني

اروي بانزعاج لا خديني معاكي هما اصلا الرجالة كلهم عاوزين الو.لعة الا مشفت واحدة بتشكر في راجل قبل كدا .. كتهم نيله كلهم ..

ثم تركته و غادرت خلف حبيبة

صخر اروي انتي يا بت اسمعي طب ... مشيت قبل ما اعرف لاوية بوزها لي .. انا مش عارف واخدين فكرة عن الرجالة غلط لي .. دا مفيش احن مننا و أصدق مننا ... فكر يا صخر زعلانه لي  ... اخذ يفكر قليلا ثم قال بصدمة ينهار أزرق.. لا أزرق اي ينهار ملون باغمق الألوان دي دماغها ناشفة و بتحتاج مبرر لكل حاجة هقولها اي دي استر يا رب ثم غادر المدرج متجها إلى مكتبه

.....

كانوا يسيرون مع بعض البعض الي أن قاطع طريقهم ثم وجه حديثة الي حبيبة قائلاً عاوز اتكلم معاكي يا حبيبة ممكن

حبيبة والله علي حسب يا دكتور يامن لو كلام حضرتك خاص بالجامعة و الدراسة فتمام .. إنما غير كدا مش هقبل يكون في كلام بيني و بينك