Unicode.
ပန်းရောင်ဆံပင်နဲ့လူတစ်ယောက်က ဒီတိုင်းတံခါးဖွင့်ဝင်လာပြီး ငါနဲ့အကြည့်ချင်းဆုံသွားခဲ့တယ်၊
'' မင်းကဘာလို့ဒီမှာလဲ ''
ငါဆိုတာကိုသိသွားတဲ့နောက် Rennaldကခြေဟန်လက်ဟန်လုပ်တာကိုရပ်လိုက်ပြီး မျက်မှောင်ကြုတ်လိုက်တယ်၊
' ငါကရော နင့်ကိုတွေ့တာပျော်နေတယ်များထင်နေတာလား '
ငါသူ့ရဲ့ခေါင်းပေါ်ကိုကျော်ကြည့်လိုက်ပြီး အေးအေးဆေးဆေးပြန်ဖြေလိုက်တယ်၊
'' ငါကဒီနေရာကို အိမ်တော်ထိန်းလိုက်ပြလို့ရောက်နေတာ ''
'' ငါအဲ့တာကိုပြောနေတာမဟုတ်ဘူး ''
Rennald ငါ့ကိုလှမ်းကြည့်နေရာကနေ ငုံကြည့်လိုက်ပြီး ရယ်လိုက်တယ်၊
'' သုံးလွှာကိုမင်းဖွင့်လိုက်တာမလား... ''
' ဘုရားရေ...ဘယ်သူ့ကိုလာမေးနေတာလဲ '
မမြင်ရတဲ့အတွင်းစိတ်ထဲမှာတော့ ငါသူ့ကိုအပြုံးလေးနဲ့ ဖျတ်ရိုက်လိုက်ပြီ၊
'' သွားလာခွင့်ပိတ်ပင်ထားတာကို ဒီနေ့ပြောင်းလဲလိုက်ပြီ၊ငါ့အဖေကငါ့ကိုခွင့်ပြုပေးခဲ့တာ ''
'' ေအာ်...အဲ့တာကြောင့် အဖေကရုတ်တရက်ငါမသုံးတော့တဲ့ထပ်ခိုးအကြောင်းမေးတာ... ''
'' ဒါဆို နင်ကဘာလို့ဒီကိုရောက်နေရတာလဲ ''
'' ငါကတချို့အရူးတွေလို ပိတ်ပင်ခံထားရတာမဟုတ်ဘူး ''
သူကထေ့ငေါ့ရင်းလမ်းလျှောက်လာခဲ့တယ်၊ပုံစံကမျက်မှောင်ကြုတ်နေခဲ့တယ်၊ငါ ကြိုဆိုချင်စရာမရှိတဲ့ ဖိတ်မထားတဲ့ဧည့်သည်ကြောင့် စိတ်အနှောင့်ယှက်မဖြစ်ချင်ဘူး၊
ငါသေလောက်အောင် စိတ်တိုနေပြီ...'' ငါအရင်ရောက်တာ ''
ဒါကြောင့် ငါ့နေရာနဲ့ဝေးဝေးမှာသွားနေဖို့ပြောချင်တယ်၊ဒါပေမဲ့ အဲ့အကောင်က နားထောင်မဲ့သူမျိုးမဟုတ်ဘူး၊
'' ဘယ်သူကဘာပြောနေလို့လဲ ''
Rennald ကထပ်ခိုးထဲကိုဝင်လာပြီး အကွာအဝေးတောင်မခြားဘဲ မွှေးပွဆိုဖာခုံမှာလှဲလိုက်တယ်၊
ခြေပစ်လက်ပစ်လှဲနေရင်း စင်းကျနေတဲ့မျက်လုံးတွေနဲ့ငါ့ကိုကြည့်လာခဲ့တယ်၊
YOU ARE READING
DITOEFV
RomanceGameဆော့ရင်းနဲ့အိပ်ပျော်သွားတဲ့ကောင်မလေးတစ်ယောက်က အိပ်ရာကနိုးလာတဲ့အချိန်မှာ သူဆော့နေတဲ့gameရဲ့ hard moodကvillianဖြစ်နေပါသတဲ့... လက်တေွ့ဘဝမှာရော gameထဲမှာပါပစ်ပယ်ခံထားရတဲ့ဘဝမျိုးဖြစ်နေတဲ့အပြင် gameထဲကတခြားဇာတ်ကောင်တေွရဲ့အာရုံစိုက်မှုကိုရယူနိုင်ပြီး...