مساء المحبه على عيون احلى متابعين
في منتصف الرجوله
البارت الثامن عشر
بقلمي. حنين العلي
جواهر........ شفت طلبات الصداقه مقداد ابن عمتي دازلي طلب استغربت هوة ميعرف حسابي ولا اني ضايفه كرايب ! ولا اني كايلة لأحد عندي فيس وحاظرة كل كرايبي منه كلت خلي بس اوافق عالطلب بس ماحجي وياه يجوز رسلة عشوائي خل نشوف ولله وافقت ورة دقايق اجتني اشارة ترحيب عالماسنجر من عنده !! اني ردت اخليها معلقة وما ارد وداريد اكتب الصديقتي بالغلط ضغطت ع محادثته وقريتها تورطت رديت الترحيب !! بس بداخلي كلت اذا بدة بالكلام احاول اجر لسانه واعرف ليش دوم يباوعلي بنظرة غريبه؟ ويعيط عليه كل ميشوفني بليل راسل كاتب هلو شلونج ..
ما جاوبته بقه يدز ملصقات اشوف وما اجاوب لحد ما مل مر تقريبا اسبوعين والثالث ساعه بالوحده بليل دزلي كاتب اتمنى تجاوبيني دزيتله اوگي كبير ازرق بسرعه طلع يمي يكتب
مقداد.... شنو اسمج ؟
جواهر.... مثل ممكتوب بنين
مقداد...... من وين
جواهر..... من بغداد ليش تسأل
مقداد. وين ببغداد لان اني هم من بغداد
جواهر...... كلت خل انطي اسم منطقة قريبه ع منطقتنه واشوفه شيكول ؟ اخاف يكذب يعرفني ويريد يجربني؟ جاوبته باليرموك
مقداد..... اني اعظيمة بس مستغرب
جواهر... من شنو مستغرب
مقداد...... ولله استغربت لان هناك خالي ساكن وقريب ع هاي المنطقة ؟
جواهر...... اي وخالك شيشتغل هناك ؟
مقداد..... خالي موظف ؟
جواهر..... اي عادي قابل المنطقه بس النه
مقداد.... اي صح ماعرف ليش حسيت اعرفج مو خالي هم عنده بنات
جواهر.... شكم بينه عنده
مقداد......... اربعه وعنده وحده صغيرة اني دوم عيني عليها بس متجينه هلكد ودوم ساكته ومتحاجي احد انسانه غرييه ماعرف ليش وضعها مربك
جواهر...... ليش شعجب ؟
مقداد...... ماعرف هي هيج تدرين يا بنين اني شكد تعبان بحياتي ؟ واكيد انتي شفتي تعليقي بآحد البيجات عن قصة حبي ولو بالنهاية اني انغدرت وانخنت اني ماريد شي بس اريد اسولف وياج ..
جواهر...... على اي اساس اسولف وياي لا اعرفك ولا تعرفني ويلا روح
مقداد..... لا ما اروح تدرين بشي انتي عجبتيني
جواهر. ..... وانت وين تعرفني حتى اعجبك شدتحس؟
مقداد....... من خلال تعليقاتج عالبيج نعجبت بلباقه اسلوبج وطريقه كلامج
اي وهسة شتريد ؟
اريد اتعرف عليج !
واني ماريد اتعرف عليك الله وياك ..
مقداد.....بس احجيلج البكلبي وبعدها حضريني اترجاج سمعيني
جواهر.....ماريد اسمع شي رجآء بعد.لا تراسل
كتبت هيج وطلعت من المحادثه ثاني يوم كعدت الصبح لگيته كاتبلي عن حياته وشلون غادرته حبيبته الي هيه نفسها فاطمه بنت عمي كلشي كاتب بتفصيل من متعرف عليها وشلون بالعرس مال فهد اخوه مراسلته وجاره علاقه وياه ومحاجي امها علمود يخطبها لحد مشايفها بالكوفي وي واحد وحاطه عينها بعينه وممهتمه هنا دايس على كلبه ومخابر امها مرزلها وكايللها بنتج كيت وكيت وبعد ماخطبها لو تنصب ذهب
قريت قصته وانطيته لايك كبير اصلا اني شبهه اعرف قصته وي فاطمه بس نقهرت عليه حسيته بس يريد يحجي البگلبه ويرتاح
من بعدها ظلت يترردد ويراسل كل فتره
! واني اتجنبه مارد يوميه يسأل ويكول ولله شكد ارتاح من احجيلج واسولف الج انتي الوحيدة الي كلبي مأمن بيها رغم معرفتي بيج قليله كلش بس ماعرف ليش ارتاحلج من احاجيج ماعرف شنو سر هالاحساس بديت اتجاوب وياه كذالك هم اتواصل ويا مرات ياخذنه الحجي للنصيحة ومرات للشقة لاكن كلشي بحدود جنه نحجي هواي لمدة اسبوعين هوة مايمر يوم اذا ميدز جنت اسولف اله عن حياتي بس مو كلشي
مع العلم هوة يعرفني انسانه غريبه بس اني مطمئنه لان اعرفه كرايبي وابن عمتي ف بيوم قررت كلت لازم احجيله الحقيقة ولازم يعرف اني منو !
رسلت اله هلو مقداد شلونك؟؟
