စေတီပျက်လေးကိုကျောခိုင်းရင်း လှမ်းနေသည့်ခြေလှမ်းလေးများကစီးချက်ညီညီ။လေတိုးဝှေ့သံများမှလွဲ၍ စောလွန်းရောမောင်ပါစကားတစ်ခွန်းတစ်လေမှထပ်မပြောဖြစ်ကြပါ။
ရွာထိပ်ရောက်တော့ မောင်ကစောလွန်းကိုအရင်ဝင်ခိုင်းကာသူကတော့အနောက်မှမသိမသာမှေးလိုက်၍ရွာထဲဝင်သည်။ခါတိုင်းလိုပဲ သက်ပြင်းလေးချရင်စောလွန်းရေရွတ်မိသည့်စကားလေးဟာ အားမလိုအားမရဟန်ဖြင့် သိမ်ငယ်မှုတစ်စွန်းတစ်စရောယှက်လျက်။
*မောင်ကလူတွေသိမှာကြောက်နေတယ်*
<<<<<<
>>>>>>"ဆရာ ရွှေတွေက၈၀၀ရတယ် ငွေသား၃၅၀နဲ့ပေါင်းရင်၁၁၅၀"
သော်ကက ရသမျှငွေတွေကိုအလယ်မှာစုပုံပြီး ပြောလာသည်။
"အေး ငါတို့အတွက်၁၅၀လောက်ပဲချန်ပြီး ကျန်တဲ့ငွေတွေကို မြို့ပေါ်တတ်ပြီးဆန်တွေဆီတွေစားစရာတွေဝယ်ခဲ့။ ပြီးတော့ တောထဲမှာဆိုတော့အေးတယ် ကလေးတွေအတွက်လည်းအဝတ်တွေအနွေးထည်တွေဝယ်ခဲ့။ မင်းနဲ့အတူမာနကိုပါခေါ်သွား"
"ဟုတ်ကဲ့ပါဆရာ"
ထို့နောက် သော်ကနဲ့မာနကပြင်ဆင်စရာရှိတာပြင်ဆင်ရန် ငွေ၁၀၀၀ယူကာထွက်သွားတော့သည်။
"ဒေါ်ငွေခင်ဆိုတဲ့အဘွားကြီးဘယ်လောက်တောင်အမြတ်ကြီးစားထားသလဲဆိုတာ ကျွန်တော်ဖြင့်မခန့်မှန်းနိုင်လောက်အောင်ပဲဆရာရေ"
အာဂ၏နှာခေါင်းရှုံ့ကာတွေးဆဆပြောသည့်စကားကို ရာဇဘာမှပြန်မတုန့်ပြန်မိ။ဒီလိုမျိုးလူတွေလောဘကြီးတာ သူ့အတွက်မထူးဆန်းတော့သည့်အတွက် သူတို့အလုပ်သူတို့လုပ် ကိုယ့်အလုပ်ကိုယ်လုပ်ရုံသာ။ထိုလူတွေမတရားသဖြင့် ခေါင်းပုံဖြတ်၊အမြတ်ကြီးစားလေလေ ဗိုလ်ရာဇဆိုတဲ့သူ၏ပြစ်မှတ်ဖြစ်လေလေပင်။
"မီးပုံလုပ်ဖို့ထင်းတွေစုထား ဆောင်းဝင်လာပြီဆိုတော့တောထဲမှာအေးတယ် ငါကလေးတွေသွားကြည့်လိုက်ဦးမယ်"
"နာခံလျက်ပါဆရာ"
ကိုယ်ကိုတောင့်ခါးကိုမတ်ရင်း သတိအနေအထားဖြင့်အလေးပြုကာပြောနေသည့်အာဂကိုလျစ်လျူရှုရင်း ကလေးတွေရှိသော တဲအိမ်လေးဆီသာဦးတည်လိုက်သည်။ဒီကောင် အလကားမျက်နှာပြောင်နေတာရာဇသိတာကြောင့်ဂရုစိုက်နေလဲအပိုပင်။သူတို့သုံးယောက်လုံးကို ဆရာတပည့်ဆိုသည့်ဆက်ဆံရေးထက် ညီအစ်ကိုလိုပို၍ဆက်ဆံဖြစ်တာကြောင့် ထိုကောင်တွေဒီလိုစစနောက်နောက်အတင့်ရဲနေခြင်း။
YOU ARE READING
"ဗိုလ်ရာဇနှင့်သူ၏ချစ်သက်လယ်" [Complete]
Romanceဗိုလ်အောင်ဒင်နှင့်မမြဝင်းကို inspireယူ၍ရေးထားသည့်boy loveဝတ္တုတစ်ပုဒ်ဖြစ်သည်။ ၁၉၄၂ခုနစ်နဲ့၁၉၄၅ခုနစ်ဝန်းကျင် မြန်မာနိုင်ငံကိုဖက်ဆစ်ဂျပန်တို့ရက်စက်ခဲ့သည့်ခေတ်ကအကြောင်းတွေပါဝင်မှာဖြစ်တဲ့အတွက် လူမျိုးရေးတိုက်ခိုက်လိုခြင်းမရှိကြောင်းကြိုတင်အသိပေးချင်ပါတယ...
အပိုင်း(၂)
Start from the beginning