မောင့်ရဲ့အစောဟာ သစ္စာမရှိ၊ဖောက်လွဲဖောက်ပြန်လုပ်ရင်သိပ်မုန်းတယ်ဆိုတဲ့အကြောင်း။
"အစော ဘာတွေတွေးနေတာလဲ မောင်ခေါ်နေတာမကြားဘူးလား"
"အင်း နည်းနည်းအတွေးလွန်သွားလို့ မောင်ဘာပြောလိုက်တာလဲ"
"ဩော် ခင်တို့သားအမိသနားပါတယ်လို့ပြောတာပါ"
"ဪ"
"ဘယ်လောက်ပဲဒေါ်ငွေခင်ကမောက်မာတယ်ပြောပြော ခင်ကယဥ်ကျေးတဲ့မိန်းကလေးတစ်ယောက်လေ မဟုတ်လား"
"အင်း"
ထိုတစ်လုံးကလွဲ၍ပြန်ဖြေနိုင်စွမ်းစောလွန်းမှာမရှိပါ။မောင်ကသူရဲ့သည်းခံနိုင်စွမ်းကိုစမ်းသပ်နေသလားအောက်မေ့ရသည်။စောလွန်းကအဘယ်လောက်သဘောထားကြီးသူဖြစ်ပါစေ ပုထုစဥ်လူသားတစ်ယောက်ဖြစ်သည့်အတွက်ခံပြင်းမိပါ၏။နှစ်ယောက်တည်းသီးသန့်တွေ့ခွင့်ရတဲ့အချိန်ခဏလေးမှာတောင် မောင်ကခင်ဆိုတဲ့မိန်းကလေးအကြောင်းပဲပြောနေတယ်ဆိုပြီးစိတ်ဆိုးပြရင် မောင် စောလွန်းကိုစိတ်ပျက်သွားလေမလား။
"မောင်"
"ဟင်"
"အစောနဲ့ခင်နဲ့ဆိုရင်ဘယ်သူ့ကိုရွေးမလဲဟင်"
မေးပြီးမှအဖြေကိုရင်မဆိုင်ရဲစွာလက်သီးတင်းတင်းဆုပ်ရင်း မျက်နှာလွှဲလိုက်မိသည်။ဒေါင်းလုံရွာရဲ့ကာလသားတွေအသဲစွဲဖြစ်တဲ့ ခင်နှင်းကိုယှဥ်နိုင်သည်အထိ စောလွန်းကိုယ့်ကိုကိုယ်ယုံကြည်ချက်မပြင်းထန်သေးပါ။
"ဘာလို့မေးတာလဲအစောရဲ့ အစောကမောင့်ချစ်သူ ခင်ကမောင်ညီမလေးလိုချစ်ရတဲ့သူငယ်ချင်းလေ"
"အင်း ထားလိုက်ပါတော့"
ထားလိုက်ပါတော့ဆိုသည့်စကားရဲ့နောက်မှာစိတ်ပျက်အားလျော့မှုတွေကတစ်သီတစ်တန်း။မည်သို့ပင်ဆိုစေကာမူ 'မောင်ကအစောကိုပဲရွေးမှာပေါ့'ဆိုတဲ့အဖြေကိုကြားချင်မိခဲ့တဲ့စောလွန်းရဲ့အပြစ်ပါပဲလေ။
ကျေးငှက်သံလေးတွေမှလွဲ၍ ပတ်ဝန်းကျင်ကခဏမျှတိတ်ဆိတ်သွားပြန်သည်။
"မောင်တို့ပြန်ကြရအောင်"
"အင်း ပြန်မယ်လေ"
YOU ARE READING
"ဗိုလ်ရာဇနှင့်သူ၏ချစ်သက်လယ်" [Complete]
Romanceဗိုလ်အောင်ဒင်နှင့်မမြဝင်းကို inspireယူ၍ရေးထားသည့်boy loveဝတ္တုတစ်ပုဒ်ဖြစ်သည်။ ၁၉၄၂ခုနစ်နဲ့၁၉၄၅ခုနစ်ဝန်းကျင် မြန်မာနိုင်ငံကိုဖက်ဆစ်ဂျပန်တို့ရက်စက်ခဲ့သည့်ခေတ်ကအကြောင်းတွေပါဝင်မှာဖြစ်တဲ့အတွက် လူမျိုးရေးတိုက်ခိုက်လိုခြင်းမရှိကြောင်းကြိုတင်အသိပေးချင်ပါတယ...
အပိုင်း(၂)
Start from the beginning
!["ဗိုလ်ရာဇနှင့်သူ၏ချစ်သက်လယ်" [Complete]](https://img.wattpad.com/cover/293317720-64-k504508.jpg)