Cāi Cāi || ချိုက်ချိုက် || [ မြန်မာဘာသာပြန်] (Completed)

Chapter (37)

မမျှော်လင့်ဘဲ သူ့စိတ်ထဲ၌ ဗီဒီယိုတွင်မြင်ခဲ့ရသော ဝမ်ချင်းယွမ်၏နောက်ကျောကို သတိရသွားပြီး ထိုလူကဲ့သို့အရပ်ရှည်လာပါက မည်သို့ဖြစ်လာမည်ကို သူ မစဥ်းစားတတ်တော့ပေ။

ကိုယ်အလေးချိန်တိုင်းတာပြီးနောက် လူတိုင်း လည်း စာသင်ခန်းသို့သာ ပြန်သွားခဲ့ကြသည်။

ဘေးဘယ်ညာကြည့်လိုက်ပြီးနောက် အတန်းထဲရှိမျက်နှာများစွာ ပျောက်နေသေးသည်ကို ရှန်းချိုက်ရုတ်တရက် သတိပြုမိသွားသည်။

ဒီနေ့က ကျောင်းစတက်တဲ့ပထမဆုံးနေ့ဟာကို အဲ့ဒီ့လူတွေမှာ ကျောင်းပျက်ဖို့အတွက် အကြောင်းပြချက်တစ်ခုခုများ ရှိနေလို့လား??

သူ့မေးခွန်းကို ချီကျိကိုပြောပြလိုက်ပေမယ့် ကောင်မလေးက မျက်လုံးများကိုပြူးပြလိုက်ပြီး " ရှန်းချိုက် နင့်ဆီမှာဘာသတင်းမှကိုမရှိဘူး" လို့ ပြန်ဖြေလေသည်။

ရှန်းချိုက် : "ဘာဖြစ်လို့လဲ?? သူတို့တွေ ကျောင်းပြောင်းသွားကြလို့လား??"

ချီကျိက ခေါင်းခါပြလိုက်ပြီး " သူတို့က စာရင်းတောင်သွင်းပြီးသွားလို့ ထရိန်နင်တွေတောင်ဖြစ်တော့မယ်ဟဲ့!"

"ထရိန်နင်လား?" ရှန်းချိုက်၏မျက်နှာပေါ်တွင် ရှုပ်ထွေးမှုများပေါ်လာသည်။ " ထရိန်နင်ဆိုတာ ဘာလဲ??"

ချီကျိသည် ရှန်းချိုက်ကဲ့သို့ ဤလောကအကြောင်းကောင်းစွာမကျွမ်းကျင်သောသူမျိုးအား တစ်ခါမှကို မမြင်ဖူးပေ။ ထိုကောင်လေးသည် သီချင်းနှင့်အကသင်တန်းသားတစ်ဦးဖြစ်သော်လည်း "ထရိန်နင်" ဟုသောစကားလုံးကို ကြားပင်မကြားဖူးဟုပြောလာသည်။

သူမလည်း အမြန်ရှင်းပြလိုက်ပြီးနောက် မသိနားမလည်သော ရှန်းချိုက်လေးလည်း နားလည်သွားတော့သည်။

"ဒါဆို သူတို့က ကျောင်းမတက်တော့ဘူးလား??" ရှန်းချိုက်လည်း မယုံနိုင်စွာဖြင့် ပြောလိုက်သည်။ "အသက် ဆယ့်ခြောက်ဆယ့်ခုနစ်က ပွဲဦးထွက်ဖို့စောလွန်းမနေဘူးလား??"

"သူတို့က တတ်နိုင်သမျှကို စောစောထွက်ချင်နေကြတာ!" နောက်တန်းမှ ချန်ဇီရန်က သူ့ခေါင်းကိုငုံ့လာပြီး " ရှန်းချိုက်. . .မင်းအရမ်းခေတ်နောက်ကျနေပြီ၊ အခုချိန်မှာ ဒီလိုကလေးသရုပ်ဆောင်တွေအများကြီးပေါ်လာတာ မဆန်းတော့ဘူးလေ . . . အသက် ၁၂ နှစ်၊ ၁၃နှစ်အရွယ်ကလေးတွေနဲ့ အဖွဲ့ဖွဲ့ပေးထားတဲ့ သီချင်းဆိုအိုင်ဒေါအဖွဲ့တွေတောင်ရှိသေးတယ်!! သူတို့ရဲ့ကုမ္ပဏီတွေက ဆရာဆရာမတွေ တိုက်ရိုက်စီစဉ်ပေးထားတော့ ဒီအတန်းတွေကိုတက်စရာမလိုတော့ဘူးကွ "